សមយុទ្ធ២៨ថ្ងៃនេះពិតជាអស្ចារ្យមែន បា.ញ់គ្រាប់ពិត
- ភ្នំពេញ
រាជធានីភ្នំពេញ ៖ យោងតាមលោកនាយឧត្តមសេនីយ ឈុំ សុជាត អ្នកនាំពាក្យក្រសួងការពារជាតិ នៅថ្ងៃទី២៦ ខែកុម្ភៈ ឆ្នាំ២០១៩ បានបញ្ជាក់ថា…
រាជធានីភ្នំពេញ ៖ យោងតាមលោកនាយឧត្តមសេនីយ ឈុំ សុជាត អ្នកនាំពាក្យក្រសួងការពារជាតិ នៅថ្ងៃទី២៦ ខែកុម្ភៈ ឆ្នាំ២០១៩ បានបញ្ជាក់ថា លំហាត់ហ្វឹកហ្វឺននាគមាសឆ្នាំ២០១៩នេះរវាងកងយោធពលខេមរភូមិន្ទ និងកងទ័ពរំដោះប្រជាជនចិននឹងបើក« រយៈពេល២៨ថ្ងៃ ចាប់ពីថ្ងៃទី២៨ ខែកុម្ភៈ ដល់ថ្ងៃទី២៧ ខែមីនា ឆ្នាំ២០១៩»នៅទីលានបាញ់គ្រាប់ពិតសាលាហ្វឹកហ្វឺនតេជោសែនជុំគិរី ស្ថិតនៅភូមិត្រពាំងវែង ឃុំត្រពាំងរាំង ស្រុកជុំគិរី ខេត្តកំពត ។
នេះ គឺជាលំហាត់នាគមាសលើកទី៣រវាងកងទ័ពប្រទេសទាំងពីរដែលបានធ្វើឡើង ចាប់តាំងពីឆ្នាំ២០១៦មក ។ លោកនាយឧត្តមសេនីយបានបន្តថា លំហាត់ហ្វឹកហ្វឺននាគមាស ឆ្នាំ២០១៩ ដើម្បីពង្រឹងកិច្ចសហប្រតិបត្តិការល្អរវាងកងយោធពលខេមរភូមិន្ទជាមួយកងទ័ពរំដោះប្រជាជនចិន ដើម្បីផ្លាស់ប្តូរបទពិសោធន៍ធ្វើលំហាត់រួមគ្នាលើកិច្ចការមនុស្សធម៌ ការជួយសង្គ្រោះគ្រោះមហន្តរាយ ការប្រឆាំងភេរវកម្ម ការរក្សាសន្តិភាព ក្នុងក្របខណ្ឌរបស់អង្គការសហប្រជាជាតិក្នុងមួយឆ្នាំម្តងៗ និងគ្រប់ប្រភេទទ័ពស្របតាមកិច្ចសហប្រតិបត្តិការរបស់ក្រសួងការពារជាតិ នៃប្រទេសទាំងពីរ ។
ក្រសួងការពារជាតិបានបញ្ជាក់ថា លំហាត់នេះដើម្បីឆ្លុះបញ្ចាំងអំពីគោលជំហររបស់រាជរដ្ឋាភិបាល ជាពិសេសកងយោធពលខេមរភូមិន្ទ ក្នុងការអនុវត្តន៍នយោបាយការពារជាតិរវាង ខ.ភ.ម និងកងទ័ពរំដោះប្រជាជនចិនលើគ្រប់វិស័យ និងគ្រប់ជ្រុងជ្រោយ ។ ពិធីបើកលំហាត់ «នាគមាសឆ្នាំ២០១៩» នឹងធ្វើឡើងនៅថ្ងៃទី១៣ ខែមីនា ឆ្នាំ២០១៩ ។ ពិធីស្ថិតក្រោមអធិបតីភាព លោកនាយឧត្តមសេនីយ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ចំណែកពិធីបិទនឹងធ្វើឡើង នៅថ្ងៃទី២៧ ខែមីនា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ។
លោកនាយឧត្តមសេនីយ ឈុំ សុជាត បញ្ជាក់បន្ថែមថា លំហាត់ហ្វឹកហ្វឺននេះ មានភាគីកងទ័ពរំដោះប្រជាជនចិនចូលរួមចំនួន២៥២នាក់ និងភាគីកម្ពុជាចូលរួមចំនួន២៥៤២នាក់ ក្នុងនោះមាន កម្លាំងធ្វើលំហាត់ចំនួន៣៨២នាក់ កម្លាំងបម្រើការក្នុងលំហាត់ចំនួន៤៤៨នាក់ កម្លាំងចូលរួមក្នុងពិធីបើកបិទចំនួន១,៦៨៥នាក់ ។ ក្នុងលំហាត់នាគមាសនេះមានការហ្វឹកហាត់ក្នុងទីបញ្ជាការ និងទីលាន ដោយផ្តោតសំខាន់លើវិញ្ញាសារមួយចំនួនដូចជា ការប្រឆាំងភេរវកម្ម ការរំដោះចំណាប់ខ្មាំង ការសង្គ្រោះប្រជាពលរដ្ឋពីគ្រោះធម្មជាតិ ការបំពេញភារកិច្ចក្រោមឆត្រអង្គការសហប្រជាជាតិ និងវិស្វកម្មជាដើម ។
អាវុធយុទ្ធភណ្ឌសំខាន់ៗដែលប្រើប្រាស់នៅក្នុងលំហាត់នាគមាសឆ្នាំនេះរួមមានដូចជា រថពាសដែក រថក្រោះ កាំភ្លើងធំ កាំភ្លើងត្បាល់ ឧទ្ធម្ភាគចក្រ អាវុធគាំទ្រពីលើអាកាសជាដើម៕
ចែករំលែកព័តមាននេះ