ខេត្តកំពង់ធំ ៖ ពលរដ្ឋនាំគ្នានិយាយរិះគន់ថា ក្រុងស្ទឹងសែនមានសោភ័ណភាព និងសួនច្បារគួរឲ្យចង់គយគន់ដែរ ក៏ប៉ុន្តែហេតុអ្វីបានជាអាជ្ញាធរក្រុងស្ទឹងសែនមិនយកចិត្តទុកបណ្តែតបណ្តោយ និងមិនមានវិធានការចំពោះម្ចាស់គោដែលបានលែងគោឲ្យដើរប្រសេកប្រសាចជុះអាចម៌ពេញតែក្នុងក្រុងយ៉ាងដូច្នេះទៅវិញ! ដែលធ្វើឲ្យជះឥទ្ធិពលដល់បរិស្ថាន ព្រមទាំងមុខមាត់របស់ខេត្តកំពង់ធំ។
ពាក់ព័ន្ធបញ្ហាខាងលើនេះ លោក ម៉ាក់ ប៊ុនហុង អភិបាលក្រុងស្ទឹងសែន បានឲ្យដឹងតាមទូរស័ព្ទនៅព្រឹកថ្ងៃទី២៨ ខែកុម្ភៈ ឆ្នាំ២០១៩នេះថា កន្លងមក អាជ្ញាធរក្រុងបានដាក់បទបញ្ជាផ្សព្វផ្សាយមិនឲ្យបងប្អូនប្រជាពលរដ្ឋលែងសត្វគោក្របីឲ្យដើរនៅក្នុងក្រុងនោះទេ ក៏ប៉ន្តែនៅតែមានពលរដ្ឋមួយចំនួនតូចនៅបន្តលែងគោដដែល ។ លោកបានបញ្ជាឲ្យសមត្ថកិច្ចនាំគ្នាចាប់សត្វគោទាំងនោះដែរ ដើម្បីឲ្យម្ចាស់ចូលខ្លួនមកធ្វើកិច្ចសន្យានៅចំពោះមុខអាជ្ញាធរឲ្យបញ្ឈប់ការលែងគោឲ្យដើរក្នុងក្រុងទៀត តែសមត្ថកិច្ចនាំគ្នាស្ទាក់ចាប់គោទាំងនោះមិនបាន ដោយសារតែគោខ្លះមិនមានដោតកន្លោះ ហើយមិនឲ្យចូលជិតវា។
ករណីនេះលោកកំពុងដាក់ឲ្យសមត្ថកិចិ្ចធ្វើការស្រាវជ្រាវរកម្ចាស់គោទាំងអស់នោះ អញ្ជើញគាត់មកធ្វើកិច្ចសន្យា បើនៅតែមិនរៀងចាលលើក្រោយ និងត្រូវពិន័យជាប្រាក់។
ចំណែកពលរដ្ឋក៏សំណូមពរដល់អាជ្ញាធរក្រុងស្ទឹងសែន និងអាជ្ញាធរខេត្ត គួរតែមានវិធានការឲ្យបានតឹងរឹងបំផុតចំពោះបញ្ហានេះ ដើម្បីសោភ័ណភាព និងមុខមាត់របស់ខេត្តកំពង់ធំ ៕
ចែករំលែកព័តមាននេះ