រាជធានីភ្នំពេញ ៖ កម្ពុជា-វៀតណាមបានបង្ហាញជំហរបន្តធ្វើកិច្ចសហប្រតិបត្តិការទ្វេរភាគីឲ្យកាន់តែប្រសើរឡើងទោះបីជាស្ថានការណ៍នៅពិភពលោកបានកំពុងតែប្រែប្រួល និងស្មុគ ស្មាញក៏ដោយ ។ ការប្តេជ្ញានេះធ្វើឡើងក្នុងជំនួបពិភាក្សាររវាងសម្តេចហេង សំរិន ប្រធានរដ្ឋសភាកម្ពុជាជាមួយលោក ង្វៀន ភូជុង (NGUYEN THU TRONG) អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស និងជាប្រធានរដ្ឋសាធារណរដ្ឋសង្គមនិយមវៀតណាមនៅថ្ងៃទី២៦ ខែកុម្ភៈ ឆ្នាំ២០១៩ នៅវិមានរដ្ឋសភា ។
លោកកែវ ពិសិដ្ឋ នាយកខុទ្ទកាល័យសម្តេចហេង សំរិន ប្រធានរដ្ឋសភាបានលើកឡើងថាក្នុងស្មារតីភាតភាពមិត្តភាព សាមគ្គីភាព ជាយូអង្វែងភាគីនៅប្តេជ្ញាបន្តធ្វើកិច្ចសហឲ្យកាន់តែប្រសើរឡើងថែមទៀត» ។ សម្តេចប្រធានរដ្ឋសភាក៏បានសម្តែងការអបអរចំពោះសមិទ្ធិផលរបស់រដ្ឋាភិបាលវៀតណាមក្នុងបុព្វហេតុកសាងប្រទេសជាតិឲ្យក្លាយជាប្រទេសឧស្សាហកម្មជឿនលឿងដែលស្របតាមទិសដៅក្នុងកិច្ចប្រជុំបក្សកុម្មុយនីសវៀតណាម ។ ជាមួយគ្នានោះដែរសម្តេចហេង សំរិន បានថ្លែងកោតសរសើរ និងអបអរសាទរចំពោះប្រទេសវៀតណាមដែលបានកំពុងលិចធ្លោនៅលើឆាកអន្តរជាតិ ។
ជាងនេះវៀតណាមបានក្លាយជាម្ចាស់ផ្ទះរៀបចំកិច្ចប្រជុំកំពូលឲ្យមេដឹកនាំពិភពលោករវាងលោក ដូណាល់ត្រាំ និងលោកគីម ជុងអ៊ុន ។ ជំនួបរវាងប្រធានាធិបតីអាមេរិកលោក ដូណាល់ ត្រាំ និងលោក គីម ជុងអ៊ុនមេដឹកនាំកូរ៉េខាងជើងដែលនឹងប្រព្រឹត្តទៅនៅទីក្រុងហាណូយ ប្រទេសវៀតណាមចាប់ពីថ្ងៃទី២៧-២៨កុម្ភៈនេះ ជាលើកទី២ហើយបន្ទាប់ពីកិច្ចប្រជុំជាលើកដំបូងរវាងមេដឹកនាំទាំង២ កាលពីខែមិថុនា ឆ្នាំ២០១៨ នៅសិង្ហបុរីដោយបាននាំឲ្យប្រសើរឡើងនូវទំនាក់ទំនងអាមេរិកកូរ៉េខាងជើងខ្លះៗផងដែរ ។
សម្តេចបានបញ្ជាក់ថា «វៀតណាមបច្ចុប្បន្នកាន់តែមានតួនាទីសំខាន់ទាំងក្នុងតំបន់ និងអន្តរជាតិ ជាពិសេសកិត្យានុភាពរបស់វៀតណាមកំពុងតែលេចធ្លោលើឆាកអន្តរជាតិតាមរយៈមេដឹកនាំអាមេរិក និងកូរ៉េខាងជើងកំណត់យកប្រទេសនេះជាតំបន់បើកកិច្ចប្រជុំ ។ កិច្ចប្រជុំនេះ ត្រូវបានសម្តេច ហេង សំរិន អះអាងថាជាកិច្ចប្រជុំ ដើម្បីនាំមកនូវសន្តិភាព ។ លោក កែវ ពិសិដ្ឋ បញ្ជាក់ថា «សម្តេចក៏បានអបអរសាទរផងដែរចំពោះវៀតណាមដែលបានក្លាយទៅជាម្ចាស់ផ្ទះរៀបចំកិច្ចប្រជុំកំពូលរវាងប្រធានាធិបតីដូណាល់ត្រាំ និងសេនាប្រមុខគីម ជុងអ៊ុន ដែលនេះជាកិច្ចប្រជុំមានសារៈសំខាន់ ដើម្បីនាំមកនូវសន្តិភាព ស្ថិរភាព នៅក្នុងតំបន់ និងសកលលោក» ។
ប្រធានរដ្ឋសភាខ្មែរបានថ្លែងទៀតថា វៀតណាមបានជួបកម្ពុជាឲ្យរួចផុតពីរបបខ្មែរក្រហមដែលធ្វើឲ្យកម្ពុជាមានការរីកចម្រើនមកដល់សព្វថ្ងៃនេះដែរ ។ សម្រាប់ប្រធានរដ្ឋវៀតណាមវិញបានលើកឡើងទៅវិញថា វៀតណាមរីកចម្រើនមកដល់សព្វថ្ងៃនៅលើឆាកអន្តរជាតិនេះ ដោយសារប្រទេសជាច្រើនក្នុងសកលលោករួមទាំងកម្ពុជាផងដែរដែលបានជួយគាំទ្រ ។
ចំពោះអនុរដ្ឋមន្ត្រីក្រសួងការបរទេសវៀតណាមលោក NGUYEN THU TRONG បាននិយាយថា ដំណើរទស្សនកិច្ចនាពេលខាងមុខរបស់លោក គីម ជុងអ៊ុន គឺជាព្រឹត្តការណ៍លើកដំបូងនៃមេដឹកនាំកូរ៉េខាងជើងក្នុងរយៈពេល៥៥ឆ្នាំចុងក្រោយដែលបានធ្វើដំណើរទៅដល់ប្រទេសវៀតណាម ៕
ចែករំលែកព័តមាននេះ