ខេត្តត្បូងឃ្មុំ ៖ ពិតជាគួរឲ្យអាណិតណាស់រដូវប្រាំងអាកាសធាតុក្តៅហែងបែរជាលំនៅឋានរបស់ប្រជាពលរដ្ឋនៅភូមិនិគមលើ ឃុំស្រឡប់ ស្រុកត្បូងឃ្មុំ ជាប់រដ្ឋបាលសាលាខេត្តរយៈពេល៣ឆ្នាំហើយនូវ
តែមិនទាន់មានភ្លើងអគ្គិសនីប្រើប្រាស់នូវឡើយ ។ ពួកគាត់បានរអ៊ូរទាំថា យប់ៗដេកមិនពេញភ្នែកនោះទេ ក្តៅស្អុះស្អាប់ ហើយកូនតូចៗ កាន់តែពិបាកដេកថែមទៀត ។
លោកទៀន លី វ័យ៦២ឆ្នាំ បានប្រាប់ឲ្យដឹងថា ដំបូងគាត់ និងសមាជិកក្រុមគ្រួសាររស់នៅក្នុងរាជធានីភ្នំពេញលុះពេលឮគេបង្កើតខេត្តត្បូងឃ្មុំថ្មីក៏បានចាកចេញមកទិញដីគេមួយប្លង់សាងសង់ផ្ទះថ្ម១ខ្នងនៅជិតរដ្ឋបាលសាលាខេត្តចាប់តាំងពីពេលដែលគាត់បានមករស់នៅភូមិឃុំខាងលើ ដើម្បីប្រកបរបរលក់ដូរដោះស្រាយជីវភាពគ្រួសារដោយរយៈពេល២ឆ្នាំហើយ មិនមានភ្លើងអគ្គិសនីប្រើទេ ។ លោកទៀន លី ប្រាប់បន្តទាំងទឹកមុខស្រងូតស្រងាត់ថា ខ្សែកាបចរន្តអគ្គិសនីរត់ពីលើមុខផ្ទះមែន តែគេមិនបានតឲ្យប្រើប្រាស់នោះទេ ដោយចេះតែអូសបន្លាយរហូតមកដល់សព្វថ្ងៃ ។ ជាមួយនោះក្រុមហ៊ុនមួយបានឲ្យប្រជាពលរដ្ឋក្នុងភូមិរបស់គាត់ផ្តិតមេដៃ ដើម្បីធ្វើលិខិតតភ្លើងមកប្រើ ។
ដោយរាល់ថ្ងៃគាត់មានម៉ាស៊ីនភ្លើង០១គ្រឿង ដោយបានបញ្ឆេះរាល់ថ្ងៃលុះដល់ពេលយប់បន្តិច និងបិទហើយការប្រើប្រាស់ម៉ាស៊ីនភ្លើងខ្លាំងពេក ឥឡូវកាន់តែយាប់លែងចង់ដំណើរការគាត់គ្រោង និងទិញបន្ទះសូឡាប្រើប្រាស់ពន្លឺព្រះអាទិត្យ១ផ្ទាំង ដើម្បីចាប់ដាក់កង្ហារឲ្យចៅស្រីតូចម្នាក់ងាយស្រួលដេកយប់ព្រលប់ ហើយម៉ាស៊ីនភ្លើងតូចរបស់គាត់១គ្រឿងនៅក្រោយផ្ទះ កាន់តែយាប់មែនទែនបញ្ឆេះមិនចង់ឆេះទេ ។
អ្នកស្រី ណៃ លីនណា អាយុ៣២ឆ្នាំ នៅភូមិនិគមលើប្រាប់ថា គាត់បានមកបើកហាងលក់បាយនៅ
ជិតរដ្ឋបាលសាលាខេត្តនេះចំនួន៣ឆ្នាំមកហើយ ពេលណាមានភ្ញៀវចូលមកហូបបាយគាត់ត្រូវបញ្ឆេះម៉ាស៊ីន១គ្រឿង ដើម្បីឲ្យកង្ហារវិលកុំឲ្យក្តៅស្អុះ តែនូវពេលយប់វិញម៉ាស៊ីននោះមិនបញ្ឆេះឡើយ ។
ហើយកូនតូចរបស់គាត់ត្រូវយកទៅដេកនៅផ្ទះឆ្ងាយពីកន្លែងលក់ដូរគាត់ត្រូវបានគេឲ្យផ្តិតមេដៃមិន
ដល់១០នាក់ផង ដើម្បីតបណ្តាញអគ្គិសនីមកប្រើ តែដោយសារមនុស្សតិចពេកគេមិនទាន់តឲ្យប្រើ ។
ពួកគាត់ស្នើសុំទទូចដល់លោកបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំដែលទើបនឹងចូលកាន់
តំណែងថ្មី សូមមេត្តាជួយអន្តរាគមន៍ឲ្យមានភ្លើងប្រើប្រាស់ដូចកន្លែងផ្សេងផង ។ ហើយខែនេះក្តៅពេលយប់ៗដេកមិនបានពេញភ្នែកនោះទេ ដោយសារតែមិនមានភ្លើងប្រើក្រុមប្រជាពលរដ្ឋបានលើកឡើងថា ប្រសិនណាបើនៅកន្លែងគាត់មានភ្លើងប្រើនោះ និងមានប្រជាពលរដ្ឋមកសាងសង់ផ្ទះជាបណ្តើរៗ ។ ព្រឹកថ្ងៃទី២២ កុម្ភៈ ២០១៩ តំណាងក្រុមហ៊ុនបានប្រាប់តាមទូរស័ព្ទថា ករណីដែលប្រជាពលរដ្ឋមិនទាន់មានភ្លើងប្រើប្រាស់ខាងលើនោះរង់ចាំដល់ថ្ងៃច័ន្ទ នៅសប្តាហ៍ក្រោយត្រូវនឹងថ្ងៃទី២៥ កុម្ភៈ ។
លោកជាម ច័ន្ទសោភ័ណ អភិបាលខេត្តវិញមានប្រសាសន៍ឲ្យដឹងដែរថា គាត់ឆ្ងល់ថា នៅតំបន់ខាងលើមានកន្លែងខ្លះម្តុំនោះមានភ្លើងអគ្គិសនីប្រើ និងកន្លែងផ្សេងទៀតមិនមានប្រើហើយរូបលោក និងទាក់ ទងជាមួយនឹងមន្ទីររ៉ែ និងថាមពលខេត្តជួយពន្លឿនកិច្ចការនេះឲ្យឆាប់បានរួចរាល់ ៕
ចែករំលែកព័តមាននេះ