រាជធានីភ្នំពេញ ៖ ដើម្បីចូលរួមបង្ការសុខភាពដែលអាចកើតមាននៅក្នុងអំឡុងពេលអាកាសធាតុក្តៅនាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាលបានបង្ហាញពីវិធីបង្កការសុខភាព ។ យោងតាមបណ្តាញសង្គមរបស់នាយករដ្ឋប្រយុទ្ធប្រឆាំងជំងឺឆ្លងបានសូមអំពាវនាវដល់សាធារណជនទាំងអស់ឲ្យចូលរួមអនុវត្តន៍វិធានការបង្ការ ដើម្បីសុខភាពល្អរួមមានទី១- ពិសាទឹកឲ្យបានច្រើន បង្កើនការទទួលទានជាតិទឹកឆ្អិនឲ្យបានច្រើន និងញឹកញាប់តាមដែលអាចធ្វើទៅបានដោយមិនត្រូវរង់ចាំរហូតដល់ស្រេកទឹកទេ ។ កុំពិសាវត្ថុរាវដែលមានជាតិអាល់កុល ឬជាតិស្ករច្រើនពេក ពីព្រោះសារធាតុទាំងនេះបង្កឲ្យអ្នកកាន់តែបាត់បង់ជាតិទឹកច្រើន ។
ជៀសវាងកុំពិសាភេសជ្ជៈត្រជាក់ខ្លាំងពីព្រោះវាអាចបណ្តាលឲ្យរមូលក្រពះ ។ ទី២-ការបែកញើសច្រើនហូរចេញអំបិល និងសារធាតុរ៉ែចេញពីរាងកាយរបស់អ្នកដែលត្រូវតែបង្គ្រប់វិញ ។ ប្រសិនបើអ្នកហាត់ប្រាណចូរពិសាទឹកភេសជ្ជៈ ឬទឹកមានជាតិរ៉ែឲ្យបានពីរទៅបួនកែវរៀងរាល់១ម៉ោងម្តងមិនត្រូវពិសារជាតិអាល់កុលឡើយ ។ ៣- ស្លៀកពាក់សំលៀកបំពាក់ស្តើងៗ ឬមានពណ៌ស្រាល និងស្លៀកពាក់រលុង និងលាបឡេការពារកម្តៅថ្ងៃ បើអាចធ្វើទៅបាន ។ ការរលាកស្បែកដោយសារពន្លឺព្រះអាទិត្យប៉ះពាល់ដល់រាងកាយ និងធ្វើឲ្យរាងកាយបាត់បង់ជាតិទឹក ។ វាក៏បណ្តាលឲ្យស្បែកមានការឈឺចាប់ និងខូចស្បែកផងដែរ ។
ប្រសិនបើអ្នក ចេញក្រៅចូរការពារខ្លួនអ្នកពីព្រះអាទិត្យដោយពាក់មួកធំទូលាយ និងវ៉ែនតាការពារ ។ ស្លៀកពាក់ឲ្យទារក និងកុមារខោអាវស្តើង ពណ៌ស្រាល រលុង គ្របក្បាល និងបាំងថ្ងៃឲ្យម្លប់ ដោយមួក ឬឆ័ត្រ ។ ហាមទុកទារកកុមារចោលនៅក្នុងឡានដែលចត ។ ទី៤- ប្រសិនបើអ្នកត្រូវចេញទៅខាងក្រៅផ្ទះយកល្អគួរទៅនៅពេលព្រឹក និងពេលល្ងាចបើអាចធ្វើទៅបាន ។
សូមព្យាយាមសម្រាកឲ្យបានញឹកញាប់នៅកន្លែងម្លប់ដូច្នេះរាងកាយរបស់លោកអ្នកនឹងមានឱកាសមានកម្លាំងឡើងវិញ ។ ទី៥-ប្រសិនបើលោកអ្នកទើបហាត់ប្រាណដំបូង ឬហាត់ប្រាណនៅក្នុងបរិយាកាសក្តៅ អ្នកត្រូវចាប់ផ្តើមសកម្មភាពហាត់ប្រាណដោយយឺតៗ បន្ទាប់មកបង្កើនល្បឿនបន្តិចម្តងៗ ដើម្បីជៀសវាងការប្រឹងប្រែងធ្វើទាំងក្តៅដែលបណ្តាលឲ្យបេះដូងរបស់លោកអ្នកលោតញាប់ និងដង្ហក់ហត់ត្រូវបញ្ឈប់សកម្មភាពទាំងនោះភ្លាម បើមានកើតឡើងរួចចូលទៅក្នុងតំបន់ត្រជាក់ ឬយ៉ាងហោចណាស់ចូលទៅក្នុងម្លប់ ហើយសម្រាកពីព្រោះវាបណ្តាលឲ្យលោកអ្នកខ្សោយ ឬដួលសន្លប់បាន ។ ទី៦-ជៀសវាងអាហារក្តៅៗ និងជៀសវាងពិសាអាហារច្រើនពេកពីព្រោះវាបង្កើនកម្តៅដល់រាងកាយរបស់លោកអ្នក ។ ទី៧- កាត់បន្ថយការប៉ះនឹងកម្តៅព្រះអាទិត្យផ្ទះ ជាពិសេសក្នុងកំឡុងពេលថ្ងៃ និងនៅកន្លែងដែលប្រឈម និងកំដៅខ្លាំងដូចជា នៅមាត់ទន្លេ ឬសមុទ្រជាដើម ៕
ចែករំលែកព័តមាននេះ