រាជធានីភ្នំពេញ ៖ រដ្ឋាភិបាលជប៉ុនបានប្រកាសផ្តល់ឥនទានប្រមាណជាង៤០លានដុល្លារអាមេរិក លើគម្រោងចំនួនពីរ នៅថ្ងៃទី១៩ ខែកុម្ភៈ ឆ្នាំ២០១៩ វេលាម៉ោង១១និង០០ព្រឹក នៅទីស្តីការក្រសួងការបរទេស និងសហប្រតិបត្តិការអន្តរជាតិ…
រាជធានីភ្នំពេញ ៖ រដ្ឋាភិបាលជប៉ុនបានប្រកាសផ្តល់ឥនទានប្រមាណជាង៤០លានដុល្លារអាមេរិក លើគម្រោងចំនួនពីរ នៅថ្ងៃទី១៩ ខែកុម្ភៈ ឆ្នាំ២០១៩ វេលាម៉ោង១១និង០០ព្រឹក នៅទីស្តីការក្រសួងការបរទេស និងសហប្រតិបត្តិការអន្តរជាតិ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា និងឯកឧត្តមហូរីណូអ៊ូជិ ហ៊ីដេហ៊ីសា (HORINOUCHI Hidehisa) ឯកអគ្គរាជទូតជប៉ុនប្រចាំកម្ពុជានឹងអញ្ជើញចុះហត្ថលេខាលើលិខិតប្តូរសារស្តីពីការបន្តការគាំទ្ររបស់រដ្ឋាភិបាលជប៉ុន។
សម្រាប់អនុវត្តគម្រោងពីរដូចខាងក្រោម១-ឥណទានសម្បទានដែលមានទឹកប្រាក់សរុប ៣.៥៩៩ លានយ៉េន (ប្រមាណ៣១,៥៦លានដុល្លារអាមេរិក) សម្រាប់អនុវត្ត«គម្រោងកែលម្អ និងស្តារប្រព័ន្ធស្រោចស្រព និងប្រព័ន្ធដោះទឹកភាគខាងលិចបឹងទន្លេសាបជំហានទី២» ។ ២- ហិរញ្ញប្បទានឥតសំណងដែលមានទឹកប្រាក់សរុប១.៣៤០លានយ៉េន (ប្រមាណ១១,៨លានដុល្លារអាមេរិក) សម្រាប់អនុវត្ត «គម្រោងអភិវឌ្ឍន៍ប្រព័ន្ធផ្លាស់ប្តូរទិន្នន័យអគ្គិសនីនៅកំពង់ផែ ដើម្បីការធ្វើទំនើបកម្មកំពង់ផែ» ។
កញ្ចប់ឥណទានសម្បទាន និងហិរញ្ញប្បទានឥតសំណងនេះត្រូវបានផ្តល់ជូនដល់រាជរដ្ឋាភិបាលកម្ពុជាដោយរាជរដ្ឋាភិបាលជប៉ុន ដើម្បីលើកកម្ពស់បន្ថែមទៀតនូវការអភិវឌ្ឍសេដ្ឋកិច្ចនិងសង្គមនៃព្រះរាជាណាចក្រកម្ពុជា ៕
ចែករំលែកព័តមាននេះ