រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានបញ្ជាក់ថា ព្រះពុទ្ធសាសនាបានចូលរួមយ៉ាងសំខាន់ក្នុងការពង្រឹងសណ្តាប់ធ្នាប់ សន្តិសុខសង្គម និងការអភិវឌ្ឍគ្រប់វិស័យ ។ សម្តេចតេជោបានលើកឡើងលើបណ្តាញសង្គម…
រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានបញ្ជាក់ថា ព្រះពុទ្ធសាសនាបានចូលរួមយ៉ាងសំខាន់ក្នុងការពង្រឹងសណ្តាប់ធ្នាប់ សន្តិសុខសង្គម និងការអភិវឌ្ឍគ្រប់វិស័យ ។
សម្តេចតេជោបានលើកឡើងលើបណ្តាញសង្គម នៅថ្ងៃទី១៩ កុម្ភៈ ឆ្នាំ២០១៩ ត្រូវថ្ងៃមាឃបូជា ។ សម្តេចសរសេរយ៉ាងដូច្នេះថា អនុមោទនាថ្ងៃបុណ្យ«មាឃបូជា» ថ្ងៃទី១៩ កុម្ភៈ នេះ គឺជាថ្ងៃមាឃបូជាដែលជាពិធីបុណ្យមួយដ៏មានសារៈសំខាន់បំផុត នៅក្នុងព្រះពុទ្ធសាសនា ដែលជាសាសនារបស់រដ្ឋ ។ សម្តេចបានបន្តថា ពិធីបុណ្យមាឃបូជា គឺប្រារព្ធធ្វើឡើង ដើម្បីរំលឹកដល់ថៃ្ងដែលព្រះសម្មាសម្ពុទ្ធទ្រង់ប្រកាសបង្កើត«ព្រះពុទ្ធសាសនា» ឡើងនៅឆ្នាំ៥៨៨ មុនគ្រិស្តសករាជនាថៃ្ងទី១៥កើត ខែមាឃ ក្រោយពីការត្រាស់ដឹងរបស់ព្រះអង្គដែលមានចំនួន៩ខែគត់ ។
សម្តេចបានបញ្ជាក់ថា«ព្រះពុទ្ធសាសនាមិនត្រឹមតែបានធ្វើឱ្យបងប្អូនប្រជាពលរដ្ឋយើងបានរួមរស់ជាមួយគ្នាដោយសុខសាន្តខាងផ្លូវស្មារតីប៉ុណ្ណោះទេ ប៉ុន្តែថែមទាំងបានរួមចំណែកយ៉ាងសំខាន់ នៅក្នុងការពង្រឹងសណ្ដាប់ធ្នាប់ សុខសន្តិភាព ស្ថិរភាពសង្គម ការអភិវឌ្ឍលើគ្រប់វិស័យ និងថែរក្សាការពារអត្តសញ្ញាណជាតិទៀតផង» ។ សម្តេចក៏បានលើកឡើងថា នៅក្នុងថ្ងៃដវិសេសវិសាលនេះខ្ញុំព្រះករុណាសូមប្រគេនពរព្រះតេជគុណគ្រប់ព្រះអង្គ និងជូនពរបងប្អូនជនរួមជាតិ និងក្មួយៗជួបតែសេចក្តីសុខ និងសេចក្តីចម្រើនគ្រប់ៗគ្នា ៕
ចែករំលែកព័តមាននេះ