ខេត្តបាត់ដំបង ៖ យោងតាមប្រភពព័ត៌មានបឋមបានឲ្យដឹងថា ខ្យល់កន្ត្រាក់បានវាយប្រហារទៅលើឃ្លាំងស្ដុកកសិផល និងលំនៅឋានរបស់ប្រជាពរដ្ឋមួយចំនួន បណ្ដាលឲ្យខូចខាតយ៉ាងដំណំ នៅវេលាម៉ោង៣និង៣០នាទីរសៀល ថ្ងៃទី១៧ ខែកុម្ភៈ ឆ្នាំ២០១៩នេះ ស្ថិតនៅចំណុចភូមិតាគ្រី ឃុំតាក្រី ស្រុកកំរៀង។
គេនៅមិនទាន់មានរបាយការណ៍ជាក់លាក់ពីអាជ្ញាធរ ឬសមត្ថកិច្ចមូលដ្ឋានអំពីផលប៉ះពាល់ដោយសារខ្យល់កន្ត្រាក់ខុសរដូវកាលនេះនៅឡើយទេ ។ ប៉ុន្តែបើសេចក្ដីរាយការណ៍ជាបឋមបានឲ្យដឹងថា ខ្យល់កន្ត្រាក់នេះ មានកម្លាំងខ្លាំងបានបំផ្លាញឃ្លាំងស្ដុកកសិផល (សាយឡូ) របស់ប្រជាពលរដ្ឋរលំខ្ទេចខ្ទីអស់តែម្ដង រួមទាំងលំនៅឋានមួយចំនួនផងដែរ។
ប៉ុន្តែប្រភពព័ត៌មានខាងលើមិនបាននិយាយពីការគ្រោះថ្នាក់ដល់មនុស្សនៅឡើយទេ។ បើតាមសមត្ថកិច្ចស្រុកកំរៀងបានផ្ដល់ដំណឹងដែរថា ពេលនេះសមត្ថកិច្ច និងអាជ្ញាធរកំពុងចុះទៅកាន់កន្លែងកើតហេតុហើយ ដើម្បីពិនិត្យ និងធ្វើការស្រាវជ្រាវអំពីការខូចខាត។ ទោះយ៉ាងណានេះ គ្រាន់តែជាព័ត៌មានបឋមតែប៉ុណ្ណោះ៕
ចែករំលែកព័តមាននេះ