ខេត្តកំពង់ស្ពឺ ៖ ទំនងជាខូចចិត្តរឿងប្រពន្ធលែងលះបណ្តាលអោយបុរសម្នាក់ខូចចិត្តគិតខ្លីក្លាយជាមនុស្សញៀនស្រា ហើយចុងក្រោយក៏បញ្ចប់ជីវិតខ្លួនឯង ដោយការធ្វើអត្តឃាត នៅលើផ្ទះឪពុកម្តាយខ្លួនតែម្តង។ ករណីអត្តឃាតនេះបង្កអោយមានការភ្ញាក់ផ្អើល កាលពីថ្ងៃទី១២ ខែកុម្ភៈ ឆ្នាំ២០១៩…
ខេត្តកំពង់ស្ពឺ ៖ ទំនងជាខូចចិត្តរឿងប្រពន្ធលែងលះបណ្តាលអោយបុរសម្នាក់ខូចចិត្តគិតខ្លីក្លាយជាមនុស្សញៀនស្រា ហើយចុងក្រោយក៏បញ្ចប់ជីវិតខ្លួនឯង ដោយការធ្វើអត្តឃាត នៅលើផ្ទះឪពុកម្តាយខ្លួនតែម្តង។
ករណីអត្តឃាតនេះបង្កអោយមានការភ្ញាក់ផ្អើល កាលពីថ្ងៃទី១២ ខែកុម្ភៈ ឆ្នាំ២០១៩ ស្ថិតនៅភូមិរំលោង សង្កាត់កណ្តោលដុំ ក្រុងច្បារមន ខេត្តកំពង់ស្ពឺ ។ ជនរងគ្រោះឈ្មោះ ម៉េត សុភាក់ ភេទប្រុស អាយុ២៨ឆ្នាំ រស់នៅភូមិឃុំកើតហេតុខាងលើ ។
សមត្ថកិច្ចស្រង់សំដីសាច់ញាតិបានអោយដឹងថា ជនរងគ្រោះចាប់ផ្តើមចេះដើរផឹកស៊ីរហូតក្លាយជាមនុស្សញៀនស្រា អស់រយៈពេលច្រើនខែមកហើយ បន្ទាប់ពីប្រពន្ធបានលែងលះគ្នា ។ ក្រោយពេលលែងលះប្រពន្ធក៏ទៅរស់នៅជាមួយម្តាយគេបាត់ទៅ ចំណែកជនរងគ្រោះបានរស់នៅជាមួយឪពុកម្តាយខ្លួន នៅចំណុចខាងលើ ។
មុនពេលកើតហេតុគេសង្កេតឃើញថា ជនរងគ្រោះនៅពេលស្រវឹងចេះតែរវើរវាយហៅប្រពន្ធអោយមករួមរស់ជាមួយគ្នាវិញមិនដែលខាននោះទេ ។
សមត្ថកិច្ចបានបន្តថា មុនពេលកើតហេតុគេឃើញជនរងគ្រោះផឹកស្រារហូតស្រវឹង ហើយដើរមកផ្ទះឪពុកម្តាយខ្លួន តែគ្មានអ្នកណានឹកស្មានថា គេមានបំណងបញ្ចប់ជីវិតខ្លួនឯង ដោយការធ្វើអត្តឃាតនោះទេ រហូតដល់សាច់ញាតិចូលទៅក្នុងផ្ទះទើបភ្ញាក់ផ្អើល ដោយសារឃើញជនរងគ្រោះចង.កស្លាប់បាត់ទៅហើយ ក្រោយកើតហេតុក្រុមគ្រួសារបានរាយការណ៍ទៅសមត្ថកិច្ចអោយចុះមកពិនិត្យ ។
បន្ទាប់ពីពិនិត្យសាកសពពុំមានស្លាកស្នាមអ្វីគួរអោយកត់សម្គាល់នោះទេ គឺជាករណីចង.កធ្វើអត្តឃាតដោយខ្លួនឯងដោយជនរងគ្រោះបានយកក្រមា ពណ៌ក្រហម ចង.កសម្លាប់ខ្លួននៅនឹងផ្ទោងផ្ទះបាយ កម្ពស់២,៥០ម៉ែត្រ ដែលជាផ្ទះឪពុកម្តាយបង្កើតរបស់ខ្លួន ស្ថិតនៅកន្លែងកើតហេតុជាកន្លែងបញ្ចប់ជីវិតខ្លួន ។
បើតាមកាអះអាងរបស់ឪពុកម្ដាយជនរងគ្រោះពិតជាចង.កធ្វើអត្តឃាតដោយខ្លួនឯងប្រាកដមែន ដែលមូលហេតុដោយសារជនរងគ្រោះក្រោយពីមានវិបត្តិលែងលះប្រពន្ធ ហើយផឹកស្រាជាប្រចាំ ទើបគិតខ្លីបែបនេះ ។ ក្រោយពិនិត្យ និងធ្វើកំណត់ហេតុរួចរាល់ សមត្ថកិច្ចបានប្រគល់សពអោយក្រុមគ្រួសាររៀបចំធ្វើបុណ្យតាមប្រពៃណី ៕
ចែករំលែកព័តមាននេះ