ខេត្តកំពង់ស្ពឺ ៖ ដោយមានភ្ជាប់រូបថតមកជាមួយផង បុរសម្នាក់ដែលអះអាងថា រូបគាត់ជាឪពុក កាលពីវេលាម៉ោងប្រមាណ៣រសៀលថ្ងៃទី ២ ខែកុម្ភៈ បានមកប្តឹងសមត្ថកិច្ចឲ្យជួយរកកូនស្រីដែលបាត់ខ្លួនអស់រយៈពេលច្រើនថ្ងៃមកហើយ ខណៈនាងចេញពីផ្ទះទៅរៀន…
ខេត្តកំពង់ស្ពឺ ៖ ដោយមានភ្ជាប់រូបថតមកជាមួយផង បុរសម្នាក់ដែលអះអាងថា រូបគាត់ជាឪពុក កាលពីវេលាម៉ោងប្រមាណ៣រសៀលថ្ងៃទី ២ ខែកុម្ភៈ បានមកប្តឹងសមត្ថកិច្ចឲ្យជួយរកកូនស្រីដែលបាត់ខ្លួនអស់រយៈពេលច្រើនថ្ងៃមកហើយ ខណៈនាងចេញពីផ្ទះទៅរៀន កាលពីថ្ងៃ២៨ ខែមករា កន្លងមក ។
បុរសជាឪពុករូបនេះឈ្មោះ ប៉ាច ប៉ាង អាយុ៥២ឆ្នាំ រស់នៅក្នុងភូមិត្រពាំងព្រុស ឃុំសំរោងទង ស្រុកសំរោងទង ។ គាត់រៀបរាប់ថា កូនស្រីរបស់គាត់បានបាត់ខ្លួននៅពេលនាងចេញពីផ្ទះទៅរៀនដូចសព្វដងតាំងតែពីថ្ងៃទី២៨ ខែមករាមក ដែលធ្វើឲ្យក្រុមគ្រួសារមានការព្រួយបារម្ភយ៉ាងខ្លាំង ព្រោះរហូតមកដល់ពេលនេះនៅមិនទាន់ឃើញនាងត្រឡប់មកផ្ទះវិញនៅឡើយ ។
ក្រុមគ្រួសារមានការបារម្ភពីសុវត្ថិភាពរបស់នាងជាខ្លាំង មិនដឹងថានាងទៅនៅស្នាក់អាស្រ័យកន្លែងណា និងជាមួយអ្នកណាឡើយ ហើយព្រោះតែបារម្ភទើបឪពុកម្តាយយករូបថតនាងមកប្ដឹងសមត្ថកិច្ចឲ្យជួយអន្តរាគមន៍ស្វែងរក ។
បុរសជាឪពុកប្រាប់ថា កូនស្រីគាត់ដែលបាត់ខ្លួននេះឈ្មោះ យី សុខហេង អាយុ១៨ឆ្នាំ បានចេញពីផ្ទះទៅរៀននៅវិទ្យាល័យ ឌី ប៉ុក កាលពីព្រឹកថ្ងៃទី២៨ ខែមករា ហើយក៏បាត់ខ្លួនរហូតមក ។ គាត់សំណូមពរដល់មហាជន ក៏ដូចជាសមត្ថកិច្ចគ្រប់ទីកន្លែង បើឃើញកូនស្រីគាត់ដូចភិនភាគក្នុងរូបថត សូមមេត្តាខឃាត់ទុកហើយរាយការណ៍មកសមត្ថកិចខេត្តកំពង់ស្ពឺផង ៕
ចែករំលែកព័តមាននេះ