ខេត្តកំពង់ឆ្នាំង ៖ ការដ្ឋានបូមខ្សាច់នៅទំនប់កុមារ ស្ថិតនៅក្នុងភូមិអ្នកតាហាង ឃុំកំពង់ត្រឡាច ស្រុកកំពង់ត្រឡាច នៅតែបន្តធ្វើអាជីវកម្មបូមខ្សាច់នៅមិនទាន់មានច្បាប់នៅក្នុងដៃនៅឡើយ គិតត្រឹមថ្ងៃនេះ ។ អ្នកសារព័ត៌មានក្រុមបានចុះទៅថតរូបភាពដល់ការដ្ឋានមួយនេះកាលពីចុងសប្តាហ៍កន្លងទៅនេះ…
ខេត្តកំពង់ឆ្នាំង ៖ ការដ្ឋានបូមខ្សាច់នៅទំនប់កុមារ ស្ថិតនៅក្នុងភូមិអ្នកតាហាង ឃុំកំពង់ត្រឡាច ស្រុកកំពង់ត្រឡាច នៅតែបន្តធ្វើអាជីវកម្មបូមខ្សាច់នៅមិនទាន់មានច្បាប់នៅក្នុងដៃនៅឡើយ គិតត្រឹមថ្ងៃនេះ ។ អ្នកសារព័ត៌មានក្រុមបានចុះទៅថតរូបភាពដល់ការដ្ឋានមួយនេះកាលពីចុងសប្តាហ៍កន្លងទៅនេះ និងបានសួរមេការម្នាក់នៅទីនោះ គេឆ្លើយថាមានច្បាប់ ហើយតែច្បាប់ស្ថិត នៅដៃមេ ។ប៉ុន្តែមន្ត្រីជំនាញខាងមន្ទីររ៉ែបានឆ្លើយថា៖ ច្បាប់មានហើយគឺមានត្រឹមថ្នាក់ខេត្ត តែមិនទាន់ប្រគល់អោយក្រុមហ៊ុននៅឡើយទេ នេះមានន័យថា គឺស្មើនិងអត់ច្បាប់ដដែល ។
កន្លងទៅ លោក រឿន ថាវរិទ្ធ ជាម្ចាស់ការដ្ឋានធ្វើអាជីវកម្មបូមខ្សាច់លក់នៅក្នុងបឹងទំនប់កុមារ បានអោយអ្នកកាសែតដឹងថា៖ លោកបានសុំច្បាប់ធ្វើអាជីវកម្មបូមខ្សាច់ទៅមន្ទីររ៉ែឋាមពល ខណ្ឌរដ្ឋបាលជលផល នៃមន្ទីរកសិកម្ម និងលោកអភិបាលខេត្តរួចហើយ តែមិនទាន់ឃើញច្បាប់នេះធ្លាក់មកទេ ខណៈដែលក្រុមហ៊ុននេះបានបូមខ្សាច់លក់ជាច្រើនខែណាស់មកហើយ ។
ដោយឡែកនៅថ្ងៃដែលអ្នកសារព័ត៌មានបានចុះដល់ទីតាំងខាងលើជាថ្មីទៀតនោះ មេការការដ្ឋានបូមខ្សាច់ខាងលើបានឆ្លើយថា ក្រុមហ៊ុនលោកមានច្បាប់ហើយ តែច្បាប់ទុកនៅក្នុងដៃមេ ហើយមេទៅក្រៅប្រទេសចូលឆ្នាំចិនរួចទើបមកវិញ ។
បន្ទាប់មក ក្រុមអ្នកកាសែតយើងបានទូរសព្ទ័សួរលោក អ៊ុក រស់ ប្រធានមន្ទីររ៉ែ និងឋាមពលខេត្ត បានឆ្លើយថា ច្បាប់មានហើយគឺស៊ីញ៉េត្រឹមថ្នាក់ខេត្ត គឺនៅក្នុងដៃលោកដោយលោកមិនទាន់បានប្រគល់អោយក្រុមហ៊ុននៅឡើយ ។ ព័ត៌មានបន្ថែមនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ