រាជធានីភ្នំពេញ៖ តារាកំប្លែងនាយពែកមី ត្រូវបុរសម្នាក់ប្រមាថដោយដៀលដល់ពូជ និងជាសត្វក្រពើភ្លេចកំណើត ។ ពែកមីបានលាតត្រដាងការប្រមាថនេះជាសាធារណៈតាមហ្វេសប៊ុកនៅថ្ងៃទី១ ខែកុម្ភៈ ឆ្នាំ២០១៩ ។ មិនទាន់ដឹងថា…
រាជធានីភ្នំពេញ៖ តារាកំប្លែងនាយពែកមី ត្រូវបុរសម្នាក់ប្រមាថដោយដៀលដល់ពូជ និងជាសត្វក្រពើភ្លេចកំណើត ។ ពែកមីបានលាតត្រដាងការប្រមាថនេះជាសាធារណៈតាមហ្វេសប៊ុកនៅថ្ងៃទី១ ខែកុម្ភៈ ឆ្នាំ២០១៩ ។
មិនទាន់ដឹងថា បុរសដែលជេរប្រមាថតារាកំប្លែងពែកមីមានទំនាស់ គំនុំគុំកួន ច្រណែន ឬស្អប់រឿងអ្វីឡើយ ។ តារាកំប្លែងប្រចាំស្ថានីយទូរទស្សន៍CTN រូបនេះបានសម្តែងការងឿងឆ្ងល់ពីការតិះតៀលបែបនេះ និងបានប្រកាសរកមុខអ្នកណាដែលស្គាល់បុរសនោះផងដែរ ។
បើយោងតាមសារអេឡិចត្រូនិកដែលបានឆ្លើយឆ្លងគ្នារវាងនាយពែកមី និងបុរសនោះ គឺជនបុរសនោះបានប្រើប្រាស់ភាសាជេរដៀលតារាកំប្លែងនាយពែកមី ថាពូជថោកទាប និងសត្វក្រពើភ្លេចកំណើត ។ ជាការឆ្លើយតបលោកពែកមី សួរថា ហេតុអ្វីចោទលោកជាសត្វក្រពើ ?បុរសរូបនោះបានលើហេតុផលជារួមមកវិញថា តារាកំប្លែងរូបនេះបានឆក់យកអាជីពសិល្បៈសម្តែង និងពិធីករ ស្ទើរតែទាំងអស់ ក្នុងនោះក៏មានកូនប្រុស ស្រីរបស់លោកក៏មានវត្តមានសម្តែងផងដែរ ។ ជាការឆ្លើយតបនាយពែកមី បានបញ្ជាក់ថា «សម្តែងឲ្យបងប្អូនបានស្តាប់ មុខរបរស្របច្បាប់ តើពូជរបស់ខ្ញុំខុសអី!»។
ពាក់ព័ន្ធទៅនឹងបញ្ហានេះកោះសន្តិភាពមិនអាចសុំការបកស្រាយណាមួយពីតារាកំប្លែងនាយ ពែកមី បានទេនៅថ្ងៃទី១ ខែកុម្ភៈ ក្នុងពេលដែលការសាកសួរតាមសារអេឡិចត្រូនិកក៏មិនមានការឆ្លើយតបពីតារាកំប្លែងរូបនេះឡើយ ។
ជាការកតសម្គាល់បើពិនិត្យលើការឆ្លើយតបរាល់ការCommand ពីអ្នកសិល្បៈដូចគ្នា និងប្រិយមិត្តគាំទ្រនោះ គេឃើញហ្វេសប៊ុកមួយដែលប្រើប្រាស់ឈ្មោះពាក់មី បានសរសេរថា «ពូជខ្ញុំនេះហើយ ដែលធ្វើឲ្យបងប្អូនបានសើចរាល់ថ្ងៃ ធ្វើឆ្កួតធ្វើឡប់ ក៏ព្រោះតែចង់ឲ្យបងប្អូនបានសើចសប្បាយ រឿងខ្លះបានចូលរួមអប់រំក្នុងសង្គម ថវិកាពួកខ្ញុំខ្លះក៏បានចូលរួមការងារមនុស្សធម៌ជាច្រើនលើកផងដែរ ហើយក៏អរគុណបងប្អូនដែលគាំទ្រស្រលាញ់ចូលចិត្ត ហើយក៏មិនខឹងអ្នកដែលស្អប់ពួកខ្ញុំដែរ ព្រោះខ្ញុំមិនអាចតម្រូវចិត្តមនុស្សបានគ្រប់គ្នាទេ »។
មួយរយៈចុងក្រោយនេះតារាកំប្លែងនាយ ពែកមី ត្រូវគេមើលឃើញថា ឡើងកូដខ្លាំងនៅក្នុងអាជីពសិល្បៈរបស់ខ្លួន បន្ទាប់លោកបានវិវឌ្ឋខ្លួនមកជាតារាសម្តែងផង និងជាអ្នកដឹកនាំរឿងផង ។ ខ្សែភាពយន្តដែលលោកបានដឹកនាំនោះភាគច្រើនជារឿងបែបកំប្លែង ៕
ចែករំលែកព័តមាននេះ