មន្ទីរពេទ្យបង្អែកស្អាង បានប្រកាសនាថ្ងៃទី១៤ ខែកក្កដានេះថា សូមលើកយកមកនិយាយត្រួសៗពីការលាងឈាម ។ ១.តើការលាងឈាមត្រូវបានធ្វើឡើងនៅពេលណា ? ហេតុអ្វីត្រូវលាងឈាម ? ការលាងឈាមធ្វើទៅបាននៅពេលមានៈ…
មន្ទីរពេទ្យបង្អែកស្អាង បានប្រកាសនាថ្ងៃទី១៤ ខែកក្កដានេះថា សូមលើកយកមកនិយាយត្រួសៗពីការលាងឈាម ។
១.តើការលាងឈាមត្រូវបានធ្វើឡើងនៅពេលណា ? ហេតុអ្វីត្រូវលាងឈាម ?
ការលាងឈាមធ្វើទៅបាននៅពេលមានៈ
-បញ្ហាពុលខ្លាំងទៅលើអ្នកជំងឺភ្លាមៗ ដែលតម្រូវអោយលាងឈាមហើយ បន្ទាប់មកតម្រង់នោមរបស់គាត់ធ្វើការធម្មតា(ករណីពុលអ្វីមួយ)
-តម្រង់នោមខូច មិនមានលិទ្ធិភាព ធ្វើការ តាមមុខងារ របស់វាមានតែការលាងឈាមនឹងធ្វើការផ្សាំសរីរាង្គ តម្រង់នោមថ្មី ប៉ុណ្ណោះ ដើម្បីបន្តរដំណើរជីវិត ។
ខាងក្រោមនេះ ខ្ញុំនឹងប្រាប់ផលលំបាកមួយចំនួនពេលតម្រងនោមខូច៖
នៅពេលដែលតម្រង នោមឈប់ដំណើរការទឹក និងសារជាតិពុលទាំងនោះនឹងកើនឡើង ដែលធ្វើឲ្យអ្នកជំងឺស្ថិតក្នុងស្ថានភាពគ្រោះថ្នាក់ ដូចជា
-ហើមសួត ដែលធ្វើអោយអ្នកជំងឺហត់ពិបាកដកដង្ហើម
-សារជាតិអ៊ីយ៉ុងមួយចំនួនមានការប្រែប្រួល ដូចជា ប៉ូតាស្យូម បើកើនឡើង អាចធ្វើអោយអ្នកជំងឺ គាំងបេះដូង
-ការកង្វះគ្រាប់ឈាម ដែលធ្វើអោយអ្នកជំងឺស្លេកស្លាំង
-ការប្រមូលផ្តុំជាតិពុលក្នុងឈាម
-នឹងផលវិបាកផ្សេងៗទៀត ជាច្រើន ។
២.អ្វីទៅជាការលាងឈាម?
-លាងឈាម គឺជាបច្ចេកទេសសម្អាត កាកសំណល់ពុលចេញពីក្នុងឈាមអ្នកជំងឺនៅពេលដែលតម្រងនោមឈប់ដំណើរការស្ទើរទាំងស្រុង។ហើយខាងក្រោមនេះជាអ្វីខ្លះៗដែលម៉ាស៊ីនលាងឈាមធ្វើ ÷
. ជំនួសមុខងារក្រលៀន(តម្រងនោម)៖ នៅពេលក្រលៀនដំណើរការមិនប្រក្រតី ឬអ្នកមានជំងឺក្រលៀនរ៉ាំរ៉ៃ ក្រលៀនមិនអាចសម្អាតជាតិពុលក្នុងឈាមបាន អ្នកត្រូវការលាងឈាម ដើម្បីសម្អាតជាតិពុល និងជាតិទឹកលើសក្នុងឈាម។
. ការពារគ្រោះថ្នាក់ដល់ជីវិត ៖ ជាតិពុល និងជាតិទឹកលើសបរិមាណ អាចបង្ករបញ្ហាមិនល្អដល់រាងកាយ។ បើមិនព្យាបាល អ្នកអាចប្រឈមនឹងគ្រោះថ្នាក់ដល់អាយុជីវិត។
. បង្ការការកកើតកាកសំណល់ ៖ ការលាងឈាម ជួយសម្អាតកាកសំណល់ ពីក្នុងឈាមមុនមានការកកកុញឲ្យបានស្អាត ៕
ចែករំលែកព័តមាននេះ