រាជធានីភ្នំពេញ ៖ នៅទីបំផុត តារាសម្តែងភេទទី៣ នាង ផេន ខេក បានបង្ហាញមុខមាត់គូស្នេហ៍ថ្មីរបស់ខ្លួនជាសាធារណៈហើយ ក្រោយពីបានទាក់ទងគ្នាមួយរយៈចុងក្រោយនេះ បន្ទាប់ពីតារារូបនេះបានសម្រេចចែកផ្លូវគ្នាជាមួយអតីតស្វាមីប្រមាណជាង២ឆ្នាំមកនេះ…
រាជធានីភ្នំពេញ ៖ នៅទីបំផុត តារាសម្តែងភេទទី៣ នាង ផេន ខេក បានបង្ហាញមុខមាត់គូស្នេហ៍ថ្មីរបស់ខ្លួនជាសាធារណៈហើយ ក្រោយពីបានទាក់ទងគ្នាមួយរយៈចុងក្រោយនេះ បន្ទាប់ពីតារារូបនេះបានសម្រេចចែកផ្លូវគ្នាជាមួយអតីតស្វាមីប្រមាណជាង២ឆ្នាំមកនេះ ។
គូស្នេហ៍របស់នាងនាពេលនេះ គឺជាបុរសវ័យក្មេងងរូបសង្ហាមួយរូប ដែលមានឈ្មោះថា ពីន ក្នុងពេលដែលបុរសរូបនេះទំនងជាមានការងារដែលមិនស្ថិតនៅឆ្ងាយពីចង្កោមអ្នកសិល្បៈដូចគ្នានោះឡើយ ។
តាមរយៈរូបភាពបែបផ្អែមល្ហែមប៉ុន្មានសន្លឹកបង្ហោះលើបណ្តាញសង្គម ផេន ខេក បានភ្ជាប់ជាមួយសំណេរថា ធ្លាប់មានមេរៀនក្រោយពីភាពឈឺចាប់ខ្លាំងក្នុងរឿងអតីតកាលកន្លងមក 😊ដែរធ្វើអោយខ្ញុំ ខំតស៊ូគ្រប់យ៉ាង រហូតដល់មានថ្ងៃនេះជាមួយ មនុស្សម្នាក់ដែរព្រមកាន់ដៃជាមួយគ្នានឹងទទួលយកអ្វីគ្រប់យ៉ាងស្រលាញ់យើងជាយើង ដើម្បីបំពេញភាពជោគជ័យទៅមុខជាមួយគ្នារហូត (ពីន)🤵🏻 ។
យ៉ាងណា ក្រោយឃើញការបង្ហាញមុខមាត់គូស្នេហ៍ថ្មីនាពេលនេះ គេឃើញមានប្រិយមិត្ត និងបណ្តាអ្នកគាំទ្រ ផេន ខេក ជាច្រើនបានចូលទៅធ្វើការខំមិនជូនពរ និងអបអរសាទរដល់រូបនាងក្នុងពេលគេរំពឹងថា នាងអាចនឹងសម្រេចចាប់ដៃគូស្នេហ៍ថ្មីចូលរោងការតាមប្រពៃណីនាពេលខាងមុខ ។
ជាការកត់សម្គាល់ តារាសម្តែងភេទទី៣ នាង ផេន ខេក បានបែកបាក់ពីអតីតស្វាមី បន្ទាប់ពីនាងបានរៀបការតាមប្រពៃណីកាលពីអំឡុងខែមីនា ឆ្នាំ២០២២ ក្រោយអ្នកទាំងពីរបានរួមរស់ក្រោមដំបូលតែមួយអស់រយៈពេលប្រមាណជាង៦ឆ្នាំ ។
ផេន ខេក បានបញ្ជាក់ពីមូលហេតុនៃការបែកបាក់គ្រួសារនាពេលនោះ គឺដោយសារមានអ្នកទីបីចូលជ្រែក ខណៈពេលដែលបញ្ហានេះ បានធ្វើឲ្យនាងខូចចិត្តយ៉ាងខ្លាំង ព្រោះនាង និងអតីតស្វាមីទើបតែរៀបចំពិធីមង្គលការដើម្បីរស់នៅស្របច្បាប់ជាមួយគ្នាមិនទាន់ទាំងបានប៉ុន្មានផងនោះ ។
ទោះជាយ៉ាងណា ក្រោយការសំងំព្យាបាលជំងឺផ្លូវចិត្តនេះមួយរយៈ ផេន ខេក ក៏បានវិលមកភាពរឹងមាំ ហើយនាងក៏ចាប់ផ្តើមទទួលការងារសិល្បៈជាថ្មីឡើងវិញ ក្នុងពេលដែលបច្ចុប្បន្ន ទីផ្សាររបស់នាងក៏មានជាបន្តបន្ទាប់ផងដែរ ។
ជាពិសេសនោះ ផេន ខេក ក៏បានឈ្នះមកុដ Miss Queen Cambodia 2025 ដែលបានរៀបចំធ្វើឡើងកាលពីពេលថ្មីៗនេះ ខណះពេលការឈ្នះម្កុដនាពេលនេះគឺជាការសម្រេចក្តីបំណងប្រាថ្នារបស់នាងផងដែរ ៕
ចែករំលែកព័តមាននេះ