រាជធានីភ្នំពេញ ៖ អតីតតារាសម្តែងនាង វ៉ាង ស្រីណូ បានបញ្ចេញរូបភាពសម្រាកព្យាបាលនៅក្នុងមន្ទីរពេទ្យមួយកន្លែង នៅលើទឹកដីអាមេរិក ដោយសារនាងបានចូលបន្ទប់សង្គ្រោះបន្ទាន់ដោយការវះកាត់ចំនួន២លើកដោយសារជំងឺក្រួសក្នុងតម្រងនោម ។ យ៉ាងណា…
រាជធានីភ្នំពេញ ៖ អតីតតារាសម្តែងនាង វ៉ាង ស្រីណូ បានបញ្ចេញរូបភាពសម្រាកព្យាបាលនៅក្នុងមន្ទីរពេទ្យមួយកន្លែង នៅលើទឹកដីអាមេរិក ដោយសារនាងបានចូលបន្ទប់សង្គ្រោះបន្ទាន់ដោយការវះកាត់ចំនួន២លើកដោយសារជំងឺក្រួសក្នុងតម្រងនោម ។
យ៉ាងណា វ៉ាង ស្រីណូ មិនបានបញ្ជាក់ទេថា នាងបានចូលបន្ទប់វះកាត់ព្យាបាលជំងឺ កាលពីថ្ងៃណានោះឡើយ ខណៈពេលនាងបានចាត់ទុកនេះ ជាលើកទីមួយហើយដែលនាងបានបង្ហោះរូបភាពសម្រាកព្យាបាលនៅក្នុងមន្ទីរពេទ្យតាមបណ្តាញសង្គម ក្នុងពេលដែលនាងក៏សម្តែងការអរគុណសម្រាប់ប្រិយមិត្តដែលបានផ្ញើសារជូនពរដល់រូបនាងឲ្យឆាប់ជាសះស្បើយ ។
តាមរយៈសំណេរបង្ហោះលើបណ្តាញសង្គម វ៉ាង ស្រីណូ បានលើកឡើងថា នេះជាលើកទីមួយក្នុងជីវិតខ្ញុំ ដែលមកបង្ហោះរឿងឈឺនៅក្នុងបណ្តាញសង្គមហ្វេសបុកអោយពិភពលោកបានឃើញ ! ហើយក៏អរគុណបងប្អូនហ្វែនៗទាំងអស់ដែលបានខមិននិងផ្ញើសារជូនពរ🙏🏻🙏🏻 ។
នាងថា ខ្ញុំមានជំងឺក្រួសក្នុងថង់ទឹកប្រម៉ាត់ដែលចំបាច់ត្រូវធ្វើការវះកាត់យកប្រម៉ាត់ចេញតែម្តង ។
នាងបញ្ជាក់ថា មុននឹងឈានដល់ការវះកាត់នេះ ខ្ញុំមានអាការៈឆ្អល់ពោះ ដូចជាទាស់ចំណី ហើយឆ្អល់ខ្លាំងនៅពេលយប់រយៈពេល៣ថ្ងៃជាប់គ្នា ដល់ថ្ងៃទី៣ខ្ញុំឆ្អល់កាន់តែខ្លាំងហើយរហូតដល់ក្អួត ព្រោះអាហារដែលញាំចូលទៅអត់រំលាយ ដោយសារមានគ្រាប់ក្រួសតូចមួយធ្លាក់មកបាំងផ្លូវបង្ហូរទឹកប្រម៉ាត់បណ្តាលអោយស្ទះការបង្ហូរទឹកប្រម៉ាត់មករំលាយអាហារមិនបាន ។
នាងបន្តថា ក្អួតរួចខ្ញុំឈឺពេញក្នុងខ្លួនឈឺខ្លាំងដូចគេហែកជាជំរាក ទ្រាំមិនបានរហូតខ្ញុំក៏បានសុំអោយប្អូននិងបងស្រីខ្ញុំជូនទៅពេទ្យដើម្បីសង្គោះបន្ទាន់ ។ នាងបន្តថា ដូចបងប្អូនដឹងហើយថា នៅប្រទេសអាមេរិចបើយើង គ្មានប័ណ្ណធានារ៉ាប់រង ឬហៅថា insurance ទេ តំលៃពេទ្យថ្លៃកប់ពពក បើមានឈានដល់មានការជិះឡានសង្គ្រោះបន្ទាន់ ឬមានឈានដល់ការវះកាត់ទៀត តំលៃអាចលោតចូលខ្ទង់ម៉ឺនដុល្លារ ។
តែដោយគ្មានជំរើស អាយុជីវិតសំខាន់ជាង ខ្ញុំក៏ជ្រើសរើសចូលសង្គ្រោះបន្ទាន់នៅពេទ្យមួយក្បែរផ្ទះ ពេលទៅដល់ភ្លាម ពេទ្យបានឆែកមើលដោយថតជាមួយម៉ាស៊ីនស្គែន អឹមមឺរាយ និងឆ្លុះអេកូមើល ពេទ្យក៏បានរកឃើញថា ខ្ញុំមានគ្រួសនៅក្នុងថង់ទឹកប្រម៉ាត់ដែលតម្រូវអោយខ្ញុំត្រូវបញ្ជូនទៅមន្ទីពេទ្យជំនាញផ្នែកនេះ ដើម្បីធ្វើការសង្គ្រោះបន្ទាន់២ផ្នែកធំៗផ្សេងគ្នា ។
នាងបញ្ជាក់ថា ទីមួយគឺដាក់ឧបករណ៍ចូលទៅក្នុងពោះដោយកាមេរ៉ាស្កូបបាញ់ទំលាក់ក្រួសចេញពីផ្លូវបង្ហូរទឹកប្រម៉ាត់ ទី២គឺធ្វើវះកាត់៤កន្លែងតូចៗល្មមផ្សេងគ្នានៅលើផ្ទៃពោះដើម្បីយកប្រម៉ាត់ចេញតែម្តង ដូច្នោះ ខ្ញុំត្រូវតម្រូវអោយគេងស្នាក់នៅមន្ទីពេទ្យរយៈ៤យប់៥ថ្ងៃ នឹងទទួលការថែរក្សាយ៉ាងយកចិត្តទុកដាក់ពីគ្រូពេទ្យជំនាញ ។
អញ្ចឹងសរុបមកវិញ មកដល់ថ្ងៃនេះ ខ្ញុំបានធ្វើការវះកាត់រួចរាល់ទាំង២ករណីហើយ រង់ចាំគ្រូពេទ្យមកវាយតំលៃម្តងទៀតនឹងបញ្ជាក់ថា ខ្ញុំអូខេអាចត្រលប់ទៅផ្ទះវិញបាន ។ វ៉ាង ស្រីណូ បានលើកឡើងបន្ថែមថា តើមានបងប្អូនណាខ្លះធ្លាប់មានជំងឺនេះ សូមខមិនប្រាប់ផងថា បងប្អូនក្រោយវះកាត់ពិបាក់មិចខ្លះ? ហើយមានបងៗគ្រូពេទ្យបានឃើញទេសូមបងជួយណែនាំផងថា ក្រោយវះកាត់ ប្អូនត្រូវថែខ្លួនបែបណាខ្លះ ដើម្បីប្អូនបានដឹង និងបានចែករំលែងបងប្អូនយើងបានដឹងទុកជាប្រយោជន៍ទាំងអស់គ្នាផង ៕
ចែករំលែកព័តមាននេះ