តាមប្រភពពី Shanghaiist បានឱ្យដឹងថា បុរសម្នាក់បានយកម្ជុលចាក់ទម្លុះស្បែកពោះរបស់កូន ដែលមានអាយុទើបតែ១ខែ ដោយសារតែឃើញហើម ។ ជាលទ្ធផលនោះ គឺត្រូវបានបញ្ជូនកូនទៅមន្ទីរពេទ្យដើម្បីធ្វើការបន្ទាន់ ។
គ្រាន់តែចាក់រន្ធតូចបន្តិច ក៏ធ្វើពោះវៀនរបស់ទារកម្នាក់លៀនចេញមកខាងក្រៅ ។ វាខុសពីអ្វីដែលបុរសជាឪពុកគិតចង់បាន ។ លោកគិតថា ការចាក់រន្ធតូចបែបនេះ អាចនឹងជួយឱ្យខ្យល់នៅក្នុងពោះរបស់កូនចេញមកក្រៅ ហើយធូរពោះឱ្យស្រួលខ្លួន ។ ដោយមិនបង្អង់យូរ លោកក៏យកកូនមកមន្ទីរពេទ្យស្ត្រី និងកុមារ Ningbo ដើម្បីវះកាត់យកពោះវៀនដែលចេញមកខ្ទង់៤០ ទៅ៥០សង់ទីម៉ែត្រដាក់ចូលក្នុងពោះវិញ ។
ក្រោយពីការវះកាត់មួយម៉ោង គ្រូពេទ្យបានយកវាចូលក្នុងពោះវិញអស់ និងទុកឱ្យទារកនោះសម្រាកព្យាបាលឱ្យបានសោះស្បើយ ។ ប្រធានផ្នែកវះកាត់បានប្រាប់អ្នកយកព័ត៌មានថា នេះគឺជាករណីទីមួយហើយដែលលោកបានជួប ។ វាគឺដោយសារតែការខ្វះខាតចំណេះដឹងរបស់ម្តាយឪពុកទារក ។ តែវាល្អហើយ ដោយសារតែបានយកមកមន្ទីរពេទ្យទាន់ពេលនោះ ។
ចែករំលែកព័តមាននេះ