ខេត្តព្រះសីហនុ ៖ ខ្ទឹមសមួយកុងតឺន័រទម្ងន់២៥តោនដែលមន្ត្រីកាំកុងត្រូលរកឃើញថា មាន សារធាតុថ្នាំគីមីកសិកម្មលើសកម្រិតត្រូវបាននាំយកទៅកម្ទេចចោលនៅទីលានចាក់សំរាម ក្នុងភូមិអូរតាសេក ឃុំអូរឧកញ៉ាហេង ស្រុកព្រៃនប់ នាព្រឹកថ្ងៃទី៣១ មករា…
ខេត្តព្រះសីហនុ ៖ ខ្ទឹមសមួយកុងតឺន័រទម្ងន់២៥តោនដែលមន្ត្រីកាំកុងត្រូលរកឃើញថា មាន សារធាតុថ្នាំគីមីកសិកម្មលើសកម្រិតត្រូវបាននាំយកទៅកម្ទេចចោលនៅទីលានចាក់សំរាម ក្នុងភូមិអូរតាសេក ឃុំអូរឧកញ៉ាហេង ស្រុកព្រៃនប់ នាព្រឹកថ្ងៃទី៣១ មករា ២០១៩ ក្រោមវត្ត មាន ឯកឧត្តមប៉ានសូរស័ក្ត រដ្ឋមន្ត្រីក្រសួងពាណិជ្ជកម្ម និងឯកឧត្តមយន្តមីន អភិបាលខេត្ត ព្រះសីហនុ ។
លោក ជា ប៉ិច អនុប្រធានសាខាកាំកុងត្រូលខេត្តព្រះសីហនុបានគូសបញ្ជាក់ថា ដោយអនុវត្តន៍តាមតួនាទី និងភារកិច្ចរបស់អគ្គនាយកដ្ឋានកាំកុងត្រូលនៃក្រសួងពាណិជ្ជកម្ម ក្នុងឆ្នាំ២០១៨ សាខាកាំកុងត្រូលខេត្តព្រះសីហនុបានធ្វើការត្រួតពិនិត្យ និងឃាត់ទុកទំនិញមិនមានអនុលោមភាពដូចខាងក្រោមទី០១ ថ្នាំពេទ្យហួសការបរិច្ឆេទប្រើប្រាស់ (បានដុតកម្ទេចនៅមន្ទីរសុខាភិបាលខេត្ត) ចំនួន១១៨០គីឡូក្រាម ។ ទី០២ខ្ទឹមសនាំចូលមកពីប្រទេសចិន ចំនួន០១កុងតៃនឺ៤០ហ្វិត (បញ្ជូនត្រឡប់វិញ) ចំនួន២៧៣៣៧គីឡូក្រាម និងទី០៣ខ្ទឹមសនាំចូលមកពីប្រទេសចិនចំនួន០១កុងតៃនឺ៤០ហ្វិត (ដុតកម្ទេចចោលនៅថ្ងៃនេះ) ចំនួន២៥០០០គីឡូក្រាម ក្នុងកំឡុងខែមេសា ឆ្នាំ២០១៨ រួមជាមួយម្ហូបអាហារចំរុះចំនួន២៦៥គីឡូក្រាម គ្រឿងសមុទ្រ បន្លែ ជ្រក់ ប្រហិត ត្រីប្រឡាក់ ងៀត បបែល ចំនួន៦៨គីឡូក្រាម ។
ប្រភពដដែលបានបន្តថា ចំពោះមូលហេតុឃាត់ទុកទំនិញខ្ទឹមសខាងលើក្រោយពីលទ្ធផលមន្ទីរពិសោធន៍នៃអគ្គនាយកដ្ឋានកាំកុងត្រូលបានរកឃើញវត្តមានសារធាតុគីមីប្រភេទថ្នាំពុលកសិកម្ម Disulfoton ដែលគេប្រើសម្រាប់ការពារសត្វល្អិតបំផ្លាញដំណាំ និងគ្រាប់ធញ្ញជាតិ ហួសកម្រិតកំណត់ ។
បើតាមឯកឧត្តមរដ្ឋមន្ត្រីក្រសួងពាណិជ្ជកម្មមានប្រសាសន៍ប្រាប់ក្រុមអ្នករាយការណ៍ព័ត៌មានថា ខ្ទឹមសខូចគុណភាពទាំងអស់នេះនាំមកពីប្រទេសចិនតាមច្រកកំពង់ផែស្វយ័ត ក្រុង ព្រះសីហនុ ហើយត្រូវបានមន្ត្រីសាខាកាំកុងត្រូលខេត្តព្រះសីហនុរកឃើញ និងឃាត់ទុកនាំ យកកម្ទេចចោលដោយសារថា មានសារធាតុថ្នាំពុលកសិកម្ម Disulfoton ដែលជាថ្នាំគីមីបាញ់ សម្លាប់សត្វល្អិត កុំអោយបំផ្លាញដំណាំលើសកម្រិតកំណត់ក្នុងនោះអ្នកបរិភោគអាចនឹង ជួបបញ្ហាប៉ះពាល់ប្រព័ន្ធសរសៃប្រសាទ និងកើតជាជម្ងឺមួយចំនួនដូចជា ក្អួត រាក ញ័រប្រកាច់ ប្រស្រីភ្នែករួមតូច ពិបាកដកដង្ហើម ហើយក្នុងករណីធ្ងន់ធ្ងរអាចឈានដល់ស្លាប់ ៕
ចែករំលែកព័តមាននេះ