ភ្នាក់ងារសារព័ត៌មាន Rueters បានឲ្យដឹងកាលពីថ្ងៃពុធ កន្លងមកថា សហរដ្ឋអាមេរិក និងប្រទេសចិនបានចាប់ផ្តើមការចរចាថ្នាក់ខ្ពស់មួយដើម្បីដោះស្រាយភាពខុសគ្នាទាក់ទិននឹងកម្មសិទ្ធិបញ្ញា និងសកម្មភាពផ្ទេរបច្ចេកវិទ្យា ព្រមទាំងកាត់បន្ថយភាពតានតឹងក្នុងសង្គ្រាមពាណិជ្ជកម្មផងដែរ ។ គណៈរដ្ឋមន្ត្រីដែលត្រូវបានដឹកនាំដោយលោក…
ភ្នាក់ងារសារព័ត៌មាន Rueters បានឲ្យដឹងកាលពីថ្ងៃពុធ កន្លងមកថា សហរដ្ឋអាមេរិក និងប្រទេសចិនបានចាប់ផ្តើមការចរចាថ្នាក់ខ្ពស់មួយដើម្បីដោះស្រាយភាពខុសគ្នាទាក់ទិននឹងកម្មសិទ្ធិបញ្ញា និងសកម្មភាពផ្ទេរបច្ចេកវិទ្យា ព្រមទាំងកាត់បន្ថយភាពតានតឹងក្នុងសង្គ្រាមពាណិជ្ជកម្មផងដែរ ។
គណៈរដ្ឋមន្ត្រីដែលត្រូវបានដឹកនាំដោយលោក Liu He ដែលជាឧប្បនាយករដ្ឋមន្ត្រីរបស់ប្រទេសចិន និងលោក Robert Lighthizer ដែលជាអ្នកតំណាងពាណិជ្ជកម្មអាមេរិក បានជួបគ្នានៅសហរដ្ឋអាមេរិកខណៈដែលនៅសល់មួយខែទៀតមុននឹងផុតកាលបរិច្ឆេទក្នុងការផ្អាកពន្ធ ។
អ្នកដែលចូលរួមលោក Liu រួមមានប្រធានធគារជាតិគឺលោក Yi Gang ដែលជាអ្នកគាំទ្រឲ្យប្រទេសចិនបើកទូលាយទីផ្សារសេវាកម្មហិរញ្ញវត្ថុ ព្រមទាំងមានមន្ត្រីដែលមកពីក្រសួងហិរញ្ញវត្ថុនិងពាណិជ្ជកម្មផងដែរ ។
មន្ត្រីថ្នាក់ខ្ពស់ដែលទទួលបន្ទុកផ្នែកពាណិជ្ជកម្ម ហិរញ្ញវត្ថុ និងសេដ្ឋកិច្ចរបស់លោកត្រាំរួមមានរដ្ឋមន្ត្រីរតនាគារ ASteven Mnuchin រដ្ឋមន្ត្រីពាណិជ្ជកម្ម Wilbur Ross និងទីប្រឹក្សារបស់ White House ដែលមានដូចជា Larry Kudlow និង Peter Navarro ជាដើម ។
ការចរចាបានចាប់ផ្តើមក្នុងកំឡុងពេល២ថ្ងៃបន្ទាប់ពីសហរដ្ឋអាមេរិកប្តឹងក្រុមហ៊ុន Huawei Technologies Co Ltd និងនាយកទទួលបន្ទុកផ្នែកហិរញ្ញវត្ថុរបស់ពួកគេគឺអ្នកស្រី Meng Wanzhou ពីបទរួមផ្សំគំនិតដើម្បីល្មើសការដាក់ទណ្ឌកម្មអាមេរិកលើអ៊ីរ៉ង់ដោយប្រកបអាជីវកម្មតាមរយៈក្រុមហ៊ុនមួយទៀត ។
យ៉ាងណាក្តី លោក Mnuchun និង Ross បាននិយាយថាមិនមានទំនាក់ទំនងអ្វីរវាងការចរចាពាណិជ្ជកម្មនិងករណីរបស់ Huawei នេះឡើយ ។
ការចរចារវាងប្រទេសទាំងពីរត្រូវបានគិតថានឹងមានភាពតានតឹង ដោយមន្ត្រីចិនប្រហែលជាមិនមានការប្តេជ្ញាក្នុងការដោះស្រាយ ឬស្របតាមតម្រូវការធំៗរបស់ងាមេរិកក្នុងការការពារសិទ្ធិកម្មសិទ្ធិបញ្ញាអាមេរិក និងបញ្ឈប់គោលនយោបាយដែលសហរដ្ឋអាមេរិកនិយាយថាបានបង្ខំឲ្យក្រុមហ៊ុនអាមេរិកផ្ទេរបច្ចេកវិទ្យាទៅសហគ្រាសចិនឡើយ ។
មន្ត្រីថ្នាក់ខ្ពស់ម្នាក់មកពីរដ្ឋាភិបាលអាមេរិកបានប្រាប់ដល់ Reuters ថា ចំណុចសំខាន់ដែលអាចជំរុញឲ្យការចរចាទៅមុខគឺការព្រមព្រៀងគ្នាលើវិធីបញ្ជាក់ថាប្រទេសចិនពិតជាបានធ្វើតាមការសន្យាក្នុងការធ្វើកំណែទម្រង់ពិតមែន ៕
ចែករំលែកព័តមាននេះ