ខេត្តកណ្តាល ៖ ជាងផ្សារម្នាក់បានយកស័ង្កសីមិនបានប្រយ័ត្នមើលខ្សែភ្លើងនៅខាងក្រោមសង្ក័សីក៏កាត់ប៉ះខ្សែភ្លើងឆក់ចំដើមទ្រូងខាងស្តាំ និងកញ្ចង់.កខាងស្តាំ បណ្តាលអោយស្លាប់ភ្លាមៗតែម្តង ។ ហេតុការណ៍នេះបានកើតឡើង កាលពីវេលាម៉ោង០១និង៤០នាទីថ្ងៃទី៣០ ខែមករា ឆ្នាំ២០១៩…
ខេត្តកណ្តាល ៖ ជាងផ្សារម្នាក់បានយកស័ង្កសីមិនបានប្រយ័ត្នមើលខ្សែភ្លើងនៅខាងក្រោមសង្ក័សីក៏កាត់ប៉ះខ្សែភ្លើងឆក់ចំដើមទ្រូងខាងស្តាំ និងកញ្ចង់.កខាងស្តាំ បណ្តាលអោយស្លាប់ភ្លាមៗតែម្តង ។
ហេតុការណ៍នេះបានកើតឡើង កាលពីវេលាម៉ោង០១និង៤០នាទីថ្ងៃទី៣០ ខែមករា ឆ្នាំ២០១៩ ចំណុចភូមិស្លាបតាអោន ឃុំគគីរ ស្រុកកៀនស្វាយ ខេត្តកណ្តាល ។ ប្រភពបានឲ្យដឹងថា ជនរងគ្រោះបានធ្វើផ្ទះអោយគេនៅមុខវត្តកោះជាមួយជាងសំណង់ពីរនាក់ទៀតដែលធ្វើនៅក្រោយផ្ទះ ចំណែកជនរងគ្រោះឈ្មោះ យស សុវណ្ណ ហៅយក្ស បានអង្គុយកាត់សង្ក័សីនៅមុខផ្ទះពេលកំពុងកាត់សង្ក័សីមិនបានប្រយ័ត្នមើលខ្សែភ្លើងនៅខាងក្រោមសង្ក័សីក៏កាត់ប៉ះខ្សែភ្លើងឆក់ចំដើមទ្រូងខាងស្តាំ និងកញ្ចឹងកខាងស្តាំ បណ្តាលអោយស្លាប់ភ្លាមៗតែម្តង ហើយក៏បានរាយការណ៍ជូនសមត្ថកិច្ចប៉ុស្តិ៍នគរបាលរដ្ឋបាលគគីរ ។
ក្រោយទទួលបានព័ត៌មានកម្លាំងប៉ុស្តិ៍សហការជាមួយកម្លាំងជំនាញកោសល្យវិច្ច័យស្រុក អាជ្ញាធរមូលដ្ឋាន និងគ្រូពេទ្យចុះពិនិត្យសាកសព និងបានបញ្ជាក់ថា សាកសពមានស្លាកស្នាមរលាកដោយខ្សែភ្លើងចំនួន០២កន្លែង គឺដើមទ្រូងខាងស្តាំ និងកញ្ចឹងកខាងស្តាំ ។ ប្រភពដដែលបានបន្តទៀតថា ជនរងគ្រោះឈ្មោះ យស សុវណ្ណ ហៅយក្ស ភេទប្រុស អាយុ ៤៥ឆ្នាំ ជនជាតិខ្មែរ សញ្ជាតិខ្មែរ មុខរបបជាជាងផ្សារ មានទីលំនៅភូមិស្វាយតាអុក១ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ។
ជនរងគ្រោះស្លាប់ដោយសារឆក់ខ្សែភ្លើងកម្លាំងសមត្ថកិច្ចធ្វើកំណត់ហេតុរួចបានប្រគល់សពអោយក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ