ខេត្តបាត់ដំបង ៖ សាក្សីរស់ គឺបងប្អូនអតីតយុទ្ធជនយើងបានជួយរំដោះប្រទេសជាតិកម្ពុជាឲ្យទទួលបានសុខសន្តិភាពរហូតដល់សព្វថ្ងៃនេះ ។ នេះជាសម្តីលោកឧត្តមសេនីយ៍ទោ ឯក សំអូន មេបញ្ជាការរង នាយសេនាធិការយោធភូមិភាគ៥ តំណាងលោកឧត្តមសេនីយ៍ឯក ប៊ុនសេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ បានចូលរួមជាអធិបតីក្នុងពិធីប្រជុំបូកសរុបលទ្ធផលការងារក្នុងឆ្នាំ២០១៨ និងទិសដៅការងារយោធាសន្តិសុខ ឆ្នាំ២០១៩ របស់អង្គភាព ។
តំបន់ប្រតិបត្តិការសឹករងបាត់ដំបងនៅតំបន់ប្រតិបត្តិការសឹករងបាត់ដំបង នៅព្រឹកថ្ងៃទី២៩ ខែ មករា ឆ្នាំ២០១៩ កន្លងទៅនេះនឹងវត្តមានចូលរួមពីលោកឧត្តមសេនីយ៍ទោអ៊ុកឃ្នួចមេបញ្ជាការរងយោធភូមិភាគ មេបញ្ជាការតំបន់ប្រតិបត្តិការសឹករងបាត់ដំបង តំណាងអភិបាលខេត្តបាត់ដំបងកងរាជអាវុធហត្ថខេត្ត តំណាងស្នងការនគរបាលខេត្តអស់លោកមេបញ្ជាការរងតំបន់ប្រតិបត្តិការសឹក សេនាធិការរងយោធភូមិភាគ នាយទាហានជំនាញថ្នាក់ការិយាល័យយោធភូមិភាគ តំបន់ប្រតិបត្តិការសឹក វរសេនាតូចជាច្រើនរូប ។
បន្ទាប់ពីមតិស្វាគមន៍របស់លោកឧត្តមសេនីយ៍ទោ អ៊ុក ឃ្នួច មេបញ្ជាការរងយោធភូមិភាគទី៥ មេបញ្ជាការតំបន់ប្រតិបត្តិការសឹកបាត់ដំបងរួចមកលោកឧត្តមសេនីយ៍ត្រី ហួម ខ្វែក មេបញ្ជាការរងនាយសេនាធិការតំបន់ប្រតិបត្តិការសឹកខេត្តបាត់ដំបងបានអានរបាយការណ៍បូកសរុបការងារប្រចាំឆ្នាំ២០១៨ និងទិសដៅការងារឆ្នាំ២០១៩ ដោយបានបញ្ជាក់ឲ្យដឹងថា ឆ្លងកាត់រយៈពេល១ឆ្នាំ កន្លងមកនេះអង្គភាពតំបន់ប្រតិបត្តិការសឹករងបាត់ដំបង បានយកចិត្តទុកដាក់បង្កើនសមត្ថភាពគ្រប់គ្រាន់ដល់យោធិនក្នុងការបំពេញតួនាទីភារៈកិច្ចយ៉ាងសកម្មលើការងារពង្រឹងប្រៀបការពារជាតិតាមរយៈការបណ្តុះបណ្តាលធនធានមនុស្សហ្វឹកហ្វឺនរៀនសូត្រ ជាប់ជាប្រចាំក្នុងនោះការងារហ្វឹកហ្វឺនមានអង្គភាពចំណុះបាន០៩វគ្គ សិក្ខាកាម២៩៥ នាក់ ហ្វឹកហ្វឺនអន្តរាគមន៍០១វគ្គ សិក្ខាកម៧០នាក់ ហ្វឹកហ្វឺនព្យុហយាត្រាបាន០១លើក កម្លាំង ១៥៥នាក់ យុទ្ធដំណើរទ័ពបាន០១លើក កម្លាំង៣០នាក់ ។
បញ្ជាក់ទៀតថា ទន្ទឹមនិងការពង្រឹងកម្លាំងប្រព័ន្ធការពារទីតាំងរឹងមាំ អង្គភាពតំបន់ប្រតិបត្តិការសឹកខេត្តបានចូលរួមយ៉ាងសកម្មលើការកសាង អង្គភាពការងារដាំដុះដំណាំផ្សេងៗបង្កបង្កើនផល ការចិញ្ចឹមសត្វ ជាលក្ខណៈគ្រួសារ និងការលើកស្ទួយជីវភាពរស់នូវកងទ័ពបានសមរម្យផងដែរ ។
ក្នុងនោះដែរគណៈអធិបតីបានផ្តល់កិត្តិយសជូនប័ណ្ណសរសើរលិខិតសរសើរដល់អង្គភាព និង បុគ្គលមានស្នាដៃផងដែរឆ្លងតាមរយៈការបូកសរុបលទ្ធផលការងារយោធាសន្តិសុខ ឆ្នាំ ២០១៨ បន្តទិសដៅរបស់អង្គភាពតំបន់ប្រតិបត្តិការសឹករងបាត់ដំបងនាឱកាសនោះលោកឧត្តមសេនីយ៍ទោ ឯក សំអូន ជំនួសមុខអោយលោកឧត្តមសេនីយ៍ឯក មេបញ្ជាការយោធភូមិភាគទី៥ បានសម្តែងការវាយតម្លៃខ្ពស់ចំពោះស្មារតី ខិតខំប្រឹងប្រែងរបស់អស់លោក ក្នុងជួរ ថ្នាក់ដឹកនាំតំបន់ប្រតិបត្តិការ សឹករងខេត្ត នាយទាហាន ដែលកន្លងមកនេះ ។
សម្រេចបាន ការងារជាច្រើនសម្រាប់អង្គភាពរបស់ខ្លួន ព្រមទាំងបានរំលឹកអំពីកិច្ចសហប្រតិបត្តិការការចុះជួយដល់ជីវភាពអតីតយុទ្ធជនក្នុងការរំលឹកការដឹងគុណមិនឲ្យនៅភាពឯកោ ដែលមានប៉ូលិស អាវុធហត្ថ និងកងទ័ពយើង បានចុះជួយជាប្រចាំគ្រប់ទីកន្លែង និងអនុវត្តន៍តាមគោលនយោបាយភូមិឃុំមានសុវត្ថិភាព ៕
ចែករំលែកព័តមាននេះ