រាជធានីភ្នំពេញ ៖ អាការឈឺក្បាល គឺជាបញ្ហាមួយដែលកើតមានជាញឹកញាប់បំផុតចំពោះមនុស្សគ្រប់ៗគ្នា។ អ្នកណាៗក៏អាចកើតមានអាការឈឺក្បាលដែរ ហើយអាការនេះមិនទាក់ទងនឹងអាយុ ពូជសាសន៍ និងភេទឡើយ។
យោងទៅតាមអង្គការសុខភាពពិភពលោក (WHO) បានបង្ហាញថា ខណៈពេលដែលមានមនុស្សពេញវ័យជាងពាក់កណ្តាលទូទាំងពិភពលោកនេះ តែងតែកើតមានអាការឈឺក្បាល ពួកគេបែរជាមើលរំលងមិនអើពើ ឬមិនមានការព្យាបាលដោយត្រឹមត្រូវឡើយ។
អាការឈឺក្បាលអាចជាសញ្ញានៃភាពតានតឹង ឬភាពធុញថប់ផ្លូវចិត្ត។ វាក៏អាចជាផលវិបាកដែលបណ្តាលមកពីជំងឺផ្សេងៗដូចជា ជំងឺឈឺក្បាលប្រកាំង ការកើនឡើងសម្ពាធឈាម ការថប់អារម្មណ៍ ឬជំងឺធ្លាក់ចិត្តជាដើម។ ផលវិបាកដែលកើតញឹកញាប់បំផុតបណ្តាលមកពីការឈឺក្បាល គឺធ្វើឱ្យការផ្តោតអារម្មណ៍ធ្លាក់ចុះ មានការលំបាកក្នុងការធ្វើការងារ ឬរៀនសូត្រប្រកបដោយប្រសិទ្ធភាព។
១- មូលហេតុដែលបណ្តាលឱ្យកើតមានអាការឈឺក្បាល ៖ The International Headache Society (IHS) បែងចែកអាការឈឺក្បាលជាពីរប្រភេទ គឺអាការឈឺក្បាលលក្ខណៈចម្បង និងអាការឈឺក្បាលលក្ខណៈបន្ទាប់បន្សំ។
អាការឈឺក្បាលលក្ខណៈចម្បង គឺជាការឈឺចាប់នៅក្នុងក្បាលដែលបណ្តាលមកពីរាងកាយមានសកម្មភាពលើសកម្រិត ឬមានបញ្ហានៅប្រព័ន្ធណាមួយនៅក្នុងខួរក្បាលដែលជារំញោចឱ្យមានការឈឺចាប់ ដូចជាសរសៃឈាម សាច់ដុំ និងសរសៃប្រសាទខួរក្បាល និង កញ្ចឹង.ក។ ជាញឹកញាប់ អាការឈឺក្បាលលក្ខណៈចម្បង រួមមានការឈឺក្បាលប្រកាំង ឈឺក្បាលខ្លាំងជុំវិញភ្នែក (cluster headache) និងឈឺណែនក្នុងក្បាល។
អាការឈឺក្បាលលក្ខណៈបន្ទាប់បន្សំ គឺជារោគសញ្ញាដែលកើតឡើងនៅពេលដែលសរសៃប្រសាទនៃការឈឺចាប់របស់ក្បាលត្រូវបានរំញោចដោយលក្ខខណ្ឌដទៃទៀតក្រៅពីរាងកាយមានសម្មាភាពលើសកម្រិត។ កត្តាជាច្រើនដែលអាចបណ្តាលឱ្យអាការឈឺក្បាលលកខណៈបន្ទាប់បន្សំរួមមាន៖
- Alcohol-induced hangover ការប្រើប្រាស់គ្រឿងស្រវឹង
- Brain tumor ដុំសាច់ខួរក្បាល
- Blood clots កំណកឈាមតាមសរសៃឈាម
- Bleeding in or around the brain ការហូរឈាមនៅក្នុង ឬនៅបរិវេណខួរក្បាល
- Carbon Monoxide (CO) Poisoning ការពុលដោយកាបូនម៉ូណូស៊ីត (CO)
- Dehydration ការខ្សោះជាតិទឹក
- Overuse of pain medication ការប្រើថ្នាំបំបាត់ការឈឺចាប់លើសកម្រិត
- Teeth-grinding at night ការសង្កៀតធ្មេញនៅពេលគេងយប់
- Influenza គ្រុនផ្តាសាយ
- Concussion ការប៉ះទង្គិចខួរក្បាល
- Panic attacks សភាពភ័យស្លន់ស្លោរ
- Stroke ជំងឺដាច់សរសៃឈាមខួរក្បាល
- Dehydration ការខ្សោះជាតិទឹក
- Overuse of pain medication ការប្រើថ្នាំបំបាត់ការឈឺចាប់លើសកម្រិត
- Teeth-grinding at night ការសង្កៀតធ្មេញនៅពេលគេងយប់
- Influenza គ្រុនផ្តាសាយ
- Concussion ការប៉ះទង្គិចខួរក្បាល
- Panic attacks សភាពភ័យស្លន់ស្លោរ
- Stroke ជំងឺដាច់សរសៃឈាមខួរក្បាល
២- ការព្យាបាល ៖ វិធីសាស្ត្រសាមញ្ញបំផុតក្នុងការព្យាបាលអាការឈឺក្បាលគឺការសម្រាក និងការប្រើថ្នាំបំបាត់ការឈឺចាប់ដូចជា ថ្នាំប៉ារ៉ាសេតាមុល ។
ថ្នាំបំបាត់ការឈឺចាប់ទូទៅអាចរកបាននៅតាមឱសថស្ថាននានា។ ថ្នាំបង្ការអាការឈឺក្បាល គឺត្រូវចេញវេជ្ជបញ្ជាចេញដោយគ្រូពេទ្យ។
វាមានសារៈសំខាន់ណាស់ក្នុងការធ្វើតាមដំបូន្មានរបស់គ្រូពេទ្យដោយសារការប្រើថ្នាំបំបាត់ការឈឺចាប់លើសកម្រិតអាចធ្វើឱ្យអាការឈឺក្បាលរើឡើងវិញបាន។ ក្នុងករណីធ្ងន់ធ្ងរ អាចតម្រូវឱ្យមានការសម្រាកព្យាបាលនៅមន្ទីរពេទ្យរយៈពេលខ្លីជាចាំបាច់ ដើម្បីធានាសុវត្ថិភាព។
៣- ការព្យាបាលផ្សេងៗ ៖ ទម្រង់នៃការព្យាបាលជាច្រើនសម្រាប់ការឈឺក្បាលដែលរួមមានការចាក់ម្ជុលវិទ្យាសាស្ត្រ ការព្យាបាលទៅលើបែបបទនៃការរស់នៅរបស់អ្នកជំងឺ ផលិតផលសុខភាពដែលចម្រាញ់ចេញពីរុក្ខជាតិ និងអាហារបំប៉ន និងការប្រើឱសថសណ្តំ គួរត្រូវបានឆ្លងកាត់ការពិភាក្សាជាមួយគ្រូពេទ្យ មុនពេលអ្នកជំងឺចាប់ផ្តើមទទួលការព្យាបាលតាមវិធីសាស្ត្រទាំងនេះណាមួយៗ។
តើអ្នកបានរៀនអ្វីថ្មីខ្លះនៅថ្ងៃនេះ ហើយតើអ្នកចាប់អារម្មណ៍ចង់ស្វែងយល់បន្ថែមទៀតទេ? សម្រាប់ព័ត៌មានបន្ថែមអំពីអាការឈឺក្បាល និងអត្ថប្រយោជន៍នៃការប្រើថ្នាំសម្រាប់ព្យាបាល សូមចូលរួមចុច like និងតាមដានយើងតាមទំព័រ Facebook នៅទីនេះ ៕ ដោយសហការ
ចែករំលែកព័តមាននេះ