បន្ទាយមានជ័យ ៖ រថយន្ត៣គ្រឿងបុកបន្តគ្នាពេញទំហឹង១គ្រឿង ធ្លាក់ប្រឡាយ១គ្រឿងទៀតធ្លាក់ស្រែ បណ្តាលរបួសធ្ងន់ស្រាល៦នាក់ ស្រី៤នាក់ និងក្មេង២នាក់ ដែលកើតឡើងនៅវេលាម៉ោងជិត៤ល្ងាច ថ្ងៃទី២៧ ខែមករា…
បន្ទាយមានជ័យ ៖ រថយន្ត៣គ្រឿងបុកបន្តគ្នាពេញទំហឹង១គ្រឿង ធ្លាក់ប្រឡាយ១គ្រឿងទៀតធ្លាក់ស្រែ បណ្តាលរបួសធ្ងន់ស្រាល៦នាក់ ស្រី៤នាក់ និងក្មេង២នាក់ ដែលកើតឡើងនៅវេលាម៉ោងជិត៤ល្ងាច ថ្ងៃទី២៧ ខែមករា ឆ្នាំ២០១៩ តាមបណ្តោយផ្លូវជាតិលេខ៥ ស្ថិតភូមិថ្មីឃុំសំរោងស្រុកអូរជ្រៅ ។
មន្ត្រីនគរបាលចរាចរណ៍ជើងគោកខេត្តបន្ទាយមានជ័យបានប្រាប់ថា នៅពេលគ្រោះថ្នាក់ចរាចរណ៍កើតឡើង គឺមានរថយន្ត LEXUS- RX330 ពណ៌ស ដែលពាក់ស្លាកលេខបន្ទាយមានជ័យ 2A-6996 បើកបរក្នុងទិសដៅពីលិចមកកើតក្នុងល្បឿនលឿន ហើយបានឡើងជែងទៅបុករថយន្តធុនធំកូរ៉េ១គ្រឿង ដឹកទឹកសុទ្ធដែលបើកបបញ្ច្រាសទិសគ្នា ពីកើតទៅលិច ហើយរុលទៅបុករថយន្តម៉ាក់ហាយឡែនដឺ ពណ៌ទឹកប្រាក់១គ្រឿង ដែលពាក់ស្លាកលេខភ្នំពេញ2I- 2745 ដែលបើកបរទិសដៅពីកើតទៅលិច ហើយគ្រោះថ្នាក់នេះ បណ្តាលអោយរងរបួស៦នាក់ស្រី៤នាក់ កុមា២នាក់ ត្រូវបានរថយន្តសង្គ្រោះបន្ទាន់ការិល័យចរាចរណ៍ជើងគោកនៃស្នងការដ្ឋាននគរបាលខេត្ត ។
មន្ត្រីនគរបាលចរាចរណ៍ជើងគោកបានបញ្ជាក់ថា មូលហេតុដែលបង្កគ្រោះថ្នាក់ចរាចរណ៍កើតឡើង គឺបណ្តាលមកពីអ្នកបើកបររថយន្តលុចស៊ីដែលបើកបរល្បឿនលឿន ហើយឡើងជែងដោយគ្មានការប្រុងប្រយ័ត្ន ទើបបណ្តាលទៅបុករថយន្តកូរ៉េធ្លាក់ចូលស្រែ ហើយរុលទៅបុករថយន្តហាយឡែនដឺ១គ្រឿងទៀត បណ្តាលធ្លាក់ចូលប្រឡាយ និងបណ្តាលរបួស៦នាក់ស្រីនាក់ និងកុមារ២នាក់ ហើយរថយន្តទាំង៣គ្រឿងខូចខាត ហើយ២គ្រឿងខូចខាតធ្ងន់ក្រោយពេលវាស់វែង ហើយយកទៅរក្សាទុកនៅការិយាល័យនគរបាលចរាចរណ៍ជើងគោកស្នងការដ្ឋាននគរបាលខេត្ត ដើម្បីអនុវត្តតាមច្បាប់ចរាចរណ៍ជើងគោក ៕
ចែករំលែកព័តមាននេះ