រាជធានីភ្នំពេញ ៖ ស្ថាប័នពាក់ព័ន្ធត្រូវតែពង្រឹងវិធានការច្បាប់ ដើម្បីទប់ស្កាត់គ្រោះថ្នាក់ចរាចរណ៍ឱ្យមានប្រសិទ្ធភាពចាប់ពីពេលនេះ រហូតដល់ឆ្នាំ២០២០ ។ ប្រសិនបើសមត្ថកិច្ចមិនពង្រឹងការអនុវត្តច្បាប់ឱ្យមានប្រសិទ្ធភាពទេ ចំនួនអ្នកស្លាប់អាចកើនដល់ជាង៣ពាន់នាក់នៅឆ្នាំ២០២០ ខណៈគ្រោះថ្នាក់ចរាចរណ៍បានសម្លាប់មនុស្សលើដងផ្លូវជាមធ្យមក្នុងមួយថ្ងៃ៥នាក់ ។
នេះជាការក្រើនរំឭករបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងឱកាសបូកសរុបការងារត្រួតពិនិត្យការអនុវត្តច្បាប់ស្ដីពីចរាចរណ៍ផ្លូវគោក ក្រោយពីច្បាប់នេះបានដាក់ឲ្យដំណើរការរយៈពេល៣ឆ្នាំមកហើយគិតមកដល់ឆ្នាំ២០១៩ ។ ក្នុងនាមជាប្រធានគណៈកម្មាធិការជាតិសុ
វត្ថិភាពចរាចរណ៍ផ្លូវគោក សម្តេចក្រឡាហោមបានគូសបញ្ជាក់ថា តាមការប៉ាន់ស្មានរបស់អ្នកជំនាញសុវត្ថិភាពចរាចរណ៍ផ្លូវគោក បើគ្មានវិធានការទប់ស្កាត់ឱ្យមានប្រសិទ្ធភាពទេ នោះ ចំនួនអ្នកស្លាប់ដោយសារគ្រោះថ្នាក់ចរាចរណ៍ នឹងកើនដល់៣.២០០នាក់ នាឆ្នាំ២០២០ខាងមុខនេះ ខណៈបច្ចុប្បន្ននេះគ្រោះថ្នាក់ចរាចរណ៍បានធ្វើឲ្យខូចខាតទ្រព្យសម្បត្តិរាប់រយលានដុល្លារក្នុងមួយឆ្នាំៗ ជាការខូចខាតដែលមានអត្រាខ្ពស់បើប្រៀបធៀបនឹងគ្រោះថ្នាក់សង្គមផ្សេងៗទៀត ។
ចំពោះវិធានការទប់ស្កាត់នានា ដើម្បីកាត់បន្ថយចំនួនមនុស្សស្លាប់ដែលអាចកើនដល់ជាង៣ពាន់នាក់នៅឆ្នាំ២០២០ រួមមាន ៖
-ជំរុញការផ្សព្វផ្សាយច្បាប់ស្ដីពីចរាចរណ៍ផ្លូវគោកឲ្យបានទូលំទូលាយតាមគ្រប់រូបភាព ។
-រឹតបន្តឹងត្រួតពិនិត្យការអនុវត្តច្បាប់ឲ្យបានជាប់ជាប្រចាំ ប្រកបដោយតម្លាភាព ស្មើភាព ពិសេសផ្ដោតលើម៉ូតូ រថយន្តដឹកកម្មករ រថយន្តដឹកអ្នកដំណើរទូទៅ និងរថយន្តដឹកទំនិញ។
-ត្រួតពិនិត្យកន្លែងបង្រៀនបើកបរ យានដ្ឋាន
កែច្នៃយានយន្ត និងការគ្រប់គ្រងទិន្នន័យ ។
-ចាត់វិធានការរៀបចំសណ្ដាប់ធ្នាប់តាមដង
ផ្លូវ ទីប្រជុំជន សាលារៀន និងរៀបចំចំណត
រថយន្តដឹកអ្នកដំណើរ ដឹកទំនិញ និងដឹកកម្មករឲ្យមានរបៀបរៀបរយ ។
ជាការកត់សម្គាល់ ការអនុវត្តច្បាប់ស្ដីពីចរាចរណ៍ផ្លូវគោក ចាប់ពីឆ្នាំ២០១៦មក បើតាមតួលេខមកដល់ឆ្នាំ២០១៨ បានជួយកាត់បន្ថយគ្រោះថ្នាក់ចរាចរណ៍នៅកម្ពុជា បានចំនួន១.៩៣១លើក កាត់បន្ថយអ្នកស្លាប់៧០៦នាក់ និងកាត់បន្ថយអ្នករងរបួសបានចំនួន៤.៥៣១នាក់ ។
ជាក់ស្ដែងនៅឆ្នាំ២០១៨ គ្រោះថ្នាក់ចរាចរណ៍បានថយចុះចំនួន២៦៤លើក ខណៈអ្នកស្លាប់ថយចុះចំនួន១៩នាក់ និងអ្នករបួសថយចុះចំនួន៧៦៩នាក់ ។ តាមរបាយការណ៍របស់គណៈកម្មាធិការជាតិសុវត្ថិភាពចរាចរណ៍ផ្លូវគោកឲ្យដឹងថា សណ្ដាប់ធ្នាប់ចរាចរណ៍នៅទីប្រជុំជន នៅតែមានការកកស្ទះ ដោយសារតែការលក់ដូរ ការចតយានយន្តល្មើសច្បាប់ ការប្រើប្រាស់ផ្លូវដោយខុសច្បាប់ និងកំណើនយានយន្តខ្ពស់ក្នុងពេលតែមួយ។ ម្យ៉ាងទៀត អ្នកដំណើរនៅតែខ្លាចនគរបាលជាងខ្លាចច្បាប់ ទើបអត្រាគ្រោះថ្នាក់ចរា
ចរណ៍ចេះតែកើនឡើង ខណៈចំនួនយានយន្ត នៅឆ្នាំ២០១៨ បានកើនដល់ចំនួនជាង៣០%៕
ចែករំលែកព័តមាននេះ