ក្លាយជាជនពិការ ព្រោះតែទិញទូរស័ព្ទ
Daily Mail បានចុះផ្សាយកាលពីពេល ថ្មីៗកន្លងមកពីស្ថានភាពជីវិតរបស់លោកវាំង កាលពីឆ្នាំ២០១០ ក្រោយពីលោកបានលក់ក្រលៀនយកប្រាក់ទិញទូរស័ព្ទ«iPhone 4» និង «iPad» របស់ក្រុមហ៊ុនApple…
Daily Mail បានចុះផ្សាយកាលពីពេល ថ្មីៗកន្លងមកពីស្ថានភាពជីវិតរបស់លោកវាំង កាលពីឆ្នាំ២០១០ ក្រោយពីលោកបានលក់ក្រលៀនយកប្រាក់ទិញទូរស័ព្ទ«iPhone 4» និង «iPad» របស់ក្រុមហ៊ុនApple ដែលពេញនិយមក្នុងប្រទេសចិនក្នុងសម័យនោះ ប៉ុន្តែការប្រតិបត្តិបែបនេះធ្វើឲ្យលោកក្លាយជាជនពិការដេកតែលើគ្រែមិនអាចជួយខ្លួនឯងបាន ។
ក្នុងឆ្នាំ២០១០លោកវាំងមានអាយុ១៧ឆ្នាំគឺចង់មានទូរស័ព្ទiPhone ប្រើដើម្បីបានអួតមិត្តភក្ដិ ប៉ុន្តែគ្រួសារក្រីក្ររបស់គេមិនអាចទិញបានព្រោះមានតម្លៃខ្ពស់ តម្រូវឲ្យលោកលក់ក្រលៀនដើម្បីយកប្រាក់មកទិញវត្ថុដែលខ្លួនត្រូវការ ។ លោកវាំងជាអ្នកស្រុកនៅខេត្តអាន់ហ៊ុយ បានលក់ក្រលៀនម្ខាងឲ្យអ្នកជំងឺនៅខេត្តហ៊ូណានក្នុងតម្លៃ១៥០.០០០យាន់ ឬ២១.០០០ដុល្លារ និង១០.០០០ដុល្លារទៀតជាថ្លៃអវយវៈ ។
លោកវាំងបានទទួលប្រាក់តែ២២.០០០យាន់ ឬ៣.០០០ដុល្លារប្រហែល១០ភាគរយនៃប្រាក់កម្រៃជើងសា និងយកប្រាក់ទិញទូរស័ព្ទ។ បន្ទាប់មកឱពុកម្ដាយបានសាកសួរលើការបានប្រាក់ពីណាទិញទូរស័ព្ទ ? គេក៏សារភាពថាលក់ក្រលៀនដើម្បីយកប្រាក់មកទិញ ឃើញដូច្នេះម្ដាយក៏ប្ដឹងប៉ូលិស ។
លទ្ធផលនៃការលក់ក្រលៀន ធ្វើឲ្យសុខភាពរបស់គេទ្រុឌទ្រោម ក្រលៀនចុះខ្សោយត្រូវលាងឈាមជាប្រចាំ និងជាជនពិការដេកតែលើគ្រែក្រុមគ្រួសារនៅថែទាំ បាត់បង់ការរៀនសូត្រ និងរស់នៅក្រោមការឧបត្ថម្ភពីរដ្ឋ ៕
ចែករំលែកព័តមាននេះ