និយាយពីបញ្ហាផ្លូវភេទ បុរសពិតជាពិបាកយល់អំពីស្ត្រី ដ្បិតអីនាងស្ងៀមស្ងាត់បំផុតទាក់ទងនឹងបញ្ហាសិច ។ ចំណុចនេះហើយដែលនាំឱ្យបុរសមួយចំនួនគិតថា ពួកនាងជាភេទអាថ៌កំបាំង។
ទោះជាយ៉ាងនេះក្តី ស្ត្រីរាល់រូបពិតជាមិនដូចគ្នានោះទេ ។ មួយចំនួននៃពួកគេពិតជាចង់បានភាពកក់ក្តៅពីបុរសដែលខ្លួនស្រឡាញ់
និយាយពីបញ្ហាផ្លូវភេទ បុរសពិតជាពិបាកយល់អំពីស្ត្រី ដ្បិតអីនាងស្ងៀមស្ងាត់បំផុតទាក់ទងនឹងបញ្ហាសិច ។ ចំណុចនេះហើយដែលនាំឱ្យបុរសមួយចំនួនគិតថា ពួកនាងជាភេទអាថ៌កំបាំង។
ទោះជាយ៉ាងនេះក្តី ស្ត្រីរាល់រូបពិតជាមិនដូចគ្នានោះទេ ។ មួយចំនួននៃពួកគេពិតជាចង់បានភាពកក់ក្តៅពីបុរសដែលខ្លួនស្រឡាញ់ពេញចិត្តយ៉ាងខ្លាំង ។ បុរសត្រូវដឹងថា ស្ត្រីមិនចូលចិត្តដើរតួក្នុងនាមជាអ្នកបង្កាត់ភ្លើងសិចនោះទេ ។ ពួកគេតែងទុកភារៈនេះឱ្យបុរសជាអ្នកធ្វើ ។ ដូច្នេះមានសញ្ញាខ្លះៗដែលអ្នកអាចសម្គាល់បានថា នាងកំពុងបើកភ្លើងខៀវឱ្យអ្នក ៖
១-យកដៃប៉ះរាងកាយរបស់អ្នក ៖ ប្រសិនជានាងប៉ះពាល់ឬស្ទាបខ្លួនប្រាណអ្នក អំឡុងការរាំកម្សាន្តក្នុងពិធីណាមួយឬអំឡុងពេលការសន្ទនាគ្នាយ៉ាងស្និទ្ធស្នាលនៅភោជនីយដ្ឋាន វាជាសញ្ញាមួយដែលអ្នកត្រូវចាប់អារម្មណ៍ថា នាងកំពុងមានអារម្មណ៍ល្អជាមួយអ្នក ។ តែសូមកត់ចំណាំថា ប្រសិនជានាងធ្វើបែបនេះ (ប៉ះពាល់ខ្លួនប្រាណ) ទៅកាន់មនុស្សគ្រប់គ្នាដែលនាងនិយាយជាមួយ តែដូច្នេះដែរ វាមិនចង្អុលបង្ហាញថា នាងចង់ឡើងគ្រែជាមួយអ្នកនោះទេ ។
២-ឆ្លៀតឱកាសចូលកៀកអ្នកដើម្បីជជែកពីនេះពីនោះ ៖ វាជាចំណុចមួយដែលអ្នកគួរតែចាប់អារម្មណ៍ផងដែរ ក្នុងពេលដែលនាងមិនព្រមដើរទៅណាឆ្ងាយពីអ្នកអំឡុងចូលរួមពិធីណាមួយ ។ ឧទាហរណ៍ប្រសិនជាអ្នករួមនឹងមិត្តភក្តិទាំងអស់របស់នាងទៅលេងកម្សាន្តក្នុងក្លិបរាត្រីណាមួយ អ្នកអាចសង្កេតបានថា ខណៈមិត្តទាំងអស់នាំគ្នាទៅរាំកម្សាន្ត ប៉ុន្តែនាងវិញឆ្លៀតនៅកៀកកើយ និងនិយាយអំពីរៀងតូចតាចក្នុងជីវិតជាមួយអ្នក នេះជាសញ្ញានៃការចាប់អារម្មណ៍យា៉ងពិសេសរបស់នាងមកលើរូបអ្នកហើយ ។
៣-នាងហៅអ្នកឱ្យចូលលេងក្នុងផ្ទះ ខណៈយប់ជ្រៅទៅហើយ ៖ ក្រោយពីបញ្ចប់ការដើរកំសាន្តនាពេលយប់ អ្នកជូននាងទៅផ្ទះ ហើយបន្ទាប់មកក៏ហៅអ្នក អ្នកចូលលេងក្នុងផ្ទះដើម្បីញ៉ាំទឹកឬកាហ្វេ ។ បើទោះបីកាយវិកានេះអាចបកស្រាយថា នាងជាមនុស្សរាក់ទាក់ ប៉ុន្តែថា១ម៉ោងក្រោយមក ឬក្រោយពីញ៉ាំកាហ្វេរួច នាងអាចបបួលអ្នកញាំុស្រា ហើយនោះជាឱកាសមួយ ។
៤-នាងនិយាយអំពីរឿងសិច ៖ ជាទូទៅស្ត្រីកម្រហើបមាត់ បញ្ចេញការយល់ឃើញពីគំនិតរបស់ខ្លួនលើបញ្ហាសិចនេះខ្លាំងណាស់ ។ តែប្រសិននាងហ៊ាននិយាយចេញ នោះមានន័យថា ក្នុងខួរក្បាលរបស់នាងកំពុងតែមានវត្តមានបញ្ហានេះ ។
៥-ពោលពាក្យសរសើរលើចំណែកណាមួយនៃរាងកាយរបស់អ្នក ។ នាងមិននិយាយពីអាវថ្មីរបស់អ្នកបែរជានិយាយសរសើរពីដើមទ្រូងអ្នក មិននិយាយពីខោថ្មី តែបែរជានិយាយពីត្រគាករបស់អ្នកទៅវិញ ។ ទាំងអស់នេះគឺជាសញ្ញាវិជ្ជមានមួយ ដែលថានាងកំពុងចាប់អារម្មណ៍លើអ្នក ។
៦-ឱ្យរបស់ញ៉ាំដូចជាស្ករកៅស៊ូជាដើម ៖ ស្ថិតនៅក្នុងការជូនដំណើរទៅផ្ទះ នាងទាញយកស្ករកៅស៊ូពីកាបូប ហើយញាត់ក្នុងមាត់អ្នកភ្លាម រួចទើបសួរតើអ្នកចូលចិត្តញ៉ាំឬអត់ ។ យ៉ាងណាក៏ដោយពឹងលើសកម្មភាពបន្តិចរបស់នាងនេះហើយកំណត់ថា នាងចង់រួមភេទជាមួយអ្នកវាហាក់ដូចឆាប់ពេក។ ប៉ុន្តែអ្វីដែលជាឱកាសល្អ គឺនាងអាចនឹងមានអារម្មណ៍ល្អលើអ្នកក្នុងពេលដ៏ឆាប់។
៧-នាងរំលែកអាហារឱ្យអ្នក ៖ បង្ហាញនូវកិរិយាមិនរើសអើងចូលស្និទ្ធជាមួយអ្នក ។
៨-ការគយគន់បបូរមាត់ ៖ ភាគច្រើនបំផុតនៅពេលសន្ទនាគ្នា មនុស្សតែងសម្លឹងមើលមុខមើលភ្នែកគ្នាទៅវិញទៅមក ។ ផ្ទុយទៅវិញបើសិនជានាងសម្លឹងមាត់របស់អ្នកគឺអាចបញ្ជាក់បានពីចំណាប់អារម្មណ៍ ។ តែសូមចងចាំថា ករណីការសន្ទនាស្ថិតក្នុងចំណោមមនុស្សច្រើន និងមានសំឡេងខ្លាំងស្តាប់មិនសូវឮ ការសំឡឹងមើលមាត់របស់អ្នក គឺនាងគ្រាន់តែចង់នឹងថាអ្នកកំពុងនិយាយអ្វីប៉ុណ្ណោះ ៕
ចែករំលែកព័តមាននេះ