ខេត្តស្វាយរៀង ៖ បុរសជនជាតិវៀតណាមវ័យ៧៧ម្នាក់ ខ្យល់គស្លាប់នៅខាងមុខកាស៊ីណូបង្កអោយមានការភ្ញាក់ផ្អើលដល់ប្រជាពលររដ្ឋ រួចប្តឹងដល់សមត្ថកិច្ចចុះទៅធ្វើការពិនិត្យភ្លាមៗផងដែរ ។ ដោយមហាជនបានដាក់ការសង្ស័យថា ជនរងគ្រោះប្រហែលជាចាញ់ល្បែងនៅកាស៊ីណូអស់ប្រាក់ពីខ្លួនហើយមើលទៅ បានជាដើរចេញពីកាស៊ីណូមកដល់ខាងមុខកាស៊ីក្រោនក៏ដួលទាំងជំហរគាំងបេះដូងស្លាប់បែបនេះ ដែលហេតុការណ៍នេះបានកើតឡើង…
ខេត្តស្វាយរៀង ៖ បុរសជនជាតិវៀតណាមវ័យ៧៧ម្នាក់ ខ្យល់គស្លាប់នៅខាងមុខកាស៊ីណូបង្កអោយមានការភ្ញាក់ផ្អើលដល់ប្រជាពលររដ្ឋ រួចប្តឹងដល់សមត្ថកិច្ចចុះទៅធ្វើការពិនិត្យភ្លាមៗផងដែរ ។
ដោយមហាជនបានដាក់ការសង្ស័យថា ជនរងគ្រោះប្រហែលជាចាញ់ល្បែងនៅកាស៊ីណូអស់ប្រាក់ពីខ្លួនហើយមើលទៅ បានជាដើរចេញពីកាស៊ីណូមកដល់ខាងមុខកាស៊ីក្រោនក៏ដួលទាំងជំហរគាំងបេះដូងស្លាប់បែបនេះ ដែលហេតុការណ៍នេះបានកើតឡើង កាលពីវេលាម៉ោង២និង១០នាទីរសៀល ថ្ងៃទី១៦ ខែមករា ឆ្នាំ២០១៩ នៅខាងមុខកាស៊ីក្រោន ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
យោងតាមសមត្ថកិច្ចបានឲ្យដឹងថា មានប្រជាពលរដ្ឋបានរាយការណ៍មកថា មានករណីមនុស្សដួលស្លាប់ នៅខាងមុខកាស៊ីណូក្រោន មិនដឹងថា មូលហេតុអី ។ ហើយគ្រាន់តែទទួលដំណឹងភ្លាមសមត្ថកិច្ចបានចុះទៅដល់ចំណុចកើតហេតុភ្លាមៗ ដើម្បីធ្វើការពិនិត្យ ។
ប្រភពដដែលបានបន្តទៀតថា បុរសដែលស្លាប់ខាងលើឈ្មោះ តាត់ តូហា អាយុ៧៧ឆ្នាំ ជនជាតិវៀតណាម មានទីលំនៅភូមិផ្លូវលេខ៣២ ស្រុកលេខ១១ ទីក្រុងហូជីមិញ ប្រទេសវៀតណាម កាន់លិខិតឆ្លងដែនលេខ C 6301556 ។
ក្រោយពីសមត្ថកិច្ចធ្វើការពិនិត្យសាកសពដែលមានគណៈកម្មការធ្វើកោសល្យវិច្ច័យខេត្តរួមមានលោកគ្រូពេទ្យ សុខ ប៊ុនថន អនុប្រធានការិយាល័យស្រុកប្រតិបត្តិជីភូ ពិនិត្យហើយសន្និដ្ឋានថា ពិតជាស្លាប់ដោយសារខ្យល់គពិតមែន ។
ចំណែកសាកសពសមត្ថកិច្ចប្រគល់ជួនក្រុមគ្រួសារដែលមានតំណាងឈ្មោះ ង្វៀង ដាំងវ៉ាងអ្នកមកទទួលយកទៅធ្វើបុណ្យតាមប្រពៃណីនៅប្រទេសវៀតណាម នៅវេលាម៉ោង៧និង៣៦នាទីយប់ ថ្ងៃដដែលនោះ ៕
ចែករំលែកព័តមាននេះ