រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា ថៅកែឡួត៍នេសាទម្នាក់បានធ្វើការត្អូញត្អែរថា ត្រីឆ្នាំនេះមិនសម្បូរទេ ហើយដោយសារមានបទល្មើសនេសាទច្រើន ដែលជាកត្តានេះនាំឲ្យត្រីហិនហោច ការអះអាងនេះស្ថិតនៅឡូត៍នេសាទលេខ៤ សង្កាត់ព្រែកតាសេក ច្រាំងចម្រះ២ ។
សេចក្តីរាយការណ៍បានបន្តថា អ្នកយកព័ត៌មានយើងបានជួបជាមួយថៅកែនេសាទដៃម្នាក់នៅឡូត៍លេខ៤ នៅសង្កាត់ព្រែកតាសេកដោយគាត់បាននិយាយថា ត្រីឆ្នាំនេះមិនខុសអីពីឆ្នាំកន្លងទៅឡើយ មិនសូវសម្បូរទេ ។ ហើយដោយការអះអាងរបស់មន្ត្រីជលផលមួយចំនួនបាននិយាយថា ដោយឡូត៍នេសាទខ្លះមានត្រីច្រើន ហើយខ្លះក៏មានតិច ដែលកន្លងមកខាងកោះក៏បានផ្សាយព័ត៌មានឡូត៍នេសាទដែលត្រូវៗ ដែលនៅសង្កាត់ច្រាំងចម្រះ ចាប់ពីស្ពានព្រែកព្នៅមកមាន៤កន្លងនោះមិនត្រូវទេ គឺមិនខុសពីឆ្នាំកន្លងទៅប៉ុន្មានទេ ។
បើតាមការអះអាងនៅក្នុងការលើកត្រីម្តងៗ គឺត្រីមើលតាមទិដ្ឋភាពជាក់ស្តែងបានមិនដល់៥០គីឡូផង ពេលទម្លាក់ចេញពីដៃភ្លាមៗ គឺគេឃើញប្រជាពលរដ្ឋនាំគ្នាមកចោមរោមរើសត្រីប្រហែលជា២០នាក់ ក្រោយពីបានទម្លាក់ពីដៃមិនដល់៥០គីឡូផងហ្នឹង ។
អ្នកនេសាទត្រីម្នាក់បានឲ្យដឹងទៀតថា កន្លងមកគឺមានឡូត៍នេសាទខ្លះៗ ដែលជាឡូត៍នេសាទធំៗនៅតំបន់ខាងលើដូចជាព្រែកក្តាមគឺត្រូវ តែដោយឡែកតំបន់គាត់នេះមិនត្រូវឡើយ គាត់ថា ក្នុងមួយខ្នើតៗចាប់ត្រីបានតែជាង១០តោនទេ។
គាត់បានបញ្ជាក់ទៀតថា ត្រីដែលត្រូវញគឺចាប់បានតែ ថ្ងៃ៧- ៨-៩-១០ មកម្ល៉េះ ហើយចំណែកថ្ងៃនេះជាថ្ងៃ១០កើតត្រីកាន់តែខ្សត់ទៅៗ ហើយកាលដែលត្រូវនោះគឺមិនបានត្រីច្រើនប៉ុន្មានទេ ម្តងបានតែ២០០-៣០០គីឡូទេ ទោះបីជាមានទឹកធំ ឬច្រើនក៏ដោយ ។
បញ្ជាក់ ពេលដាក់ចេញពីដៃត្រីដែលធំៗ គឺត្រូវរើសទៅលក់នៅទីផ្សារ បានតម្លៃ១ម៉ឺនទៅ ហើយអ្នកដែលទិញនៅកន្លែងបានតម្លៃ៦ទៅ៧ពាន់ ៕
ចែករំលែកព័តមាននេះ