រាជធានីភ្នំពេញ ៖ ដោយអនុវត្តតាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ អធិការដ្ឋានប៉ុស្តិ៍បានបើកការស្រាវជ្រាវបង្ក្រាបករណីជួញដូរដោយខុសច្បាប់នូវសារធាតុញៀន កាលពីវេលាម៉ោង១០និង៣០នាទីថ្ងៃទី១៤ ខែមករា…
រាជធានីភ្នំពេញ ៖ ដោយអនុវត្តតាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ អធិការដ្ឋានប៉ុស្តិ៍បានបើកការស្រាវជ្រាវបង្ក្រាបករណីជួញដូរដោយខុសច្បាប់នូវសារធាតុញៀន កាលពីវេលាម៉ោង១០និង៣០នាទីថ្ងៃទី១៤ ខែមករា ឆ្នាំ២០១៩ ស្ថិតនៅចំណុចផ្លូវរថភ្លើងក្តាន់ពីរ ក្រុម៣៩ ភូមិ៣ សង្កាត់ស្រះចក។
ក្នុងការចុះបង្ក្រាបនោះ កំលាំងសមត្ថកិច្ចបានធ្វើការឃាត់ខ្លួនជនសង្ស័យម្នាក់ឈ្មោះ សៅ សុវណ្ណវិរៈ ភេទប្រុស អាយុ៣៨ឆ្នាំ មុខរបរមិនពិតប្រាកដ ស្នាក់នៅទីតាំងខាងលើ (ជាអ្នកជួញដូរគ្រឿងញៀន)។
ចំណែកវត្ថុតាងដែលសមត្ថកិច្ចចាប់យករួមមាន ក្រាមពណ៌សរថ្លាសង្ស័យជាគ្រឿងញៀនចំនួន៦កញ្ចប់ធំ, ថង់សំរាប់ច្រកគ្រឿងញៀនមួយចំនួន, ឧបករណ៍ប្រើប្រាស់មួយចំនួន, ជញ្ជីងថ្លឹងគ្រឿងញៀនចំនួនមួយ,កាំបិតដែកច្នៃចំនួនមួយ និងប្រាក់រៀលចំនួន៧៥៥០០រៀល។
កម្លាំងជំនាញខណ្ឌប៉ុសិ៍្តកំពុងសាកសួរជនសង្ស័យដើម្បីបន្តស្រាវជ្រាវរកបក្ខពួក និងក្រុមដទៃទៀត ព្រមទាំងកសាងសំណុំរឿងដើម្បីបញ្ជូនជនសង្ស័យទៅសាលាដំបូងរាជធានីភ្នំពេញអនុវត្តតាមនីតិវិធី ៕
ចែករំលែកព័តមាននេះ