រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា គិតត្រឹមវេលាម៉ោង១១និង០០ព្រឹកនេះភ្លើងបានរលត់ហើយ ដែលឆេះការ៉ាសសាំងស្ថានីយសូគីម៉ិច ស្ថិតនៅឃុំបឹងសាឡាង ខណ្ឌឬស្សីកែវ ហើយក្នុងករណីនេះបាបឆេះរថយន្តដឹងសាំងមួយគ្រឿង ម៉ូតូមួយគ្រឿង និងរោងស្ថានីយសាំងនេះផងដែរ…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា គិតត្រឹមវេលាម៉ោង១១និង០០ព្រឹកនេះភ្លើងបានរលត់ហើយ ដែលឆេះការ៉ាសសាំងស្ថានីយសូគីម៉ិច ស្ថិតនៅឃុំបឹងសាឡាង ខណ្ឌឬស្សីកែវ ហើយក្នុងករណីនេះបាបឆេះរថយន្តដឹងសាំងមួយគ្រឿង ម៉ូតូមួយគ្រឿង និងរោងស្ថានីយសាំងនេះផងដែរ ។
សេចក្តីរាយការណ៍បានបន្តថា ទាក់ទិននឹងករណីនេះខាងលើនេះ គេសង្ស័យថា មកពីរថយន្តសូគីម៉ិចមួយគ្រឿងនោះចូលចតបូមប្រេងនៅស្ថានីយខាងលើ ហើយក៏បានឆាបឆេះពេលកំពុងបូមតែម្តង ។ ស្ថានីយនេះត្រូវបានគេដឹងថា ទិញប្រេងមិនបរិសុទ្ធ ដែលមានរថយន្តប្រេងជាច្រើនគ្រឿងបានដែលមកឈប់ចតនៅចំណុចខាងលើនេះគឺបូមប្រេងលក់ឲ្យស្ថានីយប្រេងខាងលើនេះ ហើយមានរោងមួយសម្រាប់ឲ្យរថយន្តស៊ីតែនប្រេងចូលបូមប្រេងជាលក្ខណៈសំងាត់ ។
ក្នុងហេតុការណ៍នេះមានរថយន្តទៅជួយអន្តរាគមន៍២១គ្រឿង និងសមត្ថកិច្ចកំពុងជួយគ្នា ផងដែរត្បិតតែវាបានរលត់ទៅហើយក្តី តែក្នុងករណីនេះមិនបណ្តាលឲ្យមនុស្សរងរបួសឡើយ ។
បើតាមព័ត៌មានពីនគរបាលដែលម្ចាស់ស្ថានីយបានប្រាប់ថា មូលហេតុមកពីឆ្លងចរន្តពីរថយន្ត បូមប្រេងនោះមិនបានពន្លត់រថយន្ត ហើយក៏បានឆេះខណៈកំពុងតែបូមតែម្តង ៕
ចែករំលែកព័តមាននេះ