ខេត្តបាត់ដំបង ៖ អ្វីជាផែនការ អ្វីជាការប្តេជ្ញាចិត្ត ? នេះជាសំនួរក្នុងដំណើរទស្សនកិច្ចសិក្សាពង្រឹងអង្គភាពរឹងមាំលើគ្រប់វិស័យដល់កងយោធពលខេមរភូមិន្ទដែលដឹកនាំដោយលោកឧត្តមសេនីយ៍ឯក ជា សារ៉ន មេបញ្ជាការរង នាយសេនាធិការកងទ័ពជើងគោក…
ខេត្តបាត់ដំបង ៖ អ្វីជាផែនការ អ្វីជាការប្តេជ្ញាចិត្ត ? នេះជាសំនួរក្នុងដំណើរទស្សនកិច្ចសិក្សាពង្រឹងអង្គភាពរឹងមាំលើគ្រប់វិស័យដល់កងយោធពលខេមរភូមិន្ទដែលដឹកនាំដោយលោកឧត្តមសេនីយ៍ឯក ជា សារ៉ន មេបញ្ជាការរង នាយសេនាធិការកងទ័ពជើងគោក ។
ដោយបានដាក់សំនួរបន្ថែមដល់កងទ័ពនៅតាមព្រំដែនត្រូវប្រកាន់ភ្ជាប់នូវជំហរស្មោះត្រង់ស្នេហាជាតិបម្រើប្រជាពលរដ្ឋ និងរក្សាវិន័យ សេចក្តីថ្លៃថ្នូរ បង្កើនសមត្ថភាព គុណភាព ការគ្រប់គ្រង ដឹកនាំបញ្ជាប្រកបដោយចេរភាព ដែលជាកត្តាឈានមុខសំដៅពង្រឹងបានការ រួមចំណែកអភិវឌ្ឍន៍សង្គមជាតិដល់វរសេនាតូចលេខ៥១៣ ចំណុះកងពលលេខ៥១ និងវរសេនាតូចលេខ៥៣៣ ចំណុះឲ្យកងពលលេខ៥៣ វេលាពេញ១នៅខេត្តបន្ទាយមានជ័យ និងខេត្តបាត់ដំបង នាថ្ងៃទី០៨ ខែមករា ឆ្នាំ២០១៩ ។
អមដំណើរដោយលោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ ចូលរួមពីលោកសួន បវរ អភិបាលខេត្តបន្ទាយមានជ័យ និងលោកហឿង សុគន្ធ អភិបាលរងខេត្តបាត់ដំបងព្រមទាំងស្នងការរងអាវុធហត្ថ អធិការស្រុកបានមកចូលរួម ។
នៅក្នុងសកម្មភាពជួបសំណេះសំណាលកងទ័ពនៅកងវរសេនាតូចលេខ៥១៣ លោកឧត្តមសេនីយ៍ឯក ប៊ុន សេង និងលោក សួន បវរ អភិបាលខេត្តបន្ទាយមានជ័យបានប្រគល់ផ្ទះស្នាក់នៅក្នុងបន្ទាយជូនដល់គ្រួសារកងទ័ព០១ខ្នង តំណាង១៨ខ្នង ដែលបានធ្វើរួចក្នុងគំរោង៨៣ខ្នង ដែលជាអំណោយរបស់លោកឧត្តមសេនីយ៍ឯក ហ៊ុន ម៉ាណែត មេបញ្ជាការកងទ័ពជើងគោក ។
បន្ទាប់មកប្រតិភូបានទស្សនៈកិច្ចសិក្សាបានធ្វើការពិនិត្យទីតាំងកន្លែងធ្វើការងារថ្នាក់កងវរសេនាតូចទាំងពីរលើការងារ ចិញ្ចឹមសត្វគោ ត្រី មាន់ ទា ផ្ទះបាយ ការដាំដំណាំ បន្លែគ្រប់មុខ ផ្នែករោងជាង និងភាពរីកចម្រើនក្នុងការគ្រប់គ្រងដឹកនាំបញ្ជា និងការធានាជីវភាពរស់នៅរបស់កងទ័ព បានសមរម្យ ជាងនេះទៅទៀតកងវរសេនាតូចបានចូលជ្រៅលើការងារកសាង អង្គភាពពិសេសការកសាងផ្ទះបាយគំរូថ្នាក់វរសេនាតូចនឹងស្វែងយល់រាល់បទពិសោធន៍ការគ្រប់គ្រងកម្លាំងកងទ័ព ការថែរក្សា សុខមាលភាព ការងារធានាហូបចុកប្រចាំថ្ងៃអោយកងទ័ព បានសមរម្យ ព្រមជាមួយនឹងការធ្វើបទបង្ហា្ញញដែលមានលក្ខណៈ៤ចំណុចរបៀបរបបធ្វើការងារ គ្រប់គ្រង ចំនួនទ័ពការងារប្រយុទ្ធត្រៀមប្រយុទ្ធការងារ ហ្វឹកហ្វឹនរៀនសូត្រលើកកម្ពស់សមត្ថភាព ការយល់ដឹង លើគ្រប់វិស័យ ស្របតាមការណែនាំពីថ្នាក់យោធភូមិភាគ បានដាក់ចេញតាមទិសដៅឲ្យអនុវត្តន៍កន្លងមក ៕
ចែករំលែកព័តមាននេះ