រាជធានីភ្នំពេញ ៖ កម្ពុជា និងវៀតណាមបានប្តេជ្ញារួមគ្នាលុបបំបាត់អំពើពុករលួយក្នុងប្រទេសនិងកិច្ចសហប្រតិបត្តិការណ៍ទ្វេភាគីរវាងគណបក្ស និងគណបក្ស ។ នេះបើតាមមន្ត្រីជាន់ខ្ពស់គណបក្សកុម្មុនីស្តវៀតណាម និងមន្ត្រីជាន់ខ្ពស់គណបក្សប្រជាជនកម្ពុជា ។ លោកកែវ…
រាជធានីភ្នំពេញ ៖ កម្ពុជា និងវៀតណាមបានប្តេជ្ញារួមគ្នាលុបបំបាត់អំពើពុករលួយក្នុងប្រទេសនិងកិច្ចសហប្រតិបត្តិការណ៍ទ្វេភាគីរវាងគណបក្ស និងគណបក្ស ។
នេះបើតាមមន្ត្រីជាន់ខ្ពស់គណបក្សកុម្មុនីស្តវៀតណាម និងមន្ត្រីជាន់ខ្ពស់គណបក្សប្រជាជនកម្ពុជា ។
លោកកែវ ពិសិដ្ឋ អ្នកនាំនាយកខុទ្ទកាល័យ និងជាអ្នកនាំពាក្យ សម្តេច ហេង សំរិន ប្រធានរដ្ឋសភាបានឲ្យដឹងក្រោមជំនួបពិភាក្សារវាងសម្តេច ហេង សំរិន ប្រធានរដ្ឋសភា ជាមួយលោក ត្រឹង កឹមទូ (Tran Kam Tu លេខាធិការមជ្ឈិមបក្ស និងជាប្រធានគណៈកម្មាធិការត្រួតពិនិត្យ មជ្ឈិមបក្សកុម្មុយនីស្តវៀតណាម នាព្រឹកថ្ងៃទី១០ មករា នៅវិមានរដ្ឋសភាថា ក្នុងជំនួ បពិភាក្សា លោកត្រឹង កឹម ទូ បានឲ្យដឹងថា ក្នុងជំណើរទស្សនៈកិច្ចនៅកម្ពុជា ដើម្បីរឹតចំណងកិច្ចសហប្រតិបត្តិការជាមួយគណៈកម្មាធិការកណ្តាលគណបក្សប្រជាជនកម្ពុជា ។
លោកបន្តថា ហើយកាលពីថ្ងៃទី៩ មករា គណៈប្រតិភូក៏បានជួបពិភាក្សាទ្វេភាគីរវាងគណៈកម្មការមជ្ឈិមបក្សកុម្មុនីស្តវៀតណាម និងគណៈកម្មការត្រួតពិនិត្យគណបក្សប្រជាជនកម្ពុជា ហើយបានជជែកគ្នាស្តីអំពីការធ្វើកិច្ចសហប្រតិបត្តិការរវាងគណៈកម្មការត្រួតពិនិត្យគណបក្សទាំងពីរ និងបន្តការផ្លាស់ប្តូរយោបល់ និងបទពិសោធន៍រវាងគ្នាទៅទៅវិញទៅមក ។ លោកបញ្ជាក់ថា «ក្នុងជំនួបនោះភាគីទាំងពីរក៏បានពិភាក្សា និងកំណត់ទិសដៅប្តេជ្ញារួមគ្នាប្រយុទ្ធប្រឆាំងអំពើពុក រលួយ និងកិច្ចសហប្រតិបត្តិការរវាងគណបក្សប្រជាជនកម្ពុជា និងគណបក្សកុម្មុនីស្តវៀតណាមផងដែរ» ។
លោកបន្ថែមថា ទោះបីជាសភាពការណ៍នៅលើពិភពលោកកំពុងតែប្រែប្រួលយ៉ាងណាក្តីលោកក៏បានបង្ហាញជំនឿមុតមាំចំពោះចំណងមិត្តភាពប្រពៃណីកម្ពុជា និងវៀតណាមគ្មានការ ផ្លាស់ប្តូរផ្ទុយទៅវិញ គឺកាន់តែរឹតចំណងមិត្តភាពក្នុងការថែរក្សាសន្តិសុខ និងសន្តិភាព និងការ អភិវឌ្ឍន៍ប្រទេសទាំងសងខាង ។ លោកបានថ្លែងអំណរគុណកម្ពុជាដែលតែងតែគាំទ្រដល់បក្សកុម្មុនីស្តរៀតណាមតាំងពីរដើមរហូតមកដល់សព្វថ្ងៃនេះ ។
លោកក៏បានប្តេជ្ញាធ្វើទំនាក់ទំនងកិច្ចសហប្រតិបត្តិការណ៍ពូនជ្រុំជាប្រពៃណីរវាងកម្ពុជាវៀតណាម ឲ្យកាន់តែរឹងមាំខ្លាំខ្លាបន្ថែមទៀត ដែលទាំងនេះជាទ្រព្យសម្បត្តិដ៏មានតម្លៃរបស់ប្រជាជនកម្ពុជា ដើម្បីថែរក្សាសុខសន្តិភាព និងការអភិវឌ្ឍន៍ប្រទេសទាំងពីរ ។
ក្នុងឱកាសនោះ សម្តេចប្រធានរដ្ឋសភាបានលើកឡើងថា កាលពីថ្ងៃអាទិត្យកន្លងទៅពោល គឺនៅថ្ងៃទី៧ ខែមករា ឆ្នាំ២០១៩ កម្ពុជាបានរៀបចំពិធីអបអរសាទរខួបទី៤០ ថ្ងៃជ័យជម្នះ៧មករា (៧ មករា ១៩៧៩-៧ មករា ២០១៩) យ៉ាងអធិកអធម ។ សម្តេចបានគូសបញ្ជាក់ថា ៧ មករា ឆ្នាំ១៩៧៩ ត្រូវបានប្រជាពលរដ្ឋកម្ពុជាចាត់ទុកថា ជាថ្ងៃកំណើតទី២ ជាសករាជថ្មី ដែលនាំឲ្យកម្ពុជាបានស្គាល់សុខសន្តិភាព និងការអភិវឌ្ឍដូចសព្វថ្ងៃនេះ ។
សម្តេចប្រធានរដ្ឋសភាបានថ្លែងអំណរគុណចំពោះបក្សកម្មុយនីស្តវៀតណាមប្រជាជន និងកងទ័ពស្ម័គ្រចិត្តវៀតណាមដែលបានរួមចំណែកយ៉ាងធំធេងក្នុងការជួយរំដោះប្រជាជនកម្ពុជា ឲ្យរួចផុតពីរបបប្រល័យពូជសាសន៍ប៉ុលពត នៅថ្ងៃទី៧ ខែមករា ឆ្នាំ១៩៧៩ ។ សម្តេច ហេង សំរិន បានគូសបញ្ជាក់ថា រយៈពេល៤០ឆ្នាំមកនេះកម្ពុជាបានខិតខំយ៉ាងលំបាកក្នុងការស្តា កសាង និងអភិវឌ្ឍប្រទេសជាតិ ឱ្យមានការរីកចម្រើនដូចពេលបច្ចុប្បន្ន ដោយមានការជួយឧបត្ថម្ភគាំទ្រពីមិត្តភក្តិ ប្រទេសជាមិត្តជិតឆ្ងាយ ជាពិសេស គឺរដ្ឋាភិបាល និងប្រជាជនវៀតណាម ។ ជាមួយគ្នានោះដែរលោក ត្រឹង កឹមទូ បានសម្តែងការអបអរសាទរចំពោះការអភិវឌ្ឍរបស់កម្ពុជាលើគ្រប់វិស័យ ៕
ចែករំលែកព័តមាននេះ