ខេត្តក្រចេះ៖ សេចក្តីរាយការណ៍ឱ្យដឹងថា យុវជនម្នាក់ត្រូវបានឃាត់ខ្លួនភ្លាមៗ ក្រោយយកកាំបិតផ្គាក់កាប់ទៅលើបុរសម្នាក់បណ្តាលឱ្យរងរបួសធ្ងន់ធ្ងរ ដោយសារតែខឹងគេផឹកស៊ីនិយាយស្រែកឭៗខ្លាំងពេក ដែលធ្វើឱ្យរំខានដល់រូបគេដែលមានផ្ទះនៅក្បែរគ្នានោះ ។ ការឃាត់ខ្លួន ធ្វើឡើងកាលពីយប់ថ្ងៃទី៩ មករា (ក្រោយបង្កភ្លាម) ស្ថិតនៅក្នុងភូមិក្បាលស្នួល ឃុំស្នួល ស្រុកស្នួល ខេត្តក្រចេះ ។
សេចក្តីរាយការណ៍បន្តថា ជនសង្ស័យខាងលើ ឈ្មោះ ភី ពេជ្រ អាយុ២៥ឆ្នាំ រីឯជនរងគ្រោះ មិនទាន់ស្គាល់ឈ្មោះ ដោយបានរបួសដាច់រយះស្ទើរដាច់ដៃម្ខាងក្នុងពេលយកដៃទៅរង ។
ប្រភពបន្តថា នៅមុនពេលកើតហេតុ ជនរងគ្រោះគឺកំពុងអង្គុយផឹកស៊ីជាមួយគ្នីគ្នាដែលជាអ្នកក្បែរផ្ទះ ។ ពេលនោះ ក៏ឃើញជនដៃដល់ដើរកាន់កាំបិតចេញពីផ្ទះ សំដៅទៅរកកន្លែងវង់ផឹក រួចកាប់ទៅលើជនរងគ្រោះយ៉ាងដំណំតែម្តង ធ្វើឱ្យអ្នកផឹកស៊ីក្នុងវង់បានរត់ប្រសាចចែកជើងគ្នា ។
បើតាមនគរបាលស្រុកស្នួលបានឱ្យដឹងថា មូលហេតុដែលជនសង្ស័យប្រើហិង្សាកាប់បែបនេះ ក៏ព្រោះតែខឹងជនរងគ្រោះផឹកស៊ីស្រែកឡូឡាខ្លាំងជាងគេដែលធ្វើឱ្យថ្លង់ ។
ចែករំលែកព័តមាននេះ