ជាធម្មតានៅក្នុងពិធីប្រកាសរង្វាន់ នីមួយៗរមែងមានឈុតឆាកនៃការបង្ហាញម៉ូដនានាគួរឲ្យគយគន់ ។
ជាក់ស្ដែងការប្រកាសរង្វាន់អឌ្ឍគោលមាសប្រចាំឆ្នាំ២០១៩ (Golden Globes 2019) លើកទី៧៦កាលពីល្ងាចថ្ងៃទី៦ មករា នៅសហរដ្ឋអាមេរិកប្រជុំដោយតារាម៉ូដ និងតារាសម្តែងហូលីវូដជាច្រើនរូបចូលរួម ។
បេក្ខនារីគ្រប់រូបស្ថិតក្នុងឈុតដ៏សិចសុី និងមានស្លាកយីហោល្បីៗ ។ ខាងក្រោមនេះជាតារាចំនួន១០នាក់បានបង្ហាញភាពឆើតឆាយរបស់ខ្លួននៅក្នុងវេទិកាកម្រាលព្រំនៃការប្រកាសរង្វាន់រួមមាន ៖
១-នាងឡេឌី ហ្គាហ្គា
ស្ថិតនៅក្នុងឈុត Dress ដៃវែងមកពីក្រុមហ៊ុន«Valentino» ។
២-នាងដាកូតា ហ្វាននីង
ជាតារាសម្តែងរំលេចដោយឈុតពណ៌ទឹកប្រាក់របស់ក្រុមហ៊ុន«Armani Prive» ។
៣-នាងអាន ហាតថាវ៉េ
ជាតារាសម្តែងដ៏ស្រស់ស្អាត ស្ថិតក្នុងឈុតមានក្បូរក្បាច់រចនាជារូបសត្វរបស់ក្រុមហ៊ុន«Elie Saab» ។
៤-នាងសាអើស រ៉ូណាន់
ស្ថិតក្នុងឈុតឆើតឆាយរបស់ក្រុមហ៊ុន«Gucci» ។
៥-នាងលីលី រីនហាត
ជាតារាសម្តែងនៅក្នុងឈុតពណ៌ក្រហម មកពី«Khyeli» ។
៦-នាងជេមម៉ា ចាន
ស្ថិតក្នុងឈុតពណ៌ខៀវដោយនៅផ្នែកខាងចុងឈុតមានភាពឡូយឆាយ ។
៧-នាងលូពីតា នីយ៉ុងហ្គោ
ជានារីស្បែកខ្មៅមួយរូបស្ថិតក្នុងឈុតប៉ានលើទ្រូងពណ៌ខៀវ របស់ក្រុមហ៊ុន«Calvin Klein» ។
៨-នាងប៉េណេឡូប៉េ គ្រូស
ក្នុងឆ្នាំ២០១៤ ជាម្ចាស់ជើងឯកនារីដ៏សិចសុី ប៉ុន្តែបច្ចុប្បន្នប្រាកដជាមិនធ្វើឲ្យទស្សនិកជនខកបំណង ព្រោះស្ថិតក្នុងឈុតដ៏សិចសុីខ្មៅរលើបរលោង ។
៩-នាងជូលីយ៉ា រ៉ូប៊ើត
ជាតារាសម្តែងនៅក្នុងភាពយន្តផ្នែកមនោសញ្ចេតនាក្នុងឈុតខ្មៅសក្ដិសមនឹងអាវវាលក ។
១០-នាងរ៉ូសាម៉ាន់ ភីក
ជាតារាសម្តែងល្បីក្នុងរឿង«Gone Girl» និង«Private War» សក្ដិសមនឹងអាវគ្របស្មាពណ៌ទឹកប្រាក់ ៕
ចែករំលែកព័តមាននេះ