សម្តេច​តេ​ជោ​ស្តីបន្ទោស​ឲ្យ​មេ​សហជីព​មួយ​ដែល​ដឹកនាំ​ធ្វើ​បាតុកម្ម​ទាំង​មិនដឹង​ពី​គោលការណ៍


រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​ស្តីបន្ទោស​ដល់​មេ​សហជីព ម្នាក់​ដែល​បាន​ដឹកនាំ​កម្មករ​ធ្វើ​បាតុកម្ម​ទាំង​មិន​យល់​គោលនយោបាយ​របស់​គណបក្ស​ប្រជាជន​កម្ពុជា ។

ការ​លើក​ឡើង​របស់​សម្តេច​តេ​ជោ ហ៊ុន សែន បន្ទាប់​ពី​មាន​មេ​សហជីព​មួយ​បាន​ដឹកនាំ​កម្មករ​ធ្វើ​បាតុកម្ម កាល​ពេល​កន្លង​មកនេះ​រហូត​ហែ​ក្បូន​ទៅ​អន្តរាគមន៍​ពី​រដ្ឋមន្ត្រីក្រសួង​ការងារ និង​បណ្តុះបណ្តាល​វិជ្ជាជីវៈ​នៅ​ក្រសួង​ការងារ​ទៀត​ផង ។ ក្នុង​ជំ​ជួប​សំណេះសំណាល​ជាមួយ​បងប្អូន​កម្មករ​កម្មការិនី​ប្រមាណ​១៨,២៧៣​នាក់ មក​ពី​រោងចក្រ​សហគ្រាស​ចំនួន​១២​ដែល​ជំនួប​នេះ​ធ្វើ​ឡើង នៅ​ភូមិ​ចម​ពល ឃុំ​ពពេល ស្រុក​ត្រាំកក់ ខេត្តតាកែវ​នា​ព្រឹក​ថ្ងៃ​ទី​៩ មក​រា ឆ្នាំ​២០១៩ ទោះបី​មិន​លើ​ចំ​ឈ្មោះ​ក្តី​សម្តេច​បាន​ស្តីបន្ទោស​ដល់​មេ​សហជីព​ដែល​គាំទ្រ​គណបក្ស​ប្រជាជន​កម្ពុជា​បែរជា​ដឹកនាំ​កម្មករ​ធ្វើ​បាតុកម្ម​ទៅ​វិញ ។

សម្តេច​បន្ត​ថា មេ​សហជីព​ម្នាក់​នឹង​ក៏​ជា​មេ​សហជីព​គាំទ្រ​គណបក្ស​ប្រជាជន​កម្ពុជា ប៉ុន្តែ​បែ​ជា​មិន​យល់​គោលការណ៍​របស់​គណបក្ស​ក្នុង​ការ​ជួយ​កម្មករ​ទៅ​វិញ ។ សម្តេច​បញ្ជាក់​ថា «​នេះ​ហើយ​ជា​ចំណុច​ដែល​ខ្ញុំ​ចង់​អំពាវនាវ ព្រោះ​ខ្ញុំ​ឮ​សូរ​រឿង​នេះ​ប៉ុន្មាន​ថ្ងៃ​មក​ហើយ​ធ្វើ​បាតុកម្ម ហើយ​អ្នកដឹកនាំ​ធ្វើ​បាតុកម្ម​នោះ គឺជា​សហជីព​គាំទ្រ​គណបក្ស​ប្រជាជន​កម្ពុជា​ទៅ​ទៀត​អីចឹង ។

តើ​អ្នក​ណា​គេ​លោក​ឯង​នឹង​មែន ! អី​ញ្ចឹ​ង​វា​នៅ​ជាមួយ​គណបក្ស​ប្រជាជន​វា​អត់​យល់​កិច្ចការ​អ្វី​ទេ​អី0x017d7 » ។ យ៉ាងណា​ក្តី​សម្តេច​បាន​ក៏​បាន​អំពាវនាវ​ដល់​កម្មករ​ទាំងអស់​ថា បើសិនជា​មេ​សហជីព​ណា​ក៏​ដោយ​ដឹកនាំ​មិន​ត្រឹមត្រូវ​កុំទៅ​ធ្វើ​តាម​អី ព្រោះ​ខូចប្រយោជន៍​ផ្ទាល់ខ្លួន​ឲ្យ​សោះ ។
ការ​លើក​ឡើង​របស់​ប្រមុខ​រាជរដ្ឋាភិបាល​នេះ​បន្ទាប់​ពី​សម្តេច​បាន​លើក​ឡើង​ថា ស្ថិត​ក្នុង​ក្រប​ខណ្ឌ​ពាណិជ្ជកម្ម​សេរី​បណ្តា​ប្រទេស​មួយ​ចំនួន​បាន​នាំ​ទំនិញ​មក​កម្ពុជា​ថយ​ពន្ធ ហើយ​កម្ពុជា​ក៏​នាំ​ចូល​ទំនិញ​ទៅ​គេ​វិញ​ថយ​ពន្ធ​ប៉ុណ្ណឹង​ដូច​គ្នា​ផង​ដែរ ។

សម្តេច​បន្ត​ថា រៀង​រាល់​ឆ្នាំ​កម្ពុជា​បាន​កាត់​បន្ថយ​ពន្ធគយ​ពិត​ហើយ​ការ​កាត់​បន្ថយ​ពន្ធគយ​នៅ​តាម​ក្រប​ខណ្ឌ​របស់​អាស៊ាន និង​ក្រប​ខណ្ឌ​សេរី​ជាមួយ​ប្រទេស​ដទៃ​មិន​បាន​ធ្វើ​ឲ្យ​ប្រាក់​ចំណូល​ពន្ធគយ​កម្ពុជា​ថយ​នោះ​ទេ ផ្ទុយ​ទៅ​វិញ​ពន្ធគយ​កម្ពុជា​មានការ​កើនឡើង​ទៅ​វិញ ។

សូម​ជម្រាប​ថា កាលពី​ថ្មី​ៗ​កន្លង​មកនេះ​ក្រុម​កម្មករ​-​កម្មការិនី បម្រើ​ការងារ​នៅ​រោងចក្រ​ប្រេ​ស្ទិ​ច​ហ្គា​មេន​ជា​ច្រើន​រយ​នាក់ ស្ថិត​នៅ​ភូមិ​ជី​មៅ ឃុំ​ត្បែង ស្រុក​កណ្ដាលស្ទឹង ខេត្តកណ្ដាល បាន​លើកគ្នា​មក​ក្រសួង​ការងារ​ក្នុង​គោលបំណង​ឲ្យ​លោក អ៊ិ​ត សំ​ហេង រដ្ឋមន្ត្រីក្រសួង​ការងារ និង​បណ្តុះបណ្តាល​វិជ្ជាជីវៈ​ជួយ​ដោះស្រាយ​ឲ្យ ក្រោយ​ធ្វើ​បាតុកម្ម​ជិត​១០​ថ្ងៃ​មកនេះ​គ្មាន​ដំណោះស្រាយ​ពី​ថៅកែ ។

ការ​លើកគ្នា​មកនេះ​បន្ទាប់​ពី​កាលពី​ថ្ងៃ​ទី​២៤ ខែធ្នូ ឆ្នាំ​២០១៨ កម្មករ​-​កម្មការិនី​រោងចក្រ ប្រេ​ស្ទិ​ច​ហ្គា​មេន​បាន​នាំ​គ្នា​ធ្វើ​កូដកម្ម​មុខ​រោងចក្រ ដើម្បី​ទាមទារ​ឲ្យ​ថៅកែ​ទទួលយក​ថ្នាក់ដឹកនាំ​សហជីព ដែល​ជា​តំណាង​ពួក​គេ​ចូល​ធ្វើការ​វិញ​បន្ទាប់​ពី​បញ្ឈប់​ការងារ​នា​ពេល​កន្លង​មក និង​ទាមទារ​លក្ខខណ្ឌ​ការងារ​មួយ​ចំនួន​ទៀត ។ ក្រោយមក​កម្មករ​ក៏​បាន​នាំ​គ្នា​មក​សុំ​កិច្ច​អន្តរាគមន៍​ពី​លោក អ៊ិ​ត សំ​ហេង រដ្ឋមន្ត្រី​ការងារ​ផង​ដែរ តែ​គ្មាន​លទ្ធផល ។

លោក ប៉ាវ ស៊ី​ណា ប្រធាន​សហជីព​ចលនា​កម្មករ​កម្ពុជា​បាន​ថ្លែង​ថា ក្រោយ​កម្មករ​មក​ដល់​មុខក្រសួង​មាន​តំណាង​ក្រសួង​មក​ជួប​ក្រុម​កម្មករ​ដោយ​សន្យា​ថា នឹង​ចុះ​ទៅ​ដោះស្រាយ​ក្នុង​ពេល​ឆាប់​ៗ​ខាង​មុខ​នេះ ។ ប៉ុន្តែ​លោក​ក៏​បាន​ស្នើ​ឲ្យ​ក្រសួង​ការងារ​ព​ន្លឿ​ន​ការ​ដោះស្រាយ​ឲ្យ​កម្មករ​ព្រោះ​កម្មករ​បាន​ដាក់​លិខិតស្នើ​សុំ​ជួយ​អន្តរាគមន៍​តាំងពី​ស​ប្តា​ហ៍​មុន​មក​ម្ល៉េះ ។ លោក​ថា ករណី​កម្មករ​តវ៉ា​នេះ​ពាក់ព័ន្ធ​ទៅ​នឹង​ផ្លូវច្បាប់​សុទ្ធសាធ​គ្មាន​ជាប់​ពាក់ព័ន្ធ​នឹង​បុគ្គល​ណា​នោះ​ទេ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ