ខេត្តស្វាយរៀង ៖ គ្រោះថ្នាក់ចរាចរណ៍មួយបានកើតឡើងបណ្តាលឱ្យមនុស្ស២នាក់បានស្លាប់នៅហ្នឹងកន្លែងកើតហេតុ និងមនុស្ស៤នាក់ផ្សេងទៀតបានរងរបួសធ្ងន់នៅក្នុងករណីគ្រោះថ្នាក់ចរាចរណ៍មួយបានកើតឡើងនៅថ្ងៃទី៦ ខែមករា ឆ្នាំ២០១៩ វេលាម៉ោង០៣និង២៥នាទីទៀបភ្លឺនៅចន្លោះគីឡូម៉ែត្រលេខ ១៥៩-១៦០ ស្ថិតក្នុងភូមិតាបឹបសង្កាត់បាវិត ក្រុងបាវិតខេត្តស្វាយរៀង…
ខេត្តស្វាយរៀង ៖ គ្រោះថ្នាក់ចរាចរណ៍មួយបានកើតឡើងបណ្តាលឱ្យមនុស្ស២នាក់បានស្លាប់នៅហ្នឹងកន្លែងកើតហេតុ និងមនុស្ស៤នាក់ផ្សេងទៀតបានរងរបួសធ្ងន់នៅក្នុងករណីគ្រោះថ្នាក់ចរាចរណ៍មួយបានកើតឡើងនៅថ្ងៃទី៦ ខែមករា ឆ្នាំ២០១៩ វេលាម៉ោង០៣និង២៥នាទីទៀបភ្លឺនៅចន្លោះគីឡូម៉ែត្រលេខ ១៥៩-១៦០ ស្ថិតក្នុងភូមិតាបឹបសង្កាត់បាវិត ក្រុងបាវិតខេត្តស្វាយរៀង ។
សមត្ថកិច្ចបានឱ្យដឹងថា មុនពេលកើតហេតុមានរថយន្ត១គ្រឿងម៉ាកឡិចស៊ីស RX-330 ពណ៌ទឹកមាស គ្មានផ្លាកលេខ បើកបរដោយឈ្មោះ សៀង បូរ៉ា ភេទប្រុស អាយុ២៥ឆ្នាំ ជនជាតិខ្មែរមុខរបរលក់ដូររស់នៅ ភូមិតារាងបាល់សង្កាត់គយត្របែក ក្រុង-ខេត្តស្វាយរៀង បានបើករថយន្តខាងលើក្នុងទិសដៅពីលិចទៅកើត ។
លុះមកដល់ចំណុចកើតហេតុខាងលើបានបុកប៉ះនឹងធុងសាំងគំនរដីដែលការដ្ឋានកំពុងសាងសង់ស្ពានរួចក៏ជ្រុលចង្កូតទៅបុករថយន្ត០១គ្រឿងទៀតដែលធ្វើដំណើរបញ្ច្រាសទិសគ្នាពីកើតទៅលិច ម៉ាកហ៊ីយ៉ាន់ដាយ ពណ៌ស ពាក់ផ្លាកលេខ ភ្នំពេញ 3B-2272 បើកបរដោយឈ្មោះ ស៊ីណាផានិត ភេទប្រុស អាយុ៣៧ឆ្នាំ ជនជាតិខ្មែរមុខរបរបើកបររថយន្តរស់នៅភូមិតាព្រហ្មសង្កាត់ព្រែកឯង ក្រុងច្បារអំពៅ រាជធានីភ្នំពេញ(ស្លាប់នៅកន្លែងកើតហេតុ) ។
ប្រភពខាងលើបានឱ្យដឹងទៀតថា អ្នករងរបួសធ្ងន់ទាំង៤នាក់រួមមានទី១-ឈ្មោះ អ៊ំសាវាក់(ហៅ សៅ) ភេទប្រុស អាយុ២៨ឆ្នាំ ជនជាតិខ្មែរ មុខរបរលក់ដូរ រស់នៅភូមិសង្កាត់ជាមួយគ្នា(ស្លាប់នៅកន្លែងកើតហេតុ), ទី២-ឈ្មោះ ប៉ាង បូរិន ភេទប្រុស អាយុ៣៧ឆ្នាំ ជនជាតិខ្មែរ រស់នៅភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ (រងរបួសធ្ងន់)និង០២នាក់ទៀតមិនទាន់ស្គាល់អត្តសញ្ញាណ(រងរបួសធ្ងន់) ។
បច្ចុប្បន្នសពទាំង០២នាក់ បានសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីខ្មែរ និងអ្នករងរបួសបាលបញ្ជូនទៅព្យាបាលនៅមន្ទីរពេទ្យ ពន្លឺ បូព៌ា និងពេទ្យខេត្តស្វាយរៀង ។
មូលហេតុ អ្នកបើកបររថយន្តឡិចស៊ីស RX-330 ប្រើប្រាស់ល្បឿនលឿន ។ ចំពោះមធ្យោបាយទាំង០២គ្រឿងខូចខាតធ្ងន់ទាំង០២គ្រឿងត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលក្រុងបាវិតដើម្បីបំពេញសំណុំរឿងតាមនីតិវិធីច្បាប់ ៕
ចែករំលែកព័តមាននេះ