ខេត្តកំពង់ស្ពឺ ៖ ក្មេងស្រីវ័យជំទង់ម្នាក់ បានរងនូវការចាប់រំលោភសេពសន្ថវៈពីសំណាក់ជនល្មោភកាមដែលជាជាងធ្វើផ្ទះឱ្យម្តាយនាងមួយយប់ ដល់ទៅ២ដង ។ អ្វីដែលជារឿងនឹកស្មានមិនដល់នោះ គឺទាំងម្តាយនិងកូនស្រីសម្រាកនៅលើផ្ទះតែមួយ គ្រាន់តែក្នុងនិងក្រៅប៉ុណ្ណោះ ។…
ខេត្តកំពង់ស្ពឺ ៖ ក្មេងស្រីវ័យជំទង់ម្នាក់ បានរងនូវការចាប់រំលោភសេពសន្ថវៈពីសំណាក់ជនល្មោភកាមដែលជាជាងធ្វើផ្ទះឱ្យម្តាយនាងមួយយប់ ដល់ទៅ២ដង ។ អ្វីដែលជារឿងនឹកស្មានមិនដល់នោះ គឺទាំងម្តាយនិងកូនស្រីសម្រាកនៅលើផ្ទះតែមួយ គ្រាន់តែក្នុងនិងក្រៅប៉ុណ្ណោះ ។
ទោះជាយ៉ាងណា ក្រោយកើតហេតុភ្លាម ជនល្មោភកាមត្រូវបានសមត្ថកិច្ចឃាត់ខ្លួនបន្ទាប់ពីម្តាយក្មេងស្រីរងគ្រោះដឹងរឿងដ៏ស្មោកគ្រោកនេះ ។ ករណីចាប់រំលោភនេះ កើតឡើងកាលពីវេលាម៉ោង១០ និង៣០នាទីយប់ថ្ងៃទី២ មករា ឆ្នាំ២០១៩ នៅឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ ។
ជនគម្រក់នោះ ឈ្មោះ ស៊ូ ហ៊ី អាយុ៣៥ឆ្នាំ រស់នៅក្នុងឃុំជុំពូព្រឹក ស្រុកឧដុង្គ ខេត្តកំពង់ស្ពឺ បច្ចុប្បន្ន ស្នាក់នៅឃុំកើតហេតុខាងលើ ដើម្បីធ្វើផ្ទះឱ្យឈ្មោះ សឿន ឃា ម្ដាយក្មេងស្រីរងគ្រោះ។ ចំណែកក្មេងស្រីរងគ្រោះអាយុ១៧ឆ្នាំ ។មន្ត្រីនគរបាលស្រុកឱរ៉ាល់បានឱ្យដឹងថា ជនគម្រក់នោះជាជាងមកធ្វើផ្ទះឱ្យម្តាយក្មេងស្រីរងគ្រោះ។ មុនពេលកើតហេតុ នាងរងគ្រោះបានដេកនៅនឹងរានហាលខាងមុខផ្ទះម្នាក់ឯង ចំណែកម្តាយនាងសម្រាន្តនៅខាងក្នុងផ្ទះ ។
ប្រភពបានបន្តថា ពេលនោះជនល្មោភកាម ឃើញឱកាសល្អក៏លបលូន ទៅចាប់រំលោភនាងទាំងកម្រោលរហូតបានសម្រេចម្តងហើយម្តងទៀត គឺក្នុង១យប់ជននេះរំលោភបានសម្រេចចំនួន២ដង។ លុះព្រឹកឡើងជនល្មោភកាមនេះធ្វើហាក់ដួចជាមិនមានរឿងអ្វីកើតឡើងទេ គឺគេមិនរត់ទៅណាឡើយ។ រហូតដល់ពេលហូបបាយថ្ងៃត្រង់ក៏ត្រូវសមត្ថកិច្ចឃាត់ខ្លួនតែម្តង ។
បើតាមស្ត្រីឈ្មោះ សឿន ឃា ម្តាយក្មេងស្រីរងគ្រោះបានប្រាប់ឱ្យដឹងថា ជនសង្ស័យមកធ្វើផ្ទះឱ្យគាត់កាលពីប៉ុន្មានថ្ងៃមុននោះ។ លុះនៅយប់ថ្ងៃកើតហេតុ គាត់សម្រាន្តនៅក្នុងផ្ទះដោយមិនដឹងថា កូនស្រីគាត់ដេកនៅរានហាលខាងមុខផ្ទះសោះ លុះយប់ឡើងក៏ត្រូវជាងផ្ទះនោះចាប់រំលោភដ៏សាហាវ។ លុះព្រឹកឡើងទើបដឹងការពិតក៏ប្តឹងសមត្ថកិច្ចឱ្យឃាត់ខ្លួនជនគម្រក់នេះតែម្តង ។
លោកវរសេនីយ៍ឯកប៊ុត ប៊ុនធឿន អធិការនគរបាលស្រុកឱរ៉ាល់ បានឱ្យដឹងនៅរសៀលថ្ងៃទី៣ មករា នេះថា កាលពីយប់ថ្ងៃទី២ មករា មានករណីរំលោភសេពសន្ថវៈបានសម្រេច មួយបានកើតឡើងដែលបង្កដោយជនល្មោភកាមខាងលើ ។ បច្ចុប្បន្ន ជននេះ ត្រូវបានឃាត់ខ្លួនជាបណ្ដោះអាសន្ននៅអធិការដ្ឋាននគរស្រុកឱរ៉ាល់ ដើម្បីបន្តនីតិវិធី ៕
ចែករំលែកព័តមាននេះ