រាជធានីភ្នំពេញ ៖ តាមរយៈសំណើរស្នើវិសោធនកម្មច្បាប់ស្តីពីការគ្រប់គ្រងរដ្ឋាភិបាលរាជធានី ខេត្ត ក្រុង ស្រុក ខណ្ឌ រាជរដ្ឋាភិបាលបានកំពុងតែធ្វើកំណែទម្រង ការគ្រប់គ្រង រដ្ឋបាលយ៉ាងធំមួយ…
រាជធានីភ្នំពេញ ៖ តាមរយៈសំណើរស្នើវិសោធនកម្មច្បាប់ស្តីពីការគ្រប់គ្រងរដ្ឋាភិបាលរាជធានី ខេត្ត ក្រុង ស្រុក ខណ្ឌ រាជរដ្ឋាភិបាលបានកំពុងតែធ្វើកំណែទម្រង ការគ្រប់គ្រង រដ្ឋបាលយ៉ាងធំមួយ នៅអាណត្តិទីថ្មីនេះ ។ នេះបើតាមសម្តេចក្រឡាហោម ស ខេង ឧបកនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ។
ការលើកឡើងរបស់សម្តេច ស ខេង បន្ទាប់ពីប្រមុខរាជរដ្ឋាភិបាលកំណត់ត្រឹមឆ្នាំ២០២០ ជាឆ្នាំវាស់វែងអំពីវឌ្ឍនភាពនៃការផ្ទេរមុខងារទៅឲ្យរដ្ឋបាលថ្នាក់ក្រោមជាតិ ។ ពោល គឺធ្វើកំណែទម្រង់រដ្ឋបាលថ្នាក់ក្រោមជាតិឲ្យស៊ីជម្រៅ និងមានប្រសិទ្ធិភាព ។ ក្នុងកិច្ចសម្ភាសជាមួយក្រុមអ្នកសារព័ត៌មាន ក្រោមសម័យប្រជុំពេញអង្គរដ្ឋសភាពិភាក្សា និងអនុម័តលើកសេចក្តីស្នើវិសោនធកម្មច្បាប់ស្តីពីការគ្រប់គ្រងរដ្ឋបាលរាជធានីខេត្ត ក្រុង ស្រុក ខណ្ឌ និងច្បាប់ស្តីពីការបោះឆ្នោតជ្រើសរើសក្រុមប្រឹក្សារាជធានីក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ នាព្រឹកថ្ងៃទី៣ ខែមករា ឆ្នាំ២០១៩ នៅវិមានរដ្ឋសភា សម្តេចក្រឡាហោម ស ខេង បានមានប្រសាសន៍ថា ការធ្វើវិសោធនកម្មច្បាប់ស្តីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ ដោយសារតែកំណើនប្រជាជពលរដ្ឋនៅរាជធានី ខេត្ត ក្រុង ស្រុក ខណ្ឌមានចំនួនច្រើន ហើយដើម្បីធ្វើកំណែទម្រង់វិស័យរដ្ឋបាលថ្នាក់ក្រោមជាតិ ។
ជាងនេះដោយសាររាជរដ្ឋាភិបាលបានកំពុងអនុវឌ្ឍន៍គោលនយោបាយវិមជ្ឈការ និងវិសហមជ្ឈការដែលជាការធ្វើកំណែទម្រង់ក្នុងការគ្រប់គ្រងរដ្ឋបាលយ៉ាងធំមួយដែលរាជរដ្ឋាភិបាលចាប់ផ្តើម តាំងពីឆ្នាំ២០០២ (បោះឆ្នោតឃុំ) ហើយបន្ទាប់មកឆ្នាំ២០០៩ បោះឆ្នោតជ្រើសរើសក្រុមប្រឹក្សាឃុំសង្កាត់ ។
សម្តេចបានបញ្ជាក់ថា «ការធ្វើវិសោធនកម្មច្បាប់នេះយើងក៏មានបំណងដ៏ជាក់លាក់ ដើម្បីផ្ទេរអំណាចតាមបែបវិមជ្ឈការ ជាពិសេសនោះក៏មានវិសហមជ្ឈការដែរ ប៉ុន្តែពិសេសក៏ផ្តល់សិទ្ធិវិមជ្ឈការជាធំក្នុងការផ្តល់សិទ្ធក៏ដោយក៏មានថវិកា និងធនធានមនុស្សទៅឲ្យរដ្ឋបាលថ្នាក់ក្រោមជាតិ ។ ក្នុងនោះមានរដ្ឋបាលរាជធានី ខេត្ត ក្រុង ស្រុក ខណ្ឌ ឲ្យនៅជិតប្រជាពលរដ្ឋ ដើម្បីឲ្យគាត់ធ្វើកិច្ចរបស់ខ្លួនបម្រើពលរដ្ឋឲ្យបានល្អ» ។ ជាមួយគ្នានោះដែរសម្តេចក៏បានលើកឡើងការបង្កើនចំនួនក្រុមប្រឹក្សារាជធានី ក្រុង ស្រុក ខណ្ឌ មានផលប្រយោជន៍យ៉ាងខ្លាំងសម្រាប់ការអភិវឌ្ឍ ។ សម្តេចថា «ខ្ញុំគិតថាមានភារកិច្ចពីរយ៉ាងទី១- ភារកិច្ចដែលច្បាប់តម្រូវថា ត្រូវតែធ្វើការងារនេះ ការងារនោះ ហើយភារៈកិច្ចមួយទៀត គឺភារកិច្ចទី២- ជាជម្រើសមានន័យថា ក្រុមប្រឹក្សាអាចពិនិត្យជ្រើសរើសចំណុចណាមួយមកសិក្សា ដោយទទួលខុសត្រូវចំពោះប្រជាពលរដ្ឋ និងជាមួយរាជរដ្ឋាភិបាលផង» ។
គួររឮកថា បើតាមឮរបាយការណ៍របស់គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដែលហៅកាត់ថា «គ.ជ.អ.ប» បានឲ្យដឹងកាល ពីដើមឆ្នាំ២០ ១៨បានថា ក្នុងរយៈពេលជិត២ទសវត្សរ៍កន្លងមកនេះ រាជរដ្ឋាភិបាលកម្ពុជាបានផ្ទេរថវិកាសរុបប្រមាណជាង២.០០០លានដុល្លារ ទៅឲ្យរដ្ឋបាលថ្នាក់ក្រោមជាតិ ។
របាយការណ៍ គ.ជ.អ.ប ដដែលបានឲ្យដឹងទៀតថា ផ្អែកលើធនធានទាំងនេះ រដ្ឋបាលថ្នាក់ក្រោមជាតិបានអនុវត្តគម្រោមហេដ្ឋារចនាសម្ព័ន្ធរូបវន្តខ្នាតតូចជាច្រើនដូចជា ផ្លូវលំជនបទ (ផ្លូវដី ផ្លូវ ក្រួសក្រហម ផ្លូវបេតុង និងស្ពាន) ប្រព័ន្ធស្រោចស្រប (ប្រឡាយ ទំនប់ទឹក និងសំណ ង់សិល្បៈការផ្សេងៗ) សំណង់អនាម័យជនបទ ( លូទឹក បង្គន់ និងប្រព័ន្ធបង្ហូរទឹក) សំណង់ផ្គ ត់ផ្គង់ទឹក ស្អាត (ស្រះទឹក អណ្តូងទឹក និងបណ្តាញទុយោទឹកស្អាត) សំណង់ផ្សេង ៗទៀត ៕
ចែករំលែកព័តមាននេះ