ខេត្តបន្ទាយមានជ័យ ៖ មន្ត្រីយោធាម្នាក់រងរបួសយ៉ាងធ្ងន់ធ្ងូរ ខណៈជិះម៉ូតូក្នុងល្បឿនលឿនបានបុកនឹងរថយន្ត HIGHLANDER ពីក្រោយពេញទំហឹង ។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង៨និង១០ព្រឹក ថ្ងៃទី០៣ ខែមករា…
ខេត្តបន្ទាយមានជ័យ ៖ មន្ត្រីយោធាម្នាក់រងរបួសយ៉ាងធ្ងន់ធ្ងូរ ខណៈជិះម៉ូតូក្នុងល្បឿនលឿនបានបុកនឹងរថយន្ត HIGHLANDER ពីក្រោយពេញទំហឹង ។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង៨និង១០ព្រឹក ថ្ងៃទី០៣ ខែមករា ឆ្នាំ២០១៩ នៅត្រង់ចំណុចផ្សារចំការគរ (ផ្សារថ្មី) សង្កាត់កំពង់ស្វាយ ក្រុងសិរីសោភ័ណ ។
យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញមានមន្ត្រីយោធាម្នាក់បានបើកម៉ូតូមួយគ្រឿងម៉ាក WAVE 110 ពណ៌ខ្មៅ ពាក់ស្លាក់លេខ ឧ.មានជ័យ 1D- 4399 ទិសដៅពីជើងទៅត្បូងក្នុងល្បឿនលឿនលុះមកដល់ចំណុចកើតហេតុមានរថយន្ត HIGHLANDER មួយគ្រឿងពាក់ស្លាកលេខ ភ្នំពេញ 2W -6795 បើកចេញពីផ្សារក្នុងល្បឿនយឺតឡើងលើផ្លូវជាតិ លេខ៥៦ ឆ្ពោះទៅទិសខាងត្បូងបានបន្តិច ស្រាប់តែម៉ូតូខាងលើបានបុកពីក្រោយពេញទំហឹង បណ្តាលឲ្យជនរងគ្រោះដួលបោកក្បាលនឹងថ្នល់មិនពាក់មួកសុវត្ថិភាពរងរបួសធ្ងន់ត្រូវបានរថយន្តសង្គ្រោះដឹកយកទៅមន្ទីរពេទ្យបង្អែកមិត្តភាពកម្ពុជា-ជប៉ុន ស្រុកមង្គលបូរី ។
ជនរងគ្រោះជិះម៉ូតូជាមន្ត្រីយោធាមានឈ្មោះ ហ៊ីង សំបាន ភេទប្រុស អាយុ៣០ឆ្នាំ មានទីលំនៅភូមិពងទឹក ឃុំអំបិល ស្រុកបន្ទាយអំបិល ខេត្តឧត្តរមានជ័យ ។ ចំណែកម្ចាស់រថយន្តមិនត្រូវបានស្គាល់អត្តសញ្ញាណនោះទេ ។
ចំពោះម៉ូតូរងការខូចខាត់ធ្ងន់ធ្ងរ ឯរថយន្ត HIGHLANDER រងការខូចខាតផ្នែកខាងក្រោយមួយចំហៀង ។ ក្រោយពីធ្វើការវាស់វែងរួច សមត្ថកិច្ចបានយកមធ្យោបាយទាំងពីរទៅរក្សាទុក ដើម្បីរង់ចាំភាគីទាំងពីរដោះស្រាយគ្នាតាមនីតិវិធី ៕
ចែករំលែកព័តមាននេះ