មានបុរសជាច្រើនឆ្ងល់ និងកំពុងតែស្វែងរកចម្លើយពីបុព្វហេតុ ដែលធ្វើឱ្យពួកគេឆាប់ចេញទឹកកាមពេលរួមភេទ ។ អ្វីដែលជាការខ្មាសអៀនបំផុតនោះ បុរសម្នាក់ក្នុងចំណោម៣នាក់(តួលេខប៉ាន់ស្មាន)គឺបានចេញទឹកកាមរួចទៅហើយ ខណៈដែលពួកគេទើបតែញាត់អង្គជាតចូលប្រដាប់ភេទស្ដ្រី ។ បើទោះជាបញ្ហានេះអាចមិនមែនជារឿងធំដុំចំពោះសុខភាពទូទៅ ប៉ុន្ដែវាក៏អាចបំផ្លាញចោល
មានបុរសជាច្រើនឆ្ងល់ និងកំពុងតែស្វែងរកចម្លើយពីបុព្វហេតុ ដែលធ្វើឱ្យពួកគេឆាប់ចេញទឹកកាមពេលរួមភេទ ។ អ្វីដែលជាការខ្មាសអៀនបំផុតនោះ បុរសម្នាក់ក្នុងចំណោម៣នាក់(តួលេខប៉ាន់ស្មាន)គឺបានចេញទឹកកាមរួចទៅហើយ ខណៈដែលពួកគេទើបតែញាត់អង្គជាតចូលប្រដាប់ភេទស្ដ្រី ។ បើទោះជាបញ្ហានេះអាចមិនមែនជារឿងធំដុំចំពោះសុខភាពទូទៅ ប៉ុន្ដែវាក៏អាចបំផ្លាញចោលនូវក្ដីសប្បាយក្នុងជីវិតលើគ្រែរបស់បុរស ក៏ដូចជាស្រ្ដីផងដែរ ។
ខាងក្រោមនេះជាកត្ដាប្រឈមដែលនាំឱ្យ
បុរសឆាប់ចេញទឹកកាម ៖
I-បុព្វហេតុៈ
បុព្វហេតុពិតប្រាកដនៃការឆាប់ចេញទឹកកាមមិនត្រូវបានគេដឹងច្បាស់លាស់ទេ ដ្បិតពុំទាន់មានការសិក្សា ពិសោធន៍លើបញ្ហានេះនៅឡើយ។ ទោះជាយ៉ាងណាក្ដី យោងតាមគ្រូពេទ្យជំនាញអះអាងថា ការឆាប់ចេញទឹកកាមបណ្ដាលមកពី ៖
១-បុព្វហេតុចិត្ដសាស្រ្ដៈ
វេជ្ជបណ្ឌិតមួយចំនួនជឿថា បទពិសោធន៍រួមភេទលើកដំបូងអាចបង្កើតបានជាគំរូមួយ ដែលអាចពិបាកនឹងផ្លាស់ប្ដូរនៅពេលក្រោយក្នុងជីវិត តួយ៉ាង ៖
-ស្ថានភាពដែលអ្នកអាចនឹងត្រូវប្រញាប់ប្រញាល់ឈានដល់ចំណុចកំពូលក្នុងគោលបំណងមិនឱ្យអ្នកផ្សេងដឹង ។
-អារម្មណ៍គិតថាខ្លួនកំពុងធ្វើខុស ហើយអារម្មណ៍បែបនោះបានបង្កើនទំនោររបស់អ្នកឱ្យធ្វើសកម្មភាពយ៉ាងរហន់ ។
បុព្វហេតុចិត្ដសាស្រ្ដផ្សេងទៀតមានដូចជា ៖
-លិង្គខ្សោយ ៖ បណ្ដាបុរសដែលអន្ទះសាខ្លាំងលើភាពរឹងមាំរបស់នាយច្រមក់អំឡុងការរួមភេទអាចបង្កើតបានជាគំរូមួយនៃការបាញ់ចេញទឹកកាម ដែលមិនងាយនឹងផ្លាស់ប្ដូរបាន ។
-ភាពអន្ទះសា ធុញថប់ក្នុងអារម្មណ៍
-បញ្ហានៃការទាក់ទង
២-បុព្វហេតុជីវសាស្រ្ដៈ
បុព្វហេតុជីវសាស្រ្ដមួយចំនួនដែលអាចនឹងធ្វើឱ្យឆាប់ចេញទឹកកាមរួមមាន ៖
-កម្រិតអ៊័រម៉ូនមិនប្រក្រតី
-កម្រិតសារធាតុគីមីរបស់ខួរក្បាលមានឈ្មោះថា Neurotransmitters មិនប្រក្រតី ។
-សកម្មភាពប្រតិកម្មតបរបស់ប្រព័ន្ធបញ្ចេញទឹកកាមខុសប្លែកពីភាពធម្មតា ។
-មានបញ្ហាក្រពេញទីរ៉ូអីុដ ។
-ការរលាក និងការឆ្លងមេរោគក្នុងប្រូស្ដាត ឬបង្ហូរនោម ។
-ការខូចប្រព័ន្ធសរសៃប្រសាទ បណ្ដាលមកពីការវះកាត់ ។
II-កត្ដាប្រឈមៈ
មានកត្ដាប្រឈមសំខាន់ៗមួយចំនួនដែលញ៉ាំងឱ្យបុរសឆាប់ចេញទឹកកាមក្នុងនោះរួមមាន ៖
-លិង្គខ្សោយ ៖ ប្រសិនបើអ្នកម្ដងម្កាលមានបញ្ហាពិបាករក្សាលិង្គឱ្យរឹងបានយូរ នោះអត្រាប្រឈមនឹងការឆាប់ចេញទឹកកាមកើនឡើងខ្ពស់ ។
-មានបញ្ហាសុខភាព ៖ បុរសមានសុខភាពមិនបរិបូរណ៍ តួយ៉ាងដូចជាមានបញ្ហាបេះដូង គឺមិនអំណោយផលក្នុងការរួមភេទឡើយ ។
-ភាពធុញថប់ និងតានតឹងក្នុងអារម្មណ៍ ៖ វាដើរតួនាទីសំខាន់ បណ្ដាលឱ្យទឹកកាមឆាប់ចេញ។
-ការប្រើឱសថព្យាបាលណាមួយ មានពេលខ្លះឱសថមួយចំនួនអាចធ្វើឱ្យប៉ះពាល់ដល់សកម្មភាពបញ្ជូនសារធាតុគីមីនៅក្នុងខួរក្បាល ដែលប្រការនេះនឹងធ្វើឱ្យបុរសឆាប់ចេញទឹកកាមអំឡុងពេលរួមភេទ ៕
ចែករំលែកព័តមាននេះ