រាជធានីភ្នំពេញ ៖ បន្ទប់ពិសោធន៍នៅក្នុងវិទ្យាល័យច្បារអំពៅត្រូវបានជនសង្ស័យលួចចូលគាស់យកសម្ភារអស់មួយចំនួន កាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី២ ខែមករា ឆ្នាំ២០១៩ នៅក្នុងបន្ទប់ពិសោធន៍នៃវិទ្យាល័យច្បារអំពៅ ភូមិបឹងឈូក សង្កាត់និរោធន៍ ខណ្ឌច្បារអំពៅ…
រាជធានីភ្នំពេញ ៖ បន្ទប់ពិសោធន៍នៅក្នុងវិទ្យាល័យច្បារអំពៅត្រូវបានជនសង្ស័យលួចចូលគាស់យកសម្ភារអស់មួយចំនួន កាលពីវេលាម៉ោង១និង២០នាទីរំលងអធ្រាត្រឈានចូលថ្ងៃទី២ ខែមករា ឆ្នាំ២០១៩ នៅក្នុងបន្ទប់ពិសោធន៍នៃវិទ្យាល័យច្បារអំពៅ ភូមិបឹងឈូក សង្កាត់និរោធន៍ ខណ្ឌច្បារអំពៅ ។
បើតាមសម្តីឈ្មោះ គឹម សំណាង ភេទប្រុស អាយុ២១ឆ្នាំ មុខរបរអ្នកយាមសាលា បានអោយដឹងថា មុនពេលកើតហេតុ គឺរូបគាត់បានជិះម៉ូតូមកពីដើរលេងនៅកោះពេជ្រវិញ លុះមកដល់សាលារូបគាត់បានឃើញខ្សែភ្លើងធ្លាក់ពីជាន់លើ ដោយមានការសង្ស័យរូបគាត់បានចាក់សោទ្វារចូលទៅក្នុងបន្ទប់ក៏ស្រាប់តែមានឃើញដុតទៀននៅក្នុងបន្ទប់ពិសោធន៍ពេលនោះរូបគាត់ក៏បានបើកភ្លើងមើលក៏ស្រាប់តែឃើញបន្ទប់ចំនួនបីត្រូវបានជនសង្ស័យគាស់លួចយកសម្ភារ ។
ប្រភពដដែលបានបន្តទៀតថា បន្ទាប់ពីដឹងថា ក្នុងសាលាត្រូវមានជនសង្ស័យគាស់លួចទ្រព្យសម្បត្តិហើយ រូបគាត់ក៍ទៅប្រាប់លោកគ្រូ និងនាយកសាលាអោយចុះមកមើលព្រមទាំងរាយការណ៍ទៅប្រាប់សមត្ថកិច្ចមូលដ្ឋានអោយចុះទៅពិនិត្យផងដែរ ។
ក្រោយកើតហេតុសមត្ថកិច្ចក៏បានហៅ អ្នកដែលយាមសាលាមកសាកសួរ ហើយចំពោះសម្ភារបាត់ ដែលបាត់បង់ គឺលោកនាយកសាលាមិនទាន់បានអោយដឹងពិតប្រាកដនោះទេ លុះព្រឹកឡើង គឺរង់ចាំលោកគ្រូអ្នកគ្រូដែលកាន់បន្ទប់រៀងៗខ្លួនទើបដឹងថា បាត់សម្ភារអ្វីខ្លះអោយពិតប្រាកដ ៕
ចែករំលែកព័តមាននេះ