ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀនបានចូលរួមសហការជាមួយកម្លាំងអធិការដ្ឋាននគរបាលក្រុងសៀមរាបចុះបង្ក្រាបករណីរក្សាទុក និងជួញដូរដោយខុសច្បាប់នូវសារធាតុញៀននៅទីតាំងផ្សេងគ្នាក្នុងថ្ងៃតែមួយ ឃាត់ខ្លួនបានជនសង្ស័យប្រុសស្រីចំនួន២នាក់ ។ ហេតុការចុះបង្ក្រាបករណីគ្រឿងញៀនដូចភ្លៀងរលឹមនោះបានធ្វើឡើងនៅចំនុចបន្ទប់ជួល ក្នុងភូមិសាលាកន្សែង សង្កាត់ស្វាយដង្គំ ក្រុងខេត្តសៀមរាប…
ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀនបានចូលរួមសហការជាមួយកម្លាំងអធិការដ្ឋាននគរបាលក្រុងសៀមរាបចុះបង្ក្រាបករណីរក្សាទុក និងជួញដូរដោយខុសច្បាប់នូវសារធាតុញៀននៅទីតាំងផ្សេងគ្នាក្នុងថ្ងៃតែមួយ ឃាត់ខ្លួនបានជនសង្ស័យប្រុសស្រីចំនួន២នាក់ ។ ហេតុការចុះបង្ក្រាបករណីគ្រឿងញៀនដូចភ្លៀងរលឹមនោះបានធ្វើឡើងនៅចំនុចបន្ទប់ជួល ក្នុងភូមិសាលាកន្សែង សង្កាត់ស្វាយដង្គំ ក្រុងខេត្តសៀមរាប ។
តាមប្រភពពីកម្លាំងជំនាញខេត្តបានប្រាប់ឱ្យដឹងថា ជនសង្ស័យដែលឃាត់ខ្លួនបាន និងវត្ថុតាងជាក់ស្តែងប្រុសស្រីចំនួន២នាក់នោះមានទី១-ឈ្មោះ ព្រំ ស៊ីថន ភេទប្រុស អាយុ២៤ឆ្នាំ មុខរបរគ្មាន ទីលំនៅភូមិតាភុល សង្កាត់ស្វាយដង្គំ ក្រុងខេត្តសៀមរាប (រក្សាទុក និងជួញដូរ មានសារធាតុញៀនក្នុងខ្លួន) និងទី២-ឈ្មោះ ពៅ សុភី ហៅ ចាង រឺ ម៉ុច ភេទស្រី អាយុ២០ឆ្នាំ មុខរបរគ្មាន ទីលំនៅភូមិទក្សិណត្បូង សង្កាត់គោកចក ក្រុង-ខេត្តសៀមរាប (រក្សាទុក និងជួញដូរមានសារធាតុញៀនក្នុងខ្លួន) ។
ក្រោយឃាត់ខ្លួនបានជនសង្ស័យប្រុសស្រី២នាក់នៅទីតាំងផ្សេងគ្នាកម្លាំងជំនាញធ្វើការដកហូតបានវត្ថុតាងរួមមាន ម្សៅមេតំហ្វេតាមីនចំនួន៩កញ្ចប់ទម្ងន់សុទ្ធ៣ក្រាម (ថ្លឹងទាំងសំបក) ។
បច្ចុប្បន្នជនសង្ស័យប្រុសស្រីទាំង២នាក់ និងវត្ថុតាងត្រូវបានសមត្ថកិច្ចជំនាញរៀបចំកសាងសំណុំរឿងបញ្ចូនទៅសាលាដំបូងខេត្តដើម្បីចាត់ការទៅតាមនីតិវិធី ៕
ចែករំលែកព័តមាននេះ