រួមសហការគ្នាទប់ស្កាត់រាល់បទល្មើសផ្សេងៗ
- បាត់ដំបង
ខេត្តបាត់ដំបង ៖ បូកសរុបការងារយោធាព្រំដែនរបស់ភូមិភាគទី៥ ឆ្នាំ២០១៨នឹងបន្តឆ្នាំ២០១៩ ជំនាញការងារព្រំដែន គឺជាការងារដ៏មានសារសំខាន់ក្នុងការទំនាក់ទំនងរវាងស្ថាប័នជាប់ព្រំដែននឹងកិច្ចសហការណ៍ទំនាក់ទំនងជាមួយអាជ្ញាធរមូលដ្ឋានទប់ស្កាត់រាល់បទល្មើសផ្សេងៗ ។ ដែលកើតមានឡើងនឹងរួមចំណែកបង្កើនលើគ្រប់វិស័យនៅតាមបណ្តោយព្រំដែននឹងជាកក្តានាំមកនូវការរួមចំណែកអភិវឌ្ឍន៍ជាតិមាតុភូមិនេះជាការលើកឡើងរបស់លោកឧត្តមសេនីយ៍ទោ អេង ហុង…
ដែលកើតមានឡើងនឹងរួមចំណែកបង្កើនលើគ្រប់វិស័យនៅតាមបណ្តោយព្រំដែននឹងជាកក្តានាំមកនូវការរួមចំណែកអភិវឌ្ឍន៍ជាតិមាតុភូមិនេះជាការលើកឡើងរបស់លោកឧត្តមសេនីយ៍ទោ អេង ហុង មេបញ្ជាការរងយោធភូមិភាគទី៥ ទទួលការងារព្រំដែន ក្នុងពិធីបូកសរុបលទ្ធផលការងារព្រំដែនប្រចាំឆ្នាំ២០១៨ នឹងទិសដៅបន្តឆ្នាំ២០១៩ នៅបញ្ជាការដ្ឋានយោធភូមិភាគទី៥ កាលពីព្រឹកថ្ងៃទី២៧ ខែធ្នូ ឆ្នាំ ២០១៨ កន្លងទៅនេះនឹងវត្តមានចូលរួមពីនាយទាហាន តំណាងច្រកអន្តរជាតិទាំងបី ការិយាល័យទំនាក់ទំនងព្រំដែនអគ្គបញ្ជាការនឹងតំណាងច្រកតំបន់ទាំង១០សរុប៧២នាក់ ។
បន្ទាប់ពីមតិបើកការប្រជុំរបស់អធិបតីរួចមកនៅក្នុងរបាយការណ៍ការងារព្រំដែនឆ្នាំ២០១៨ បន្ត ឆ្នាំ២០១៩ លោកវរសេនីយ៍ទោ រស់ សេរីសិទ្ធ នាយរងការិយាលយ័ព្រំដែនយោធភូមិភាគទី៥ បានអោយដឹងថា កន្លងមកនេះការងារជំនាញព្រំដែនបានអនុវត្តន៍តាមនយោបាយយុទ្ធសាស្ត្រចតុកោណដំណាក់កាលទី៤ អាណត្តិទី៦នៃរដ្ឋសភាជាតិនឹងគោលនយោបាយកែទម្រង់ ស៊ីជម្រៅរបស់រាជរដ្ឋាភិបាលនឹងស្របតាមបទបញ្ជាសេចក្តីណែនាំថ្នាក់ក្រសួងការពារជាតិ អគ្គបញ្ជាការដ្ឋាន បញ្ជាការដ្ឋានកងទ័ពជើងគោកនឹងយោធភូមិភាគទី៥ បានដាក់ចេញដែល ក្នុងនោះគ្រប់ស្ថាប័នជួរមុខនឹងតាមបណ្តាលច្រកតំបន់ ច្រកអន្តរជាតិ បានយកចិត្តទុកដាក់លើកិច្ចការងារទំនាក់ទំនង នឹងកិច្ចសហប្រតិបត្តិការជាមូលដ្ឋានប្រែក្លាយជាតំបន់ព្រំដែន មានស្ថេរភាព សុវតិ្ថភាព ក្នុងការចេញចូលប្រកបមុខរបររបស់ប្រជាពលរដ្ឋនឹងបានលើកឡើងអោយដឹងពីភាពទទួលខុសត្រូវនៅតាមខ្សែបន្ទាត់ព្រំដែនចាប់ពីព្រំប្រទល់ខេត្តកោះកុងដល់ ព្រំប្រទល់ខេត្តឧត្តមានជ័យ ដែលមានប្រវែង៣៦៧គីឡូម៉ែត្រ ។
ព្រមជាមួយនឹងកិច្ចការទំនាក់ទំនងផ្លាស់ប្តូរទស្សនកិច្ចសិក្សាជាមួយភាគីថៃបានចំនួន៦០លើកក្នុងនោះជាមួយកងទ័ពភូមិភាគទី១ថៃចំនួន២៥លើក ជាមួយកងកម្លាំងការពារព្រំដែនចន្ទ័បូរីត្រាត ចំនួន៣៥លើកនឹងបានធ្វីការប្រជុំគណៈកម្មាធិការព្រំដែន ថ្នាក់ព្រំដែន កម្ពុជា ថៃ ឈាន ដល់លើកទី២៦នឹង ត្រៀមធ្វើការប្រជុំលើកទី២៧ បន្តដែលភាគីថៃ ធ្វើជាម្ចាស់ផ្ទះនាពេលខាងមុខផងដែរ ។
លោកឧត្តមសេនីយ៍ទោ អេងហុង បានជំរុញដល់កងកម្លាំងជំនាញបន្តប្រើប្រាស់គ្រប់យន្តការ ដែលមានស្រាប់ ការងារជំនាញទំនាក់ទំនងព្រំដែនប្រកបដោយសន្តិវិធីនឹងយកអស់ស្មារតី ទទួលខុសត្រូវបំពេញភារកិច្ចរបស់ខ្លួនសម្រាប់ឆ្នាំ២០១៩អោយមានកម្រិតបន្ថែមទៀត ៕
ចែករំលែកព័តមាននេះ