ADផ្ទាំងផ្សព្វផ្សាយពាណិជ្ជកម្ម

ត្រៀមមេធាវីជាស្រេច…ជូនកញ្ញាទេព បូព្រឹក្ស

7 ឆ្នាំ មុន

ភ្នំពេញ
២៦ ខែ ធ្នូ ឆ្នាំ ២០១៨ ម៉ោង ១១:២៤

រាជធានីភ្នំពេញ ៖ សេចក្តីរាយការណ៍នាព្រឹកថ្ងៃទី២៦ ធ្នូ នេះ បានឱ្យដឹងទៀតថា ខាងប្រធានសមាគមសិល្បករខ្មែរគឺអ្នកនាង ចន ច័ន្ទលក្ខិណា បានត្រៀមមេធាវី ដើម្បីស្វែងរកយុត្តិធម៌ជូនកញ្ញា ទេព បូព្រឹក្ស ក្នុងករណីដែលបុរសម្នាក់បានជះស្រា និងកំប៉ុងស្រាបៀរទៅលើនាង ក្នុងហាងផឹកសុីមួយកន្លែង កាលពីយប់ថ្ងៃទី២៥ ធ្នូ នេះ។ គួរបញ្ជាក់ថា ហេតុការណ៍នេះ បានបង្កការភ្ញាក់ផ្អើលយ៉ាងខ្លាំងបន្ទាប់ពីតារាចម្រៀង ទេព បូព្រឹក្ស បានស្រែកយំពេញហាង និងបានធ្វើការlive តាមហ្វេសប៊ុករបស់កញ្ញាផងដែរ ។

គួររំលឹកថា៖ ក្តីឈឺចាប់ដែលកញ្ញាទេព បូព្រឹក្សទទួល…បង្ហាញការមិនឱ្យតម្លៃមនុស្សស្រីទាល់តែសោះ

យ៉ាងណា បន្ទាប់ពីកើតហេតុនោះទេព បូ ព្រឹក្ស នៅមិនទាន់បានទទួលការសុំទោសភ្លាមៗ ពីអ្នកបង្កហេតុនោះឡើយ ផ្ទុយទៅវិញ នាងបែជាទទួលការស្តីបន្ទោសបន្ថែមពីម្ចាស់ហាងទៅវិញ ។

ជុំវិញបញ្ហានេះ ប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា បានប្រកាសនឹងផ្តល់មេធាវីរបស់សមាគម ដើម្បីស្វែងរកយុត្តិធម៌ជូន ទេព បូព្រឹក្ស ខណៈពេលមានអ្នកសិល្បះជាច្រើន បានចេញមកថ្កោលទោសទៅលើករណីនេះ និងបានសម្តែងការគាំទ្រ ជុំវិញការស្វែងរកយុត្តិធម៌ជូនទេព បូព្រឹក្ស ពីសមាគមសិល្បះករខ្មែរនាពេលនេះ។