រាជធានីភ្នំពេញ ៖ ផ្ទះតម្លើងស្លាកយីហោសង្ស័យទុស្សេខ្សែភ្លើងហុយផ្សែងពីជាន់ទី១ ជាកន្លែងស្តុកប្លាស្ទិក បង្កការភ្ញាក់ផ្អើលដល់សមត្ថកិច្ចចុះអន្តរាគមន៍ មានទាំងរថយន្តពន្លត់អគ្គិភ័យរបស់ស្នងការថែមទៀត កាលពីវេលាម៉ោង៧យប់ ថ្ងៃទី២២ ខែធ្នូ ឆ្នាំ២០១៨ នៅចំណុចផ្ទះលេខ៥៩ ផ្លវ១៧៣ ក្រុម៤៧ ស្ថិតនៅភូមិ៧ ស៊ី អេន អេព្រីនធីង ធ្វើស្លាកយីហោ សង្កាត់ទួលស្វាយព្រៃទី១ ខណ្ឌចំការមន ។
ប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុមានហុយផ្សែងចេញពីផ្ទះល្វែងជាន់ទី១ សង្ស័យទុស្សេខ្សែភ្លើងត្រូវបានប្រជាពលរដ្ឋដែលរស់នៅក្បែរកន្លែងកើតហេតុយកបំពង់ពន្លត់អគ្គិភ័យចេញទៅបាញ់ទប់ស្កាត់ទម្រាំរថយន្តពន្លត់អគ្គិភ័យរបស់ស្នងការរាជធានីភ្នំពេញមកដល់ ។
សមត្ថកិច្ចបន្តទៀតថា ផ្ទះកើតហេតុខាងលើជាកន្លែងតម្លើងស្លាកយីហោ និងព្រីនផ្ទាំងឡូហ្គោខ្នាតធំៗ នៅជាន់ទី១មានម៉ាស៊ីនដេរជាច្រើនគ្រឿង និងក្រណាត់ប្រភេទកៅស៊ូ និងប្លាស្ទិកជាច្រើនដុំ ។
ពេលកើតហេតុសមត្ថកិច្ចបានឡើងទៅជាន់ទី១ អោយកម្មករជួយរើក្រណាត់ប្លាស្ទិកចេញមកក្រៅ ដើម្បីងាយស្រួលបាញ់ពន្លត់មានរថយន្តពន្លត់អគ្គិភ័យរបស់ស្នងការរាជធានីភ្នំពេញមកចំនួន២គ្រឿង តែដោយមិនបានបាញ់ទេ គឺបានប្រើប្រាស់បំពង់ពន្លត់អគ្គិភ័យបាញ់អស់ជាច្រើនបំពង់បានរលត់អស់ទៅហើយ ៕
ចែករំលែកព័តមាននេះ