ខេត្តបន្ទាយមានជ័យ ៖ «នគរបាលប៉ុស្តិ៍ការពារព្រំដែន គឺត្រូវតែគ្រប់គ្រងនិងដឹងពីចំនួនស្ថិតិប្រជាពលរដ្ឋ ដែលរស់នៅជាប់ព្រំដែន ដែលជាមូលដ្ឋានខ្លួនគ្រប់គ្រង មិនមែនចាំបាច់នគរបាលប៉ុស្តិ៍រដ្ឋបាលនោះឡើយ ។ ព្រោះថា ការដឹងពីចំនួនប្រជាពលរដ្ឋ រស់នៅក្នុងដែនដីខ្លួនទទួលខុសត្រូវនោះ គឺសំខាន់មានការដឹងពីមនុស្សស្នាក់ ចេញ ចូល ច្បាស់លាស់ ។
ពេលក្រោយ មានការប្រជុំគណៈឯកភាពរដ្ឋបាលឃុំ សង្កាត់ គឺនគរបាលប៉ុស្តិ៍ការពារព្រំដែន គឺត្រូវតែចូលរួម ក្នុងនោះដែរ លោកឧត្តមសេនីយ៍ស្នងការបានថ្លែងអំណរគុណដល់កងកម្លាំងនគរបាលនៃវរសេនាតូចការពារព្រំដែនគោកទាំង៤ ក៏ដូចជាអធិការដ្ឋាននគរបាល ស្រុក ក្រុង ដែលកន្លងមក បានធ្វើកិច្ចការងារមនុស្សធម៌ និងសង្គមជាច្រើន ពិសេសថ្មីៗនេះ បានជួយស្តារកំប្លោក ក្នុងស្ទឹងស្វាយចេក ដើម្បីប្រជាពលរដ្ឋនៅទីនោះបានទឹកល្អប្រើប្រាស់ សម្រាប់បំរើឲ្យជីវភាពប្រចាំថ្ងៃរបស់ពួកគាត់»។
នេះគឺជាការលើកឡើងរបស់លោកឧត្តម សេនីយ៍ទោអាត់ ខែម ស្នងការនគរបាលខេត្តបន្ទាយមានជ័យ កាលពីថ្ងៃទី១៥ខែធ្នូ ឆ្នាំ២០១៩ ក្នុងឱកាសពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរសក្តិមន្ត្រីនគរបាលជាតិនៃស្នងការដ្ឋាននគរបាលខេត្តបន្ទាយមានជ័យ នៃវរសេនាតូចការពារព្រំដែនគោកលេខ៨០៧ ដែលមានការអញ្ជើញចូលរួមពីលោកជាឧត្តមសេនីយ៍ វរសេនីយ៍ អនុសេនីយ៍ ជាស្នងការរង មេបញ្ជាការ មេបញ្ជាការរង វរសេនាតូចទាំង៤ លោកអធិការនគរស្រុក ក្រុង ជាប់បាលជាប់ព្រំដែន ។
លោកឧត្តមសេនីយ៍ទោអាត់ ខែម បានបន្តថា នគរបាលការពារព្រំដែន ទន្ទឹមនឹងមានតួនាទី ការពារបូរណភាពទឹកដី ក៏មានតួនាទីការពារ សន្តិសុខជូនប្រជាពលរដ្ឋរស់នៅតាមព្រំដែន ទប់ស្កាត់នូវរាល់បទល្មើសឆ្លងដែនដោយខុសច្បាប់ និងដើរល្បាតត្រួតពិនិត្យតាមបន្ទាត់ព្រំដែនជាប្រចាំ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ