តាមពិតមកពីខេត្តនេះសម្បូរសម្បត្តិវប្បធម៌ និងរមណីយដ្ឋានធម្មជាតិបែបនេះសោះ
- សៀមរាប
ខេត្តសៀមរាប ៖ នាថ្ងៃទី១៥ ខែធ្នូ ឆ្នាំ២០១៨ លោក ទៀ សីហា អភិបាលនៃគណៈអភិបាលខេត្តសៀមរាប លោក…
ខេត្តសៀមរាប ៖ នាថ្ងៃទី១៥ ខែធ្នូ ឆ្នាំ២០១៨ លោក ទៀ សីហា អភិបាលនៃគណៈអភិបាលខេត្តសៀមរាប លោក…
ខេត្តសៀមរាប ៖ នាថ្ងៃទី១៥ ខែធ្នូ ឆ្នាំ២០១៨ លោក ទៀ សីហា អភិបាលនៃគណៈអភិបាលខេត្តសៀមរាប លោក អ៊ឹង ហឿន ប្រធានក្រុមប្រឹក្សាខេត្តបានដឹកនាំប្រតិភូខេត្តធ្វើបដិសណ្ឋារកិច្ចដំណើរការអញ្ជើញដល់របស់គណៈប្រតិភូជាន់ខ្ពស់សភាបារាំងនៅអាកាសយានដ្ឋានអន្តរជាតិសៀមរាប ។
ដែលដឹកនាំដោយលោក Sylvain WASERMAN អនុប្រធានរដ្ឋសភាប្រទេសបារាំង និងសហការី ក្នុងដំណើរបំពេញទស្សនកិច្ចជាផ្លូវការនៅខេត្តសៀមរាប គឺបានបង្ហាញអំពីគោលជំហរទូលំទូលាយនៃការធ្វើឲ្យប្រសើរឡើងថែមទៀត កិច្ចសហប្រតិបត្តិការ រវាងរដ្ឋសភា និងរដ្ឋាភិបាលនៃប្រទេសទាំងពីរដោយមានវត្តមានអញ្ជើញទទួលបដិសណ្ឋាកិច្ចនោះដែរ មានលោក នូ ផល្លា លោកជំទាវពៅ សាវឿន ជាសមាជិករដ្ឋសភាលោកជំទាវអគ្គរដ្ឋទូតបារាំងប្រចាំ នៅកម្ពុជា និងថ្នាក់ដឹកនាំមន្ទីរអង្គភាពជុំវិញខេត្ត ។
ដំណើរទស្សនកិច្ចរបស់គណៈប្រតិភូជាន់ខ្ពស់សភាបារាំងនៅលើទឹកដីប្រវត្តិសាស្ត្រខេត្តសៀមរាបដែនដីកម្ពុជាព្រះរាជាណាចក្រអច្ឆរិយៈ គឺជាសក្ខីភាពឆ្លុះបញ្ចាំងឲ្យឃើញអំពីចំណងមិត្តភាពសាមគ្គីភាព និងកិច្ចសហប្រតិបត្តិការ រវាងរដ្ឋសភា រដ្ឋាភិបាល និងប្រជាជនប្រទេសទាំងពីរ (ព្រះរាជាណាចក្រកម្ពុជា និងសាធារណរដ្ឋបារាំង ) កាន់តែរឹងមាំទ្វេឡើងថែមទៀត ។ ក្នុងកិច្ចទទួលបដិសណ្ឋារកិច្ចដំណើរអញ្ជើញដល់របស់លោក Sylvain WASERMAN អនុប្រធានរដ្ឋសភាបារាំង គឺដើម្បីបំពេញទស្សនកិច្ចជាផ្លូវការនៅលើទឹកដីប្រវត្តិសាស្ត្រខេត្តសៀមរាប ។
នៅក្នុងជំនួបសម្តែងការគួសមគណៈប្រតិភូនៅបន្ទប់រង់ចាំនៃអាកាសយានដ្ឋានអន្តរជាតិសៀមរាប និងក្នុងពិធីលៀងសាយភោជននៅសណ្ឋាគារសុខាអង្គរលោក ទៀ សីហា អភិបាលខេត្តក៏បានលើកឡើងពីសក្តានុពលរបស់ខេត្តសៀមរាបជម្រាបជូនគណៈប្រតិភូដោយបញ្ជាក់ថា ប្រជាពលរដ្ឋខេត្តសៀមរាបបានពឹងផ្អែកលើវិស័យទេសចរណ៍ និងកសិកម្មដែលជាសេដ្ឋកិច្ចដ៏ចំបង ។
ដោយខេត្តសៀមរាបជាខេត្តសម្បូរទៅដោយសម្បត្តិវប្បធម៌ដ៏សម្បូរបែប និងរមណីយដ្ឋានធម្មជាតិសំខាន់ភ្នំគូលែន និងបឹងទន្លេសាប ។ លោកក៏បានថ្លែងអំណរគុណចំពោះរដ្ឋាភិបាល និង ប្រជាជនបារាំងដែលបានផ្តល់ និងចូលរួមស្តារអភិវឌ្ឍន៍មាតុភូមិកម្ពុជាឲ្យមានការរីកចម្រើន លើគ្រប់វិស័យ និងគាំទ្រទាំងនយោបាយការទូត ចំពោះឯករាជ្យភាព សន្តិភាព អធិបតេយ្យភាពជាតិ ការបង្រួបបង្រួមជាតិនៅកម្ពុជា ។
តាមរយៈនៃកិច្ចសហប្រតិបត្តិការរវាងខេត្តសៀមរាប និងខេត្តក្រុងសម្ព័ន្ធមេត្រីភាពនៃសាធារណរដ្ឋបារាំងបានរួមគ្នាសម្រេចបានលទ្ធផលល្អលើបណ្តាញចែកចាយទឹកស្អាតរោងចក្រផលិតទឹក ស្អាត ការបង្កើតសាលាសណ្ឋាគារ និងទេសចរណ៍ប៉ូលឌឺប្រ៊ូល សាលាបាយ , ការសាងសង់ស្ពានឈើឆ្លងស្ទឹង និងជួសជុលឡើងវិញពាក់ព័ន្ធរំដោះទឹកក្នុងក្រុងសៀមរាប ។ ក្នុងនោះលោកក៏បានលើកផងដែរ អំពីស្ថានភាពភ្ញៀវទេសចរដែលចូលមកទស្សនាកម្សាន្តនៅខេត្តសៀមរាបពីមួយឆ្នាំទៅមួយឆ្នាំមានការកើនឡើង ។
មានប្រសាសន៍នោះដែរ លោក Sylvain WASERMAN ក៏បានសម្តែងនូវក្តីរីករាយក្នុងការមក ទទួលបដិសណ្ឋារកិច្ចចំពោះគណៈប្រតិភូរបស់អាជ្ញាធរខេត្តសៀមរាបព្រមទាំងបានបញ្ជាក់ថា បន្ទាប់ពីបានធ្វើការពិគ្រោះយោបល់ជាមួយគណៈកម្មការកិច្ចការបរទេសបារាំង និងសមាជិក ប្រតិភូដោយបានលើកឡើងពីគោលបំណងសំខាន់ៗពីដំណើរទស្សនកិច្ចនៅលើទឹកដីព្រះរាជាណាចក្រកម្ពុជា គឺក្នុងការពង្រឹងពីចំណងមិត្តភាពសាមគ្គីភាពរវាងប្រទេសទាំងពីរ ហើយប្រទេសបារាំង គឺជាប្រទេសមួយមានតួនាទីយ៉ាងសំខាន់នៅក្នុងសហភាពសហគមអឺរ៉ុបព្រមទាំងការផ្សាភ្ជាប់រវាងប្រទេស និយាយភាសាបារាំងផងដែរ ។
ក្នុងនោះដែរលោក ក៏បានធ្វើការសាទរផងដែរនូវរាល់សមទ្ធិផលនៃកិច្ចសហប្រតិបត្តិការល្អនឹងគ្នារវាងខេត្តក្រុងនៃសាធារណរដ្ឋបារាំងជាមួយខេត្តសៀមរាបដែលលោកអភិបាលខេត្តបានជម្រាបជូន ។ ដោយខេត្តសៀមរាបជាខេត្តមួយដែលបានពឹងផ្អែកលើវិស័យកសិកម្ម និងទេសចរណ៍ហើយក៏បានធ្វើឲ្យសេដ្ឋកិច្ចរបស់ប្រជាជនកាន់តែមានភាពប្រសើរឡើង ដែលទទួលផលប្រយោជន៍ពីវិស័យទេសចរណ៍ដែលជាប្រភពសេដ្ឋកិច្ចមិនចេះរីងស្ងួតនៃព្រះរាជាណាចក្រកម្ពុជា ៕
ចែករំលែកព័តមាននេះ