ខេត្តស្ទឹងត្រែង ៖ វារីអគ្គិសនីសេសានក្រោម២ ដែលមានកម្លាំងថាមពល៤០០មេហ្គាវ៉ាត់ម៉ោង និងត្រូវសម្ភោធដាក់ឱ្យប្រើប្រាស់ជាផ្លូវការក្រោយចំណាយពេលសាងសង់រយៈ៥ឆ្នាំកន្លងទៅដោយក្រុមមួយរបស់ចិន ។
ការសម្ភោធដាក់ឱ្យប្រើប្រាស់នូវសមិទ្ធិផលថ្មីដ៏ធំនេះ និងធ្វើឡើងនៅព្រឹកថ្ងៃទី១៧ ខែធ្នូ ឆ្នាំ២០១៨ខាងមុខ ក្រោមអធីបតីដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងមានការចូលរួមពីរាជរដ្ឋាភិបាលភាគីកម្ពុជាឯកអគ្គរដ្ឋទូតចិន តំណាងអោយរដ្ឋាភិបាលប្រទេសចិន រាជរដ្ឋាភិបាលប្រទេសវៀតណាម និងរាជរដ្ឋាភិបាលប្រទេសឡាវ និងប្រជាពលរដ្ឋប្រមាណជាង៣០០០នាក់ ដែលនេះជាចំនួនគ្រោងទុក ប៉ុន្តែចំនួនប្រជាពលរដ្ឋអាចនឹងមានការប្រែប្រួលទៅតាមកាលៈទេសៈនេះ ។
បើតាមការបញ្ជាក់របស់ប្រធានគណៈកម្មាការរៀបចំកម្មវិធីពិធីសម្ភោធដាក់ដំណើរការអោយប្រើប្រាស់ជាផ្លូវការនូវទំនប់វារីអគ្គិសនីសេសានក្រោម២ និងជាអភិបាលខេត្តស្ទឹងត្រែង ។ លោកបន្ថែមថា ការសម្ភោធឱ្យប្រើប្រាស់ទំនប់នេះ និងដំណើរការដោយរលូតតាមការគ្រោងទុក ព្រោះរដ្ឋបាលខេត្តស្ទឹងត្រែងបានរៀបចំបង្កើតអនុគណៈកម្មាការៀបចំការពារសន្តិសុខផងដែរ ។
មុនការសម្ពោធ លោក ស៊ុយ សែមរដ្ឋមន្ត្រីក្រសួងរ៉ែ និងថាមពល និងលោកម៉ុម សារឿន អភិបាលខេត្តស្ទឹងត្រែបានដឹកនាំគណៈប្រតិភូ និងក្រុមការងារខេត្តចុះពិនិត្យវឌ្ឍនភាពទីតាំងភូមិសាស្ត្រ និងបច្ចេកទេស ដើម្បីធ្វើការរៀបចំពិធីសម្ពោធ ។ ស្ថានីយ៍វារីអគ្គិសនីដ៏ធំដែល មានតម្លៃសរុប៧៨១.៥២លានដុល្លារ ដោយមានការបណ្តាក់ទុនរួមគ្នារវាងក្រុមហ៊ុន Hydrolancang International Energy មានភាគហ៊ុន៥១ភាគរយ គឺស្ថិតនៅក្នុងឃុំភ្លុក ស្រុកសេសាន ខេត្តស្ទឹងត្រែង ។
តាមការប៉ាន់ស្មានរបស់រាជរដ្ឋាភិបាលនៅពេលវារីអគ្គិសនីមួយនេះដំណើរការពេញលេញនឹងអាចផ្តល់ប្រាក់ចណូលពន្ធដល់រដ្ឋប្រមាណ៣០លានដុល្លារក្នុង១ឆ្នាំៗ។ ហើយយោងតាមកិច្ចព្រមព្រៀងរវាងក្រុមហ៊ុនវិនិយោគ និងរាជរដ្ឋាភិបាល បន្ទាប់ពីដំណើរការអាជីវកម្មអស់រយៈពេល៤០ឆ្នាំគម្រោងវារីអគ្គិសនីទន្លេសេសានក្រោម២នេះ នឹងត្រូវផ្ទេរជូនរដ្ឋាភិបាលជាអ្នកគ្រប់គ្រង់វិញម្តង ដែលនេះបានឆ្លុះបញ្ចាំងពីការចូលរួមចំណែកដ៏សំខាន់របស់ក្រុមហ៊ុនឯកជនជាមួយរដ្ឋាភិបាលកម្ពុជា ។
គួបញ្ជាក់ថា ទំបន់វ៉ារីអគ្គិសនីសេសានក្រោម២ ជាទំនប់ដែលមានអនុភាព៤០០មេហ្គាវ៉ាត់ម៉ោង ត្រូវបានចាប់ផ្តើមសាងសង់ឡើងក្នុងឆ្នាំ២០១៤ និងបញ្ជប់ការសាងសង់នៅឆ្នាំ២០១៨ដោយក្រុមហ៊ុនរបស់ចិន ៕
ចែករំលែកព័តមាននេះ