បុគ្គលិកក្រុមហ៊ុនឯកជនម្នាក់បើកស៊េរីទំនើបពន្លះផ្អើល…ស្ថានីយប្រេងសុំថ្លៃជាង១៦០០០ដុល្លារ
- ភ្នំពេញ
រាជធានីភ្នំពេញ ៖ បុរសម្នាក់ជាបុគ្គលិកក្រុមហ៊ុនឯកជនបានទិញទូរស័ព្ទថ្មីឲ្យឪពុកមាហើយក៏នាំគ្នាជប់លៀងផឹកស្រាទំពាំងបាយជូរអស់២ដប ធ្វើឱ្យស្រវឹងជោក បន្ទាប់មកប្រធានហៅឱ្យបើករថយន្តទៅដឹកភ្ញៀវ ហើយបើកលឿនពេកក៏រេចង្កូតទៅបុកខឿនផ្លូវរួចជ្រុលទៅបុកចូលក្នុងស្ថានីយប្រេងតេលា២៤ម៉ោង ហើយក៏បន្តទៅបុកធុងសំរាប់ចាក់ប្រេងសាំងម៉ាស៊ូតរលំដួលទៀតបណ្តាលឲ្យឆេះ តែសំណាងល្អបុគ្គលិកចាក់សាំងបានបាញ់ពន្លត់ទាន់ពេលវេលា ។ ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង១២និ២០នាទីរំលងអធ្រាត្រឈានចូលថ្ងៃទី១៦…
ហេតុការណ៍ខាងលើនេះបង្កការភ្ញាក់ផ្អើលកាលពីវេលាម៉ោង១២និ២០នាទីរំលងអធ្រាត្រឈានចូលថ្ងៃទី១៦ ខែ ធ្នូ ២០១៨ នៅចំណុចស្ថានីយប្រេងតេលា តាមផ្លូវព្រះនរោត្ដម ស្ថិតនៅភូមិ១៣ សង្កាត់ទន្លេបាសាក់ ខណ្ឌចំការមន ។
សមត្ថកិច្ចបានអោយដឹងថា បុរសជាអ្នកបើករថយន្តខាងលើឈ្មោះ នី វណ្ណឌី ភេទប្រុស អាយុ២៥ឆ្នាំ មុខរបរបើកបររថយន្តក្រុមហ៊ុនឯកជន ស្នាក់នៅសង្កាត់ចាក់អង្រែក្រោម ខណ្ឌមានជ័យ បានរៀបរាប់ថា មុនកើតហេតុ គាត់ទើបនឹងទិញទូរស័ព្ទដៃអោយឪពុកមាហើយបាននាំគ្នាទៅជប់លៀងដោយផឹកស្រាទំពាំងបាយជូរអស់២ដប ធ្វើឱ្យស្រវឹងជោក ហើយស្រាប់តែប្រធានប្រើអោយគាត់ទៅដឹកភ្ញៀវនៅម្ដុំមជ្ឃមណ្ឌលកំសាន្តរ៉ក ។
ប្រភពដដែលបានបន្តថា ពេលគាត់បើកបររថយន្តមួយគ្រឿងម៉ាកហ៊ីយ៉ាន់ដាយ H1 ពណ៌ខ្មៅ ពាក់ស្លាកលេខ AT18-2-0460 មកដល់ផ្លូវព្រះនរោត្តមក្នុងទិសដៅពីជើងទៅត្បូងបម្រុងចូលចាក់ប្រេងម៉ាស៊ូតនៅស្ថាយនីខាងលើ ស្រាប់តែមានម៉ូតូបើកឆ្លងកាត់ពីមុខរថយន្ត ធ្វើឲ្យគាត់ភ្ញាក់បួងចង្កូតជ្រុលទៅបុកធុងប្រេងសម្រាប់ចាក់សាំងដួលរលំតែម្ដង ។
ប្រភពព័ត៌មានពីអ្នកឃើញហេតុការណ៍បានឲ្យដឹងថា អ្នកបើករថយន្តខាងលើបានស្រវឹង ហើយបើករថយន្តរេចង្កូតបុកខឿនចិញ្ចើមផ្លូវ រួចរេចង្កូតទៅបុកចូលក្នុងការាស់សាំង បន្ទាប់មកបុកធុងចាក់ប្រេងម៉ាស៊ូតពេញទំហឹងបណ្តាលឲ្យដួលរលំឆាបឆេះតែម្តង ភ្លាមៗនោះបុគ្គលិកចាក់សាំងដែលបំរើការ២៤ម៉ោងបានរត់ទៅយកបំពង់ពន្លត់អគ្គីភ័យបាញ់ពន្លត់ទៅវិញភ្លាមៗផងដែរ ។
ក្រោយកើតហេតុ បានធ្វើការសម្របសម្រួលគ្នាដោយខាងភាគីខាងរថយន្តមានក្រុមហ៊ុនធានារ៉ាប់រង តែដោយសារភាគីខាងក្រុមហ៊ុនប្រេងតេលាសុំថ្លៃខូចខាតត្រឹម១៦៥០០ដុល្លារ ដើម្បីដូរម៉ាស៊ីនថ្មីតែម្ដង បើមិនអោយលុយទេមានតែខាងតំណាងរថយន្តបង្កហៅក្រុមហ៊ុនមកដំឡើងធុងប្រេងវិញក៏បាន ។ ធុងប្រេងដែលដួលរលំនោះមានដៃសម្រាប់ចាក់ប្រេងចំនួន៦ទើបវាថ្លៃជាងធុងប្រេងមានដៃសម្រាប់ចាក់ប្រេងចំនួន៣ ។
ទោះជាយ៉ាងណា ការដោះស្រាយមិនត្រូវគ្នាបានប្រគល់អោយខាងរថយន្តស្ទូចរបស់ការិយាល័យនគរបាលចរាចរណ៍ផ្លូវគោកស្នងការរាជធានីភ្នំពេញយករថយន្តបង្កទៅរក្សាទុករង់ចាំធ្វើការដោះស្រាយតាមក្រោយទៀត ៕
ចែករំលែកព័តមាននេះ