ខេត្តស្ទឹងត្រែង ៖ អាជ្ញាធរខេត្តស្ទឹងត្រែង បានធ្វើបដិសណ្ឋារកិច្ចដល់គណៈប្រតិភូប្រណាំងកង់ អន្តរជាតិលើក ទី២១ ដណ្តើមពានរង្វាន់វិទ្យុសម្លេងប្រជាជន ទីក្រុងហូជីមិញ ប្រទេសវៀតណាម ដែលបានឆ្លងកាត់ កំណាត់ផ្លូវដ៏វែង ហើយចូលមកដល់ ខេត្តស្ទឹងត្រែង កម្ពុជា ។
ក្រុមប្រកួតជិះកង់ឆ្លងកាត់៣ប្រទេស វៀតណាម កម្ពុជា និងឡាវ ប្រវែង១ពាន់៧៥០គីឡូម៉ែត្រ ទើបបានធ្វើដំណើរមកដល់ខេត្តស្ទឹងត្រែង នៅថ្ងៃទី១៣ធ្នូ ក្រោយការចេញដំណើរបាន រយៈពេល៣ថ្ងៃមកហើយ។
ការប្រកួតជិះកង់ឆ្លងកាត់៣ប្រទេស ក្នុងតំបន់ឥណ្ឌូចិននេះ គឺជាគំនិតផ្តួចផ្តើម របស់ វៀតណាម ដែលនឹងមានរយៈពេល១២ថ្ងៃ។ ការប្រកូតជិះកង់នេះ បានចាប់ផ្តើមចេញដំណើរកាលពីថ្ងៃទី១០ ធ្នូ ចេញពីក្រុងសៃហ្គន នៃប្រទេសវៀតណាម ឆ្លងកាត់កម្ពុជាក្នុងខេត្តចំនួន២ គឺខេត្តក្រចេះ និងស្ទឹងត្រែង ប្រវែង១៣៥គីឡូម៉ែត្រ មុននឹងបន្តធ្វើដំណើរចូលទៅក្នុងប្រទេសឡាវ និងបន្តចូល ក្នុងទឹកដីវៀតណាមវិញ។
ការប្រណាំងកង់លើកទី២១នេះ ចាត់ទុកជាព្រឹត្តិការកីឡាឆ្លងកាត់តំបន់ឥណ្ឌូចិនដ៏ធំមួយដែល មានការចូលរួមពីក្រុមកីឡារហូតដល់២៥៩នាក់ ប្រណាំងឆ្លងកាត់ប្រទេស៣ គឺ កម្ពុជា វៀតណាម និង ឡាវ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ