ព្រះដ៏មានព្រះភាគទ្រង់សរសើរចំពោះបុគ្គលដែលបានបម្រើមាតាបិតា ធ្វើទានដល់អ្នកក្រីក្រ ជនទុរគត អ្នកតូចទាប រួមនឹងចេះរៀបចំឫកពា ចរិយា រួមទាំងសម្តីសំដៅសមរម្យ ទាំងទឹកចិត្តល្អជាដើម ឈ្មោះថាជាមនុស្សដែលគួររាប់អាន គួរឱ្យសរសើរ…
ព្រះដ៏មានព្រះភាគទ្រង់សរសើរចំពោះបុគ្គលដែលបានបម្រើមាតាបិតា ធ្វើទានដល់អ្នកក្រីក្រ ជនទុរគត អ្នកតូចទាប រួមនឹងចេះរៀបចំឫកពា ចរិយា រួមទាំងសម្តីសំដៅសមរម្យ ទាំងទឹកចិត្តល្អជាដើម ឈ្មោះថាជាមនុស្សដែលគួររាប់អាន គួរឱ្យសរសើរ ។
តើមនុស្សល្អមានលក្ខណៈប៉ុន្មានយ៉ាង? ខាងក្រោមនេះជាបុគ្គលិលក្ខណៈនៃមនុស្សល្អៈ
១-ជាអ្នកដែលបានធ្វើនូវប្រយោជន៍ដល់ខ្លួនឯងផង និងប្រយោជន៍អ្នកដទៃផង ស័ក្ដិសមជាមនុស្សដែលមានចិត្តប្រសើរខ្ពង់ខ្ពស់។
២-ជាអ្នកឆ្លាតក្នុងការនិយាយស្តី គឺនិយាយចេញទៅមិនឲ្យទាស់ត្រចៀកនៃអ្នកស្ដាប់ និយាយឲ្យគេសប្បាយចិត្ត មានសេចក្ដីសុខនៅពេលដែលគេបានស្ដាប់ពាក្យសម្តីនោះ មិននិយាយលើកតម្កើងខ្លួនឯង ហើយបន្តុះបង្អាប់អ្នកដទៃឱ្យគេអាប់យស ។
៣-ជាមនុស្សចេះអត់ធន់ចំពោះពាក្យសម្ដីអ្នកដទៃ គឺជាមនុស្សអប់រំចិត្តបានល្អហើយ ទោះជាគេនិយាយពាក្យអសុរោះ ពាក្យទ្រគោះបោះបោកក៏មិនក្តៅក្រហាយ មិនក្រោធ តបនៅតែជាចិត្តត្រជាក់ ចិត្តនឹងជាធម្មតា។
សាធុជនណាមានចំណុចទាំង៣នេះនៅក្នុងសន្តាន បុគ្គលនោះឈ្មោះថាជាអ្នកឆ្លាត ជាមនុស្សគួរសរសើរ និងបានជាទីរាប់អាននៃអ្នកផងទាំងពួង ។
ចែករំលែកព័តមាននេះ